1 Peter 1:20 - Syin Chin Bible

²⁰ Ama sia simlei a kibitphua ma in, Pathian teal kholsa hi a, hi ni tawpkhak nite sungah no atu hong kilaak ahi hi.

1 Peter 1:20 Iomraidhean Croise

Pianciilna 3:15

Numei taw khat le khat kong kihuatsasak tu a; ama ii hin le toaite le nang aa te a tawntungin na kingal tu uh hi. Ama ii hin le toaite in na lutang hong sucip tu a, nang in a khuatul na tuksak tu hi,” ci hi.

Paunakte 8:23

A kipatciil hun mama in kei hong kivawt hi, simlei a kipat ma in a masabel ka hi hi.

Micah 5:2

Topa in, “Bethlehem Ephrathah khua awng, nang in Judah ngam sungah khuanobel khat na hi a, ahizong nang sung pan Israel a ukpa tu khat ka piangsak tu hi. Ama khang ngui in taangh tawngh pek taw kizom hi,” ci hi.

Matthew 25:34

Tuaciang Kumpipa in ziatsang a om mihingte munah, ‘Hong pai tavun; Ka pa ii thupha piakte awng! Simlei a kibitphua ciil panin no atu a kipua khol sate lua tu in hong pai tavun.

Sawltakte 2:23

Pathian in ama thuneina le tupna taw Jesus sia no khut sungah ki aap tu in zeak zo hi; tuaciang mimawte in, ama sia thinglamtee tungah na kilhsakna uh taw note in ama na thatlum zo uh hi.

Romete 3:25

Ama ii kipumpiak biakpiak natu in hong thina taw amate upna tungtawnin, mihingte mawna kimaisakna a pian natu in, Pathian in ama hong pia hi. Pathian in thutang ahi hunlam hong lak natu in, hi bangin a vawt hi. A bosa hun sungah ama a thin uai a, mihingte mawnate hong tha thong hi; ahihang tu in ama sia, thutang ahi hunlam a kilak natu in, mihingte mawna tungtaang ah na hong seam hi. Hi bangin Pathian in ama sia thutang ahi hunlam le Jesus Christ a um peuma thutang a suasakna thu hong lak hi.

Romete 8:29

Pathian teal sate a Tapa taw a kiban natu in, doituam a, tua hu in a Tapa in unau tam mama sung panin ta upabel suaksak hi.

Galatia te 4:4

Ahihang a hun hong cin pepeet ciang, Pathian in a Tapa hong paisak hi. Ama sia mihing ahi leitung nu khat ii tapa bangin hong pai a, Jew te Thukham nuai ah nungta hi,

Ephesus te 1:10

A hun hong tun ciangin Pathian ii a khuangkhim tu, hi tupna in vantung leitung ah bitphua sa theampo kaikhawm tu a, a lutang tu in Christ koi tu hi.

Ephesus te 1:4

Christ taw kipumkhatna tungtawnin, ama mai ah sit baang ngawl le ih thiantho natu in, Pathian in leitung a vawt ma ngawngawn in eite hong teal zo hi. Hong itna hangin,

Ephesus te 3:11

Hi thu sia Pathian in ih Topa Christ Jesus tungtawnin a kitaksua ama ii tawntung tupna taw kizui in a vawt ahi hi.

Ephesus te 3:9

tuaciang mihing theampo in, koi bangin Pathian thuku sia kiseam thei tu ziam ci in a mu thei natu in hong seamsak hi. Vantung ngam ah vantunglalang a ukte le vaangletna a neite ii, Pathian ii ciimna a tuatuamte, tu hun sungah pawlpi tungtawnin a heak thei natu in, na theampo a bitphua Pathian in a thuku sia a bosa khang hunte sungah seal top hi.

Colossae te 1:26

tua thu in hun bosa sungah mihing nam theampo te sung pan a kiseal, tuciangin ama mite tungah a kilak thuku ahi hi.

1 Timothy 3:16

Eite biakna in a lian thuku khat a hina sia kuama in, a nial thei buatu hi: Ama sia mihing mealin hong kilangh a, Thumaan hi ci in Thaa in lakin, vantunglalangte in mu hi. Ama sia minamte sungah a thu kihil a, leitung theampo in ama umin, tuaciang vantung ah ama kila to hi.

Hebrew te 1:2

ahihang hi hun khakbel hunte ah, a Tapa tungtawnin hong paupui hi. Ama tungtawnin Pathian in vaannuai bup bitphua a, a khakbel ciangin na theampo ama ii neisa suak tu in ama sia Pathian ii tealsa ahi hi.

Hebrew te 2:14

Ama ci bangin tua tanote sia chi le sa taw a om mihingte ahi bangma, Jesus ama mama zongh amate bang hong suak a, amate mihing pianzia teng hong siim hi. Hi bang a hina sia banghang ziam cile ama thina tungtawnin thina tungah vaang a nei doaimangpa a lalcipsak natu hi a,

Hebrew te 9:26

tuabang hi thong le, simlei a kibitphua pan kipan tamveipi na thuak zo tu hi. Tu in hunkhen theampo a tawp natu hong nai ciangin, ama le ama a kipiakna taw mawna kithiansua natu in, ama in a tawntung atu, khatvei lian hong kilaak zo hi.

1 Peter 1:2

No sia Pa Pathian tupna taw hong tealsa hi a, Jesus Christ thu a ni tu le a chisan taw a kithiansua tu in, ama Thaa taw a thiangtho minam a suak sate na hi uh hi. Thuthiamna le thinnopna note sungah hong dim tahen.

1 John 1:2

Hi nuntakna sia a kimu thei in hong kilangh ciang, kote in ka mu uh hi; tua ahikom tua thu ka son uh hi, tuaciang koma hong heaksak ahi, Pa taw a omkhawm, tua tawntung nuntakna thu sia no tung zongh ah kong son uh hi.

1 John 3:5

Mawnate a la keak tu in Christ hong kilangh hi a, ama sungah mawna om ngawl hi ci in na he uh hi.

1 John 3:8

A kuama po mawna vawt a zom suakte sia Doaimangpa ii neisa ahi hi, banghang ziam cile a kipat pan ma, Doaimangpa in mawna vawt zo hi. Tua hang ma in Doaimangpa ngamtatna teng a susia tu tatak ma in Pathian Tapa hong kilangh hi.

Thupualaakna 13:8

A kithatlum Tuuno ii neisa ahi leitung kibitphua ma a nuntakna laibu sungah a kikhum min neite simngawl, leitung a teang mihing theampo in a bia tu uh hi.