1 Peter 1:17 - Syin Chin Bible

¹⁷ Mihing khat sim ii a sepna bangin a kibang thukhenna taw mihing theampo thu a khen Pathian tungah thu na nget uh ciang, Pa awng, na ci uh hi; tua ahiciang hi leitung ah nungta in na om uh laiteng ama thasia tavun.

1 Peter 1:17 Iomraidhean Croise

Pianciilna 47:9

Jacob in, “Vak kawkoai in ka nuntak zawk kum za le kum sawmthum pha zo hi. Ka taanghpupite ii kum tampi a vak kawkoai sia za zongh hi ngawl lai in, kum tawm napi ka haksa hi,” ci in zo kik hi.

1 Khangtaanghthu 29:15

Oh Topa, nong heak hi a, ka nuntakna uh sia ka taanghpupite bangma in, saltaangte le khualmite bangin ka nungta uh hi. Ka ni ka hunte sia hong kaantan limh khat bang hi a, thina pan ka suakta thei bua uh hi.

2 Khangtaanghthu 19:7

Topa zakta vun a, ngamtatna kidawm vun, banghang ziam cile Topa ih Pathian in thumaan ngawl thimthelna, mi doidan kingupna le sumnguk neaknate dei ngawl hi,” ci hi.

Job 34:19

Ama in ngamukte sangah pang ngawl hi, mizawngte puavawk a, a haute maipha pia tuan ngawl hi, banghang ziam cile mi theampo ama ii bitphua sa vive hi.

Psalm Late 39:12

Topa awng, kong thungetna hong za ta'n a, ka auna hong ngai ta'n; ka kaa ciangin kei hong hu tu in hong pai ta'n. Ka taanghpupite theampo bangma in keima in tawmvei no sung atu bekin na leangna ka hi hi.

Psalm Late 89:26

Ama in kei tungah ‘Nangma in ka pa le ka Pathian na hi hi; nangma in kei hong dalpa le hong ngumpa na hi hi’ hong ci tu hi.

Paunakte 14:16

Mihing ciimte in ngim ngana pan a kikep thei natu kidawm hi, ahihang mihing mawmawte sia kidawm ngawlin ngamta memeang hi.

Paunakte 28:14

Topa thu ni tawntung in, tua hile na lungdam tu hi. Na thin na puisak le siatna sung na theng tu hi.

Jeremiah 3:19

Topa in, “Israel awng, nang sia ka tapa bangin kong saang nuam a, leitung theampo sung pan a et hoibel ngamnuam khat kong pia nuam hi. Kei sia pa nong nak tu le ka kung pan na tai kik ngei nawn ngawl tu ka dei hi.

Zephaniah 3:9

“Tua sia ciang ngam tuatuamte sungah mihingte ka kikhealsak tu a, amate in kei tung bek ah thu hong ngen in pathian dangte tungah thungen nawn ngawl tu hi. Amate a vekpi in keima thu hong ni tu uh hi.

Matthew 16:27

Banghang ziam cile Mihing Tapa in Pa vaangletna le a vantunglalangte taw hong pai ciangin, ama in mihing khat sim ii a sepna babangin thaman pia tu hi.

Matthew 22:16

Tua zawkciang amate in, a nungzuite pawlkhat le Herod mihingte pawlkhat paisak uh hi. “Sya awng, thumaan na son hi ci in hong he khu hi. Pathian ii mihingte atu a deisak thutakte, mihingte in bang ngaisun ci patau ngawlin na hil hi. Banghang ziam cile mihingte maitang na zakta bua hi.

Matthew 6:9

Tua ahiciang hi bangin thu ngen vun: Vantung a om kote Pa awng: Na min thiangtho ki upat tahen;

Romete 11:20

Hi hi, amate a kithiaktan sia banghang ziam cile amate in a up ngawl uh hang ahi hi. Note, tu a na dinmun uh ah na om theina in, na up uh hang ahi hi. Ahihang kiphasak heak vun; tua hi ngawlin kiitakna thin nei tavun.

