1 Peter 1:4 - Syin Chin Bible

⁴ tua ahikom a mite atu Pathian ii a koi, a thupha tam mamate a nei tu in ih kilamen hi. Ama in note atu in tua thuphate vantung ah keam a, tua munah muat thei ngawl, lal thei ngawl le vul thei ngawlin om hi.

1 Peter 1:4 Iomraidhean Croise

Psalm Late 31:19

Nang hong upatte atu in a lamdang mama nate na khealsia hi! A kuama po in nangma bangza inpha ci sia hong he tek hi, nang hong muangte sia ngammuang takin na sungsiatna hong he uh hi.

Psalm Late 47:4

Hong it ama mihingte ii kiphatsakpui tu neisa ahi ih teenna leitang sia ama in hong tealsak hi.

Isaiah 66:22

“Leitung thak le vantung thakte in keima ii vaangletna taw kho top tu ahi bangma in, na suan na paalte le na min kip in kho tu hi.

Ezekiel 47:12

Lui lang le lang vaalbo tungah an tu in thingkung namcinte po tu hi. A teete vul ngeingawl tu a, a nga pangh ngeingawlin nga tawntung tu hi. Tha simin tuate in nga thakte nga tu hi, banghang ziam cile Biakinnpi pan a luang luitui in tui pia hi. A thingkungte in an piangsak tu a, tuaciang a teete sia mihingte ciidamsak kik natu in kizangh tu hi,” hong ci hi.

Matthew 25:34

Tuaciang Kumpipa in ziatsang a om mihingte munah, ‘Hong pai tavun; Ka pa ii thupha piakte awng! Simlei a kibitphua ciil panin no atu a kipua khol sate lua tu in hong pai tavun.

Mark 10:17

Jesus ding tu in a kipat kik ciangin, pasal khat hong tai a, ama mai ah khupdin in, “Sya pha awng, tawntung nuntakna ka nga natu in bang ka vawt tu ziam?” ci in dongh hi.

Sawltakte 20:32

“Tu in no sia Pathian kepna sung le a thuthiamna thu sungah kong aap hi, tuasia in ama mihing theampo hong puuato thei a, Pathian thuphate hong pia thei hi.

Sawltakte 26:18

Nang in amate mit na honsak tu a, amate sia khuazingna sung panin, khuavakna ah, Satan vaangletna panin, Pathian kungah na kiheaksak tu hi. Tua hile amate in keima hong upna tungtawnin, a mawnate uh kimaisak tu a, Pathian tealsa mite sungah amate in omna nga tu uh hi.’

Romete 8:17

A tate ih hi zawk nungsang a mite atu a khealsia thuphate ih lua tu a, Christ atu a Pathian ii a koi nate zongh ih lua tu hi; banghang ziam cile Christ ii thuakna ih thuakpui le a minthanna zongh ih lua tu hi.

1 Corinth te 9:25

A kikhomsuan ngawl paakkual lukhu khat a kikhuksak natu in, a kimai khat sim in a sinna sungah a haksa mama kitekna nuai ah kipum aap hi; ahihang eite ih hile, a tawntungin a kip tel atu in ih seam hi.

Galatia te 3:18

Banghang ziam cile Pathian letsong sia Thukham tungah kibulphu hile, ama kamciam tungah kibulphu ahi nawn bua hi. Ahizong ama ii kamciam hangin Pathian in Abraham sia tua letsong pia hi.

Ephesus te 1:11

Na theampo sia Pathian ii tupna le khensatna bangin kiseam a; Pathian in a kipatciil pan mama in a khensatsa thu bulphu in, ama ii tupna hu in eite Christ taw kipumkhat a, ama aituam mihingte ih sua natu in hong teal hi.

Ephesus te 1:14

Tua Thaa in Pathian ii mihingte hong kamciam sate ih nga natu kipsakna hi a, ama ii neisa ahite tungah suatakna a cingin Pathian in hong pia tu hi ci in hong lungmuangsak hi. Ama ii minthanna pok tawng!

Ephesus te 1:18

Bang lametna nei tu in note hong sam a, a mite a piak tu a, a kamciam thuphate bangza in nasia, ci in na heak natu in na thinsung uh hong kihonsak a, a khuavak na mu thei natu in kong ngetsak hi,

Colossae te 1:12

Thinnopna taw Pa tungah lungdam na ko tavun. A ma in khuavakna ngam sungah a mite ii lua tu a khealsiate nga tu in hong kilawmsak hi.

Colossae te 1:5

Lungdamna Thupha a maan thuhilna no tungah hong theng masa a, tua ii hong piak tu lametna sia na za zo uh hi. Tua ahikomin vantung ah no atu in hong kikoisak na lamet uh sia ii tungah na upna le na itna uh, kingaa in om hi.

Colossae te 3:24

Topa in ama ii mite atu a khealsia thamante note hong pia tu hi ci in na phawk tavun. Banghang ziam cile na Topa tatakin Christ ahi hi.

2 Timothy 4:8

Tu in thumaan thutang thukhenpa, Topa in tua Ni ciangin kei hong piak tu, Pathian mai ah thutang suana zawna thaman in kei hong ngak nginge hi. Kei bek hong pia tu hi ngawl a, ama hong pai kik tu itna taw a ngakte theampo zongh pia tu hi.

Hebrew te 10:34

Thongtaakte na thuakpui uh a, na neisa theampo hong kimatsak ciangin, tua supna sia lungdam takin na thuak uh hi, banghang ziam cile a tawntung a, a kikhomsuan tu, a phazaw pek khat, nei nginge lai na hi uh sia na he uh hi.

Hebrew te 9:15

Tawntung thupha Pathian kamciamte a saan thei natu in, Pathian sapsa mihingte atu, Christ in thuciam thak khat hong vawtsakna in, hisia hang ahi hi. Hisia kipiangsak thei hi, banghang ziam cile thina khat om a thuciam masa sia a om kimlai ma in, mihingte a khialnate pan tua thina in suaktasak hi.

James 1:11

Ni hong suak a, nisa in a kung hal a; a paak pulin a hoina teng siacipsak hi. Tuasia bangma in mihaupa sia a nasepna ah, a sep laitakin kisusia tu hi.

1 Peter 3:9

Ngitlona sia ngitlona taw thuk kik heak vun a, haamsiatna zongh haamsiatna taw thuk kik heak vun; tua hi ngawl zaw in thupha taw kithuk zaw vun, banghang ziam cile, note Pathian hong sap lai in piak tu a hong kamciam sia thupha hi zaw hi.

1 Peter 5:4

Tuaciang Tuucing Pipa hong kilangh ciangin, a taanna a bo ngeingawl tu minthanna lukhu na saang tu uh hi.

Thupualaakna 21:27

Ahihang a thiangtho ngawl, a maizumhuai a ngamtate le leilot theite kuama tua khuapi sungah a tum thei buatu uh hi. Tuuno nuntakna laibu sungah a min a kikhumte bek tua khuapi sungah tum thei tu uh hi.