1 Peter 1:23 - Syin Chin Bible

²³ Banghang ziam cile a nungta tawntung Pathian kammal tungtawnin, a thi maw a nungta tawntung nu le pa khat ii tate bangin, na piangthak zo uh hi.

1 Peter 1:23 Iomraidhean Croise

Jeremiah 23:28

Tua mangman kamsaang pa in hi thu sia mang bekma hi ci tahen a, ahihang ka thupuak a za kamsaang pa in ka thupuak sia maan takin thangsak tahen. Taangphaw le zungtaang tang teengat tu pha ziam?

Thiampite 11:37

A kiciing tu thaicii tungah sathi luang khat a taak le, tua thaicii thiang veve hi.

Malachi 2:3

Na tate daan ka pia tu a, na sangaw biakpiakna nganhingte ii eak sungah na mai kong taat tu hi — tuaciang note eak kholna munah hong kipaipui tu hi.

Matthew 24:35

Vantung le simlei a bo tu hi, ahihang ka kammalte a bo ngei buatu hi.

Luke 8:11

“Thusonteena ii khiakna in hi bang ahi hi: thaicii sia Pathian kammal ahi hi.

John 1:13

Amate leitung pianziate taw Pathian ii tate a suak hi ngawl hi, cinopna in, pa khat ii hin tate bangin a piang ahi bua hi; Pathian mama sia amate ii Pa ahi hi.

John 1:3

Ama tungtawnin Pathian in na theampo piangsak hi; a kibitphua theampo ama ngawl taw a kipiangsak na khat beak a om bua hi.

John 3:3

Jesus in, “Thumaan hong son khi hi: niivei a suak kik buale, kuama in Pathian Ngam mu thei ngawl tu hi,” ci in zo hi.

John 3:5

Jesus in “Thumaan hong son khi hi. Tui le Thaa taw a suak buale, Pathian Ngam sungah kuama tum thei ngawl tu hi.

John 6:63

Nuntakna a pia sia Pathian ii Thaa ahi hi; mihing thahatna in mannung mama ngawl hi. No tungah ka pau sa kammalte in nuntakna a pia Pathian ii Thaa hong tut ahi hi.

Romete 1:23

a nungta tawntung Pathian a biak tu luangin a thithei mihing, vacim, ngamsa, awmtaal in a vak nganhingte meal taw kibang limte bia uh hi.

Hebrew te 4:12

Pathian kammal in nungta a, thahat in, lang nii hiam namsau sangin hiam zaw hi. Ama in thaa le thinsung kisiktuana mun, ngu le taang ngungeak kipeena mun teng pailet hi. Ama in mihing deina le lungngulna te tungah thukhen hi.

James 1:18

Ama ii piansaknate theampo sung pan a thupibel ih sua thei natu in, thumaan kammal tungtawnin, ama ii deina om babangin eite hong piangsak hi.

1 Peter 1:25

Ahihang Topa kammal sia a tawntungin kip hi,” ci hi. Hi kammal sia no tung a hong kithangsak tua Lungdamna Thupha ahi hi.

1 Peter 1:3

Topa Jesus Christ ii Pa le Pathian tungah lungdamko tawng! Hong hesuakna lian ahikomin, Jesus Christ sia thina pan a thawsak kikna taw nuntakna thak eite hong pia hi. Hi sia in a nungta lametna taw hong dimh hi,

1 John 3:9

Pathian ta ahi peuma sia mawna vawt a zom suak bua hi, banghang ziam cile Pathian pianzia mama ama sungah om hi; tuaciangin Pathian sia ama Pa hi zo ahikom mawna vawt a zomsuak thei bua hi.

1 John 5:18

Pathian ii tate kuama in mawna vawt tan viuveu ngawl hi ci in ih he hi, banghang ziam cile Pathian ii Tapa in ama keamcing a, Ngilopa in a susia thei bua hi.