1 Peter 1:22 - Syin Chin Bible

²² Tu in thumaan thutak na zui uh hu in, noma le noma na kithiansua zo uh a, na thu uppui mihingte it zo takpi tu na hi uhkom na thin theampo uh taw khat le khat nasia takin ki it tavun.

1 Peter 1:22 Iomraidhean Croise

John 15:17

Tua hi a, hi thu in note tungah kong thupiak ahi hi: khat le khat na ki it tavun.

John 15:3

Note sia hilcianna kong piakte hangin hong kithiangthosak zo hi.

John 17:17

Thumaan thutak taw nangma atu in amate na keam tuam in; na kammal in thumaan thutak hi.

John 17:19

Amate zongh maan tak a, nang tungah hong ki aap thei natu, amate atu ka ngaisutsakna in, keima le keima nang tungah kong ki aap hi.

Sawltakte 15:9

Ama in ei le amate hong doi tuan ngawl hi. Amate in um ahikom a mawnate maisak hi.

Sawltakte 6:7

Tuabangin Pathian kammal hong kizel to hi. Jerusalem khua ah a nungzuite khang vaial a, thiampi tam mamate in hi upna saang uh hi.

Romete 1:5

Ama tungtawnin mi namcin sung pan mihing theampo ii a up thei natu le a thu a nit thei natu in Christ hu in Pathian in kei sia sawltak khat sua theina thupha hong pia hi.

Romete 2:8

Midangte ahile amate atu bek ngaisun in, thumaan nial in a maan ngawl thu zui uh hi; tuate tungah Pathian in a thangsiatna le a thin uukna buak tu hi.

Romete 8:13

Banghang ziam cile mihing pianzia bangin na nungta uh le na thi takpi tu uh hi; ahihang mawna ngamtatnate Thaa taw na thatlum uh le na nungta tu uh hi.

2 Corinth te 6:6

Pathian naseamte ka hina uh sia thiangtho nuntakna, thu heakna, thinsauna le dikna — Thaa Thiangtho taw, ki itna tatak taw,

Galatia te 3:1

Galatia mihing mawmawte awng! Akua in hong bum ziam? Jesus Christ ii thinglamtee tungah a thina thu sia na mittang uh taw, thiang takin na mu thei tu in hong kilak zo hi!

Galatia te 5:5

Kote ka hi uh le ka lam etna uh sia Pathian in thutang hong suasak tu ci thu ahi hi; hi thusia ka upna uh tungtawnin Pathian ii Thaa vaangletna taw hong seam tu hi ci in ka ngak uh sia ahi hi.

Galatia te 5:7

Na vawt uh sia pha mama hi! Akua in thumaan thu na nit tu sia hong khaktan ziam? Bangbangin ama in hong kaizawn ziam?

Ephesus te 4:3

Na kilemna tungtawn a Thaa ii hong piak, no hong ngawmtua kipumkhatna sia ahi theiza in na keamcing tavun.

Philippi te 1:9

Ki itna na khantosak seseam natu, heakna maan le thukhenna maan na nei khop thei natu,

1 Thessalonica te 3:12

Khat le khat na ki itna uh le mihing theampo na itna sungah khangto vaialin, noma kong itna a lian za ma in na ki it natu uh, Topa in hong siam tahen.

2 Thessalonica te 1:3

Suapuite awng, note atu in hun theampo ah Pathian ka pok uh kul hi. Tuabang ka ngamtat tu uh sia maan hi, banghang ziam cile na upna uh nasia khan mama a, tuaciang note khat sim ii midangte na itna uh lian vaial hi.

2 Thessalonica te 2:13

Topa hong it suapuite awng, note atu in Pathian tungah a tawntungin lungdam ka ko hamtang tu uh hi. Banghang ziam cile Thaa ii vaangletna taw ama mi thiangthote hong suasak natu le thumaan thutak na upna uh taw a kingum phitbelte na sua natu uh in Pathian ii tealte na hi uh hi.

1 Timothy 1:3

Macedonia ah ka pai lai, kong sawl sa bangma in Ephesus ah na taam tu kong deisak hi. Tua munah mihing pawlkhat in a maan ngawl upna thubulte hil hi, amate tuabang hilna pan a tawp natu in, thu na pia in.

1 Timothy 1:5

Hi thupiakna ii tupna sia, lungtang thiangtho, thinsung thiangtho le upna tatak panin hong piang ki itna a khanto thei natu deina hi.

1 Timothy 4:12

Khangmoi na hi hu in, kuama in na zawngsaksak heak in a, ahihang na pauna, na ngamtatna, na itna, upna le thiangthona sungah, thu umte ii ettee tu hi ta'n.

1 Timothy 5:2

nupi a haamzawte sia na nute uh bang, numei a moizawte sia thinsung thiangtho tak taw na suapuinumeite uh bangin na vawt vun.

