1 Peter 1:12 - Syin Chin Bible

¹² Vantung panin Thaa Thiangtho ii vang taw a sawl, Lungdamna Thupha a thangsak, thupuakte tung pan tu in na zaak uh thute Pathian in hi kamsaangte tungah a pualaakna ah cileang, amate nasep sia in amate phattuam na tu in a seam hi ngawl a, noma atu in a seam hizaw hi. Hi thute sia vantunglalangte dong ii a tel nop uh thu ahi hi.

1 Peter 1:12 Iomraidhean Croise

Pusuana 25:20

Cherub niite ii lim sia a sitna tungah khat le khat kimaingat tu a, a tha kiphalte in tuasia liap tu hi.

Paunakte 1:23

Kong teih ciangin hong ngai tavun; ngaisutna pha kong pia tu a, ka heaknate kong hawm tu hi.

Isaiah 32:15

Ahizong Pathian in ama thaa khatvei ma hong puak kik tu hi. Leisiate leipha suak kik tu a, lo panin an tam mama piang tu hi.

Isaiah 53:1

Mihingte in, “Tu a ih thupuak sia akua in um thei tu ziam? Hi thu sungah Topa ii khut akua in mu thei tu ziam?

Daniel 10:1

(Cyrus ii Persia kumpilian a sua zawk a kum thum kumin Belteshazzar a kici Daniel tungah thu khat kipualaak hi. Tua thu in thumaan ahihang telhak mama hi. Tua thu sia ama tungah mukholna taw in kisonthiang hi.

Daniel 12:13

“Tua ahiciang, Daniel awng nangma, a tawp dongin thumaan in. Tuasia zawkciang na thi tu hi, ahihang a tawpna hun ciang, na minphatna tel saang tu in na tho tu hi,” ci in zo hi.

Daniel 12:9

Ama in, “Daniel awng, tu in na pai kul tu hi, banghang ziam cile hi kammalte sia a tawpna hong thet mateng kiseal in, thuku a koi tu ahi hi.

Daniel 2:19

Tuasia ciang tua zanin tua thu tumdang sia Daniel mukholna sungah kipualaak hi, tuaciang ama in vantung Pathian a pok hi:

Daniel 2:22

Ama in thuthukte le thukute pualaak hi; ama in khuazing sungah a kiphualte he a, ama mama sia khuavak in uumci hi.

Daniel 2:47

Kumpipa in, “Na Pathian sia pathian theampo sung pan a lianbel, kumpite tungah Topa hi a, thu telhakte a pualaak pa ahi hi. Hi thu ka he hi, banghang ziam cile nangma in hi thu telhak sia na pualaak thei hang hi” ci hi.

Daniel 8:13

Tuaciang vantunglalang khat in a dang khat ii munah, “Mukholna sungah a kimu hi thute bang tanvei kizom lai tu ziam? A kiihuai mawna khialna in ni sim biakpiaknate bang tanvei theak tu ziam? Vantung ngalkaphonpi le Biakinnpi sia bang tanvei kituanhcil tu ziam?” ci in a dok ka za hi.

Daniel 9:24

“Mawna le ngamtat siatna pan na mite le na khuapi thiangtho a suataksak natu in Pathian in kum sawmsali ii a salivei hunsung ciangtan zo hi. Mawna kimaisak tu a, tawntung thukhaikim thu om tu hi, tuasia ciang mukholna le kamsaanna taangtung takpi tu a, a Biakinnpi thiangtho sia aapna kinei kik tu hi.

Joel 2:28

“Tuasia zawkciang a kuama po tungah ka Thaa ka buak tu a: na tapate le tanute in ka thu thangsak tu uh hi; na khanghaamte in mang man tu uh a, na khangnote in mukholna mu tu uh hi.

Amos 3:7

Vaanglianpipa Topa in a naseam kamsaangte tungah a tupna kilanghsak phot ngawlin bangma seam ngeingawl hi.

Zechariah 12:10

“Keima in David suan le paalte le Jerusalem a teang a dangte sia hesuakna thin le thungetna thin taw ka dimh tu hi. Amate in nam taw a tuplup pa en tu uh a, ta khat bek a nei a thisuate khuangai bangin khuangai tu uh hi. Amate in a tapaciil a khuaite bangin nasia tak khuangai tu uh hi.

Matthew 11:25

Tua hun laitakin Jesus in, “Simlei le vantung ii Topa, Pa awng hi thute mihing ciim mihing thiamte tung panin, na sealcip a, bangma he ngawl lai mihingte tungah lak na hikom na tungah ka lungdam hi.

Matthew 11:27

“Ka Pa in na theampo kei hong pia zo hi. Pa simngawl kuama in Tapa a tel zo bua a, Tapa le Tapa ii a telsak nop a teal mihingte simngawl kuama in Pa a tel bua hi.

Matthew 16:17

Jesus in, “John tapa Simon awng, nang sia mihing hampha khat na hi hi! Hi thutak sia mihing chi le sa sung pan nang tung a hong pai ahi bua a, vantung a ka Pa kung pan in, hong kipia thu ahi hi,” ci hi.

