1 Peter 1:19 - Syin Chin Bible

¹⁹ a sitbaang ngawl, ahibuale a mealhem ngawl tuuno, Christ ii a manpha a kipumpiakna taw hong tan a hina he tavun.

1 Peter 1:19 Iomraidhean Croise

Pusuana 12:5

Nganno sia kum khat a pha, a talno na teal thei tu a, ahihang a mealhem ngawl tuu ahibuale keal hi tu hi.

Isaiah 44:22

Na mawnate meeikaai bangin ka bosak zo hi. Ka kungah hong cia kik ta'n; keima in nang hong ngumpa ka hi hi,” ci hi.

Isaiah 53:7

“Ama sia nasia tak kivawtsia a, ahihang kiniamkhiakna taw thuak hi; kam khat zongh huthe ngeingawl hi. Ngaw tu bekin a om tuuno khat bang le a mul meet tu bekin a kikoi tuu khat bangin, ama in kam khat beak pau ngawl hi.

Daniel 9:24

“Mawna le ngamtat siatna pan na mite le na khuapi thiangtho a suataksak natu in Pathian in kum sawmsali ii a salivei hunsung ciangtan zo hi. Mawna kimaisak tu a, tawntung thukhaikim thu om tu hi, tuasia ciang mukholna le kamsaanna taangtung takpi tu a, a Biakinnpi thiangtho sia aapna kinei kik tu hi.

Thiampite 1:10

Mihing khat in a tuu ahibuale a kealte sung pan khat taw biakpiakna a nei le, a mealhem ngawl a tal khat hi tu hi.

Thiampite 22:20

A mealhem nganno khat po na pia le Topa in saang ngawl tu hi.

Zechariah 13:7

Vaanglianbelpa Topa in, “Namsau awng, khanglo in kei atu a seam tuucingpa sim ta'n! Ama thatlum in, tuaciang tuute kithethaang tu hi. Ka mite ka sim tu a,

Matthew 20:28

Mihing Tapa in ngual na sawl tu in hong pai ngawl a, naseam tu le a nuntakna pia in, mihing tam mamate tan tu in hong pai hi,” ci hi.

Matthew 26:28

hi sia in ka chisan hi a, Pathian thuciamna a kipsak, mihing tam mamate mawna a kimaisak natu a bua ka chisan ahi hi.

John 1:29

A zing ciangin John in ama kungah Jesus hong pai a mu ciangin, “Leitung buppi mawna a lakhia Pathian Tuuno, zialai ah om hi!

John 1:36

Jesus hong pai mu hi. “Zia sia in Pathian Tuuno hi!” ci hi.

Sawltakte 20:28

Tua ahikom noma le noma kikeam tavun a, Thaa Thiangtho ii noma khut sung a hong aap tuuhonte zongh en in keam tavun. A Tapa ii chisan tungtawnin, ama atu a piansak Pathian ii pawlpi ii tuucingte na hi tavun.

Romete 3:25

Ama ii kipumpiak biakpiak natu in hong thina taw amate upna tungtawnin, mihingte mawna kimaisakna a pian natu in, Pathian in ama hong pia hi. Pathian in thutang ahi hunlam hong lak natu in, hi bangin a vawt hi. A bosa hun sungah ama a thin uai a, mihingte mawnate hong tha thong hi; ahihang tu in ama sia, thutang ahi hunlam a kilak natu in, mihingte mawna tungtaang ah na hong seam hi. Hi bangin Pathian in ama sia thutang ahi hunlam le Jesus Christ a um peuma thutang a suasakna thu hong lak hi.

Ephesus te 1:7

Banghang ziam cile Christ ii chisan hangin eite kisuakta a, tua thu in ih mawna kimaisak hi, cinopna hi. Pathian ii thuthiamna bangza in lian ziam,

Colossae te 1:14

A chisan hangin eite ih suakta a, ih mawnate hong kimaisak zo hi.

1 Peter 1:2

No sia Pa Pathian tupna taw hong tealsa hi a, Jesus Christ thu a ni tu le a chisan taw a kithiansua tu in, ama Thaa taw a thiangtho minam a suak sate na hi uh hi. Thuthiamna le thinnopna note sungah hong dim tahen.

1 Peter 3:18

Banghang ziam cile Christ in mawna hu in a tawntung atu khatvei lian thi zo hi, note Pathian kungah hong zot pui natu in mipha khat sia mawneite taangin thi zo hi. Ama pumpi thi ahihang thaa sungah kinungtasak zo hi,

1 John 1:7

Ahihang eite khuavak sungah ih nungta le — ama sia khuavak sungah om ahi bangma in — eite khat le khat a kipawl theite ih hi a, tuasia ciangin a Tapa Jesus ii chisan in ih mawna theampo pan hong thiansua hi.

1 John 2:2

Tuaciang Christ mama in eite ii mawna bek hi ngawlin a kuama po ii mawna zongh maisakna a pianna pa ahi hi.

Thupualaakna 1:5

a thumaan tetti hi a, thina pan kithosak kik masa leitung kumpite theampo a ukpa Jesus Christ kung pan thuthiamna le thinnopna sia note aa hi tahen. Ama in ei hong it a, ama chisan hangin eite, mawna pan hong suatak hi,

Thupualaakna 14:1

Tuaciang ka et le Tuuno sia Zion Mual tungah a ding ka mu hi; ama taw mihing 144,000 dingkhawm uh a, ama min le a Pa min a talki tungah ki at hi.

Thupualaakna 14:5

Amate sia leilot thuson hi ci in kihe ngeingawl hi; amate sitbaanna nei ngawl hi.

Thupualaakna 5:6

Tua zawkciangin kumpi tokhumte laizang, nganhing lite le upate ii a kiim uumna sungah Tuuno khat a ding ka mu hi. Tua Tuuno in a kithatlum sa bang keak ahi hi. Ama in kii sali nei a, mittang sali nei hi, tuate sia Pathian ii thaa salite hi a, leitung bup ah a kipaisakte ahi hi.

Thupualaakna 5:9

Amate in la thak sa uh a: “Nangma in laizial la tu le tepteena hong tu in na kilawm hi. Banghang ziam cile nangma hong kithatlum zo a, na kipumpiak thina taw, Pathian atu in, bee le phung sim, kam namcin sim, ngam sim le minam sim panin, mihingte na lei zo hi.

Thupualaakna 7:14

“Topa awng, he ngawl khi hi. Nangma he ni hi,” ci in ka zo hi. Ama in, “Hite sia vawtsiatna nasia mama sung pan a suaktate hi. Amate in a puantualte silthiang zo a, Tuuno chi taw kaanghsak zo uh hi.