2 Timothy 1:14

Ih sungah hong teang Thaa Thiangtho vaangletna tungtawnin, nang tungah, hong kimuang a hong ki aap naphate keamcing in.

Hebrew te 11:8

Pathian ii kamciam a piaksa ngam ah a pai tu in, Abraham in Pathian ii sapna a nit sia upna hang ahi hi. Ama in koisung pai tu ci in he ngawl pipi ma in, a ngam nusia hi.

Hebrew te 13:1

Tapidaw mi unau khat bangin khat le khat ki it tawntung vun.

Hebrew te 5:9

Ama sia a cingtaak a kisuasak zawkciang, ama thu a ni theampo atu in, tawntung ngupna ii naak a suak hi.

Hebrew te 6:10

Pathian sia a maan ngawlin a ngamta ngei bua hi. Ama in na a sepnate ahizong, ama ii tungah itna na lakna uh ahi, Tapidawpui te ii tungah huna na piakte le na piapiak laite sia hong makngilsak ngawl tu hi.

Hebrew te 9:14

Hisia thumaan ahikom, Christ ii chisan in bangza in seam zozaw seseam tu ziam! Tawntung Thaa tungtawnin, ama in Pathian tungah ama le ama a cialcing sangaw biakpiakna in, kipia zo hi. Ama chisan in a mannung ngawl biakna huvau panin, ih thinsung hong thiangsak tu hi.

James 1:21

Tua ahikom a kiihuai zongsang nate le seksolnate theampo vawk siat vun. Pathian tungah ki aap vun a, na thinsung ah hong khum a kammal na saang vun, tua in note hong ngum thei hi.

James 4:8

Pathian kungah hong neak tavun, tua hile Pathian in note hong neak tu hi. Na khut uh sil vun, no mawneite awng! Na thinsung uh thiansua vun, no a kihitheamsakte awng!

1 Peter 1:2

No sia Pa Pathian tupna taw hong tealsa hi a, Jesus Christ thu a ni tu le a chisan taw a kithiansua tu in, ama Thaa taw a thiangtho minam a suak sate na hi uh hi. Thuthiamna le thinnopna note sungah hong dim tahen.

1 Peter 2:17

Mihing theampo zatak vawt vun, na thu uppuite it vun, Pathian thasiana nei vun a, Kumpilianpa zakta vun.

1 Peter 3:1

Tuasia bangma in, no zite awng na pasalte khat po Pathian thu um ngawl a om le, na ngamtatna taw Pathian thu um khat na suasak thei natu in na pasalte thu na nit uh kul hi. Kam khat zongh na pau kul ngawl tu hi,

1 Peter 3:20

Hi thaa te sia Noah ii teambaw a sak lai hun a, Pathian ii thin uai takin a ngak, Pathian thu a ni nuam ngawlte ii thaa te ahi hi. Teambaw sungah mihing tawmno — a vekpi in liat bek — tui in laamto in suaktasak hi,

1 Peter 3:8

A tawpna ah: note theampo in a kibang ngaisutna le khuaheakna nei tavun; tuaciang khat le khat unau bangin ki it vun. Khat le khat tungah dikin, kiniamkhiak tavun.

1 Peter 4:17

Thukhen kipat tu hun hong tung zo a, Pathian aituam mihingte sia thu kikhen masa tu hi. Eite taw hong pan le Pathian kung pan hong pai Lungdamna Thupha a um ngawlte bang suak thong tu ziam?

1 Peter 4:8

Khat le khat thinsung takpi taw na ki it tu sia thupi ngaisutbel tavun, banghang ziam cile ki itna in mawna tam mama sincip hi.

2 Peter 1:7

Pathian bang hina tungah u le nau ki itna belap vun; tuaciang u le nau ki itna tungah ngual it theina belap vun.

1 John 3:11

A kipat pan ma na zaak uh thu in: eite khat le khat ih ki it hamtang natu thu ahi hi.

1 John 3:23

Ama hong thupiak sia bang ziam cile a Tapa Jesus Christ ih up tu le Christ ii hong thupiak bangma khat le khat ih ki it natu ahi hi.

1 John 4:12

Kuama in Pathian mu ngeingawl hi, ahihang eite khat le khat ih ki it le, Pathian sia ei taw pumkhat in hong omkhawm a, tuaciang ama ii itna ei sungah hong cialcingsak hi.

1 John 4:20

Khat po in Pathian ka it hi ci napi in a suapuite a ensan le ama sia leilot thusonpa ahi hi. Banghang ziam cile a mu thei a suapuite a it buale a mu thei ngawl Pathian a it thei buatu hi.

1 John 4:7

Ka it lawmte awng, eite khat le khat ki it tawng, banghang ziam cile itna in Pathian kung pan hong pai hi. Ngual a it thei pawpo sia Pathian ta hi a, Pathian he hi.

Thupualaakna 2:4

Ahihang note kong mawsakna khat sia hi thu ahi hi. A masa a nong it uh bangin, tu in kei nong it nawn bua uh hi.