1 Peter 1:18 - Syin Chin Bible

¹⁸ Banghang ziam cile na taanghpupite pan na luasuk uh, a mannung ngawl nuntakzia pan na suatak natu in, note bang taw hong tan ci thu na he uh hi. Ngunn le khamh bangin a kisia thei thilte taw hong kilei hi ngawl hi;

1 Peter 1:18 Iomraidhean Croise

Psalm Late 39:6

limh khat bang hi lel hi. Ama sep le vawtte bangma in a kimang bua hi; ama in nei le lamh khawmtua ahitazong akua in lua tu ziam ci in a he bua hi.

Psalm Late 62:10

Ngoltolna sungah thin muang heak vun; sutolna taw meetna bangma nga tu in ki um heak vun; na haunate a khangto hial zongin tuate suang heak vun.

Isaiah 44:22

Na mawnate meeikaai bangin ka bosak zo hi. Ka kungah hong cia kik ta'n; keima in nang hong ngumpa ka hi hi,” ci hi.

Isaiah 52:3

Vaanglianpipa Topa in a mite tungah, “Sal na tan uh lai, no atu in sum hong kipiaksak ngawl hi; tuasia bangma in no hong kisuatak natu in bangma hong kipiaksak ngawl tu hi.

Jeremiah 16:19

Topa awng, nangma in kei hong dal a thahatna hong pia pa na hi hi; ka ngim nga laitakin nong hu hi. Leimong panin minamte nang kungah hong pai tu uh a, “Ka taanghpupite in pathian maan ngawlte le kimanna a nei ngawl milimte simngawl bangma dang nei ngawl hi.

Jeremiah 4:11

Vui a sa mama khat sennealngam panin Jerusalem mite sangah hong va tu hi cina thu sia Jerusalem mite tungah a kison tu hun hong theng zo hi. Tua vui sia anvaaite a mut keak vui bang bek hi ngawl tu a —

Jeremiah 44:17

Vawt tu ka cite theampo ka vawt tu uh hi. Koma le ka taanghpupite, kumpipa le lampuite in Judah ngam khuate le Jerusalem khua lampite ah ka vawt ngei uh bangma in, kote numeipathian Vantung Kumpinu tungah sangaw biakpiakna pia in, ama tungah biakpiakna sapittui ka buak tu uh hi. Tuasia ciang an hau in, nuamsa in, ngimna ka nei bua uh hi.

Jeremiah 9:14

Tua kawmkaal ah, a thin uh pui in a taanghpupite ii hil bangin Baal milimte bia uh hi.

Ezekiel 20:18

Tua taangin, amate sungah khangnote kidop natu thu ka pia hi: na taanghpupite vawt thukhamte tang heak vun; amate ngeinate zui heak vun, tua ahibuale a milimte taw noma na kininsak heak vun.

Amos 2:4

Topa in, “Judah mite maw kikik khial kikik ahiciang amate daan ka pia tatak tu hi. Amate in ka hilnate thusim ngawl a ka thupiakte zui ngawl uh hi. A taanghpupi ii biak a maan ngawl pathiante ma in amate lam pialsak hi.

Mark 8:37

A nuntakna a nga kik natu in, a piak thei tu bangma om ngawl hi.

Romete 1:21

Amate in Pathian he ahihang a upat tu bangin upat ngawl uh a, ama tungah lungdam a ko tu bangin ko ngawl uh hi. Amate khua ngaisutna mannung mama ngawl a, amate thinsung hawmin, khuazing taw kidim hi.

1 Corinth te 3:20

tuaciang Laithiangtho dangkhat in, “Topa in a ciimte ngaisutna sia mannung ngawl hi, ci in he hi,” ci hi.

1 Corinth te 6:20

ama in note man pia a, hong leisa na hi uh hi. Tua ahikom na pumpi uh sia Pathian minthan natu in zangh tavun.

1 Corinth te 7:23

Pathian in man pia in hong leisa na hi uh hi; tua ahikom mihingte sila na suak heak vun.

Galatia te 1:4

Tu a hunpha ngawl sia panin ih suatak natu in ih Pa Pathian ii deina a zuina taw, Christ in eite ii mawna hangin ama le ama hong kipia hi.

Ephesus te 4:17

Tua ahikom, Topa min taw kidop natu thu kong pia hi: a khua ngaisutna uh a mannung ngawl Pathian he ngawl mihingte bangin na nungta heak vun,

Titus 2:14

Seksolna theampo pan ih suatak natu le ama bek ii neisa hi in, a pha sep tu a lawp, a thiangtho mite hong suasak natu in ama le ama sia ei atu hong kipia hi.

Hebrew te 9:12

Christ in Thiangthobel Mun ah khatvei lian a tum zawkciang, ama in, kealte le khuitalte ii chi sia biakpiakna tu in a keng bua hi. Ama chisan piazaw in, ei atu in tawntung ngupna hong ngasak hi.

1 Peter 1:7

Tua haksatna thuaknate ii tupna in na upna uh a maanna a kilak natu ahi hi. A kisia thei khamh ngawngawn zongh meisa taw kisit lai hi; tua ahikom khamh sangin tam mama in a man nei zaw na upna uh zongh a kip thei natu in hong kisit tu hi. Tua hile Jesus Christ hong kilaak Ni tak ciangin pokna, minthanna le vaang piakna na saang tu uh hi.

1 Peter 4:3

A bosa hun sungah Pathian he ngawlte ii sep nop teng, a khomin seam zo nu hi. Na nuntakna uh sia, zummawk ngamtatna, sikvilna, zu khamna, uangtatna, zuneakna, a thasiathuai milim biaknate taw zangh zo nu hi.

1 John 3:5

Mawnate a la keak tu in Christ hong kilangh hi a, ama sungah mawna om ngawl hi ci in na he uh hi.