2 Corinth te 1:2

Ih Pa Pathian le ih Topa Jesus Christ in thuthiamna le thinnopna hong pia tahen.

2 Corinth te 5:6

Tua ahikom eite in thin letna taw ih kidim tawntung hi. Ih pumpi inn sungah ih om lai tengin, eite in Topa inn taw a kikhuala ih hi hi.

2 Corinth te 7:1

Ka it ka lawmte awng, hi kamciamte theampo sia eite tungah hong kipia hi. Tua ahiciang pumpi le thinsung a ninsak thei nate theampo panin kithiansua in, Pathian ih thasiana taw a thiangtho sinsen suak tawng.

2 Corinth te 7:11

Na heena uh sia Pathian in bangbang hi ziam ci sia en vun: tuasia in bangzata in nang hong lawpsak a, na maw ngawlna ah bangza in hong panpui nuam ziam! Tuabang thin uukna, patauna, thinsung phaw theinate, thangaina, a khialte daan piak nopna cite piangsak hi! Hi thu theampo ah note pau baang ngawl ci in noma le noma kilak zo nu hi.

Galatia te 2:6

Ahizong lampui tu bang ahi tuate — amate bang po ahizong kei atu a lamdan ngawlna taw hi bangin ka pau ahi hi; Pathian in a puasang pianzia te taw thukhen ngawl hi — tua lampui te in kei tungah ngaisutna thak piakna bangma hong nei ngawl hi ka ci hi.

Ephesus te 1:17

ih Topa Jesus Christ ii Pathian, a vaanglian Pa tungah nang hong ciimsak a ama na heak natu le Pathian hong lak tu Thaa hong piak natu in, ka ngen hi.

Ephesus te 3:14

Hi thu hu in ih Pa mai ah ka khupdin hi,

Ephesus te 6:9

To ahite awng, silate tungah tuabang ma in na ngamta vun a, tawnna kam na zangh nawn heak vun. Note le na silate in vantung ah Topa khat nei khawm a, tua pa in a kikhaikim in mihing khat sim tungah thu hong khen tu hi ci in phawk tavun.

Thuhil kikna 10:17

Topa na Pathian sia pathiante theampo tung le a vaang nei theampo tungah thu neibel hi. Ama lian in thahat a, kiitak tu ahi hi. Ama in nguptuam nei ngawl a, sumnguk saang ngawl hi.

Philippi te 2:12

Tua ahikom ka itte awng, no kungah kong om lai in ka thu nong nit tawntung uh bangma in, no taw kong omkhop ngawl ciang ngawngawn in, ka thu nong nit tu uh sia thupi zaw lai hi. Na ngupna a cingtaak natu in launa le liinna taw na seam tan tavun,

Colossae te 3:25

Tuaciangin ngamtat khialna a nei theampo sia a khialna bangin thuak tu hi, banghang ziam cile Pathian in mihing sim a kibangin thukhen tu hi.

Hebrew te 12:28

Tua ahiciang, lungdam tek tawng, banghang ziam cile eite in, a kingawk thei ngawl ngam ih nga hi. Ama lungkim tu bangin, eite in thasiana le kiitakna taw Pathian tungah lungdamko in, ama bia tek tawng;

Hebrew te 4:1

Tu in Pathian in, ama sonsa tawlngak nuam sia ih nga thei natu in kamciam hong pia hi. Tua ahiciang, tua tawlngak nuam sia saang ngawlin khat zongh ih om thaak ngawl natu eite kidawm tek tawng.

1 Peter 2:11

Hi leitung ah khualmite le ngaltaite ahi no ka lawmte tungah hi bangin, kong thuum nuam hi! Na pumpi cii le sa deinate zawp heak vun, tuate in thaa taw kido tawntung uh hi.

1 Peter 3:15

Ahihang na thinsung ah Christ sia thasiana nei tavun. Topa a hina bangin ama vaang pia vun. Na sungah lametna na nei uh sia sonthiang tu in hong dongh khat pawpo na zo thei natu in a tawntung kinging tavun,