Mark 16:15

Ama in, “Leitung mun theampo ah pai tavun a, mihing theampo tungah lungdamna thu hil tavun.

Luke 15:10

Kei kong ci ciang, tuasia bangma in, mihing mawnei khat a kisiik kik hu in, Pathian vantunglalangte lungdam hi.”

Luke 2:26

Topa ii a ciamsa Messiah a mu mateng a thi ngawl natu in, thinmuanna pia hi.

Luke 9:6

Nungzuite kuan in khuano theampo kaantan in pai a, Lungdamna Thupha hil in, mun theampo ah ciinate damsak hi.

John 15:26

“Thaa ahi Hupa hong pai tu a — Pathian ii thumaan thutak le Pa kung pan hong paipa sia hong pualaak tu hi. Pa kung panin ama kong puak tu a, ama in kei thu hong son tu hi.

Sawltakte 10:44

Tuabangin Peter a papau laitakin, thu ngai theampo tungah, Thaa Thiangtho tuaksuk hi.

Sawltakte 16:10

Paul in hi mukholna a mu zawk po ciang, Macedonia ah pai tu in, ka kithoai uh hi, banghang ziam cile Pathian in, Lungdamna Thupha sia tua mun mite tungah hil tu in hong sam zo hi, ci in ka khensat uh hi.

Sawltakte 2:33

Ama sia Pathianziatsang ah to tu in kiphong a, ama in, a Pa kamciam bangma in, Thaa Thiangtho saang hi. Tuaciangin tu a na mu uh na zaak uh sia, ama letsong kote tungah hong buaksuk sia ahi hi.

Sawltakte 4:31

A thunget a man uh ciangin amate kikhopna mun sia kingawk hi. Amate sia Thaa Thiangtho taw kidim a, Pathian thu sia hanna taw son tu in kipan uh hi.

Sawltakte 4:8

Thaa Thiangtho taw a kidim Peter in zo a, “Minamte lampui le upate awng,

Sawltakte 8:25

Amate in tetti pangin Topa thute a thansak zawkciangin, Peter le John te Jerusalem khua ah cia kik uh hi. A cia lam in, Samaria ngam khuano tam mamate ah Lungdamna Thupha hil uh hi.

Romete 1:15

Tua ahikom Rome khua ah a teang no tung zongh ah Lungdamna Thupha hil tu ka lawp hi.

Romete 1:17

Banghang ziam cile lungdamna thupha in Pathian le mihingte bangbangin kilemzawng thei tu ziam ci in hong pualaak hi: a patna panin a tawp dong upna tungtawnin a piang ahi hi. Laithiangtho sungah “Upna tungtawnin Pathian mai ah thutang a kisuaksak sia in nungta tu hi,” ci hi.

Romete 10:15

Thuhil tute a kipaisak buale a thupha bangbangin kithangsak thei tu ziam? Laithiangtho ci bangma in, “Lungdamna thupha puak a hong paite peang sia bangza in etlawm ziam?”

Romete 15:19

nalamdang lakna le a lamdang nate ii vaangletna le Pathian Thaa ii vaangletna taw hong seam zo hi. Tua ahiciang Jerusalem pan Illyricum ah khualhaw in ka paina ah Christ huvau Lungdamna Thupha a cingin ka thangsak zo hi.

1 Corinth te 2:10

Ahihang Pathian in a Thaa taw tua thuku sia eite hong telsak hi. Tua Thaa in Pathian tupnate ii a kiseal a thuthukte dong ngawngawnin na theampo a kan hi.

2 Corinth te 1:22

ama ii neisa ka hina uh kote tungah tepteena hong koi zo a, eite atu hong koikholsak na theampo a kipsakna in eite thinsung ah Thaa Thiangtho hong pia pa in ama ahi hi.

2 Corinth te 6:6

Pathian naseamte ka hina uh sia thiangtho nuntakna, thu heakna, thinsauna le dikna — Thaa Thiangtho taw, ki itna tatak taw,

Galatia te 1:12

Mihing khat pawpo tung panin ka nga hi ngawl hi, kuama ii hong hil zongh ahi bua hi. Kei tungah hong pualaak sia Jesus Christ ama mama ahi hi.

Galatia te 1:16

Gentile te tungah ama huvau Lungdamna Thupha ka hil thei natu in a Tapa kei tungah hong pualaak ciang, ngaisutna pha ngenin kuama kungah ka pai bua a,

1 Thessalonica te 2:9

Ko ii suapuite awng, ka sep ka dianna uh teng ciamtee nak vak uh te! Pathian tung pan hong pai Lungdamna Thupha no tungah kong hil uh ciangin, no ngim kong piakna uh ahi ngawl natu in, a sun a zanin na ka seam uh hi.

1 Timothy 3:16

Eite biakna in a lian thuku khat a hina sia kuama in, a nial thei buatu hi: Ama sia mihing mealin hong kilangh a, Thumaan hi ci in Thaa in lakin, vantunglalangte in mu hi. Ama sia minamte sungah a thu kihil a, leitung theampo in ama umin, tuaciang vantung ah ama kila to hi.

Hebrew te 11:13

Hi mite theampo sia upna sungah thi uh hi. Amate in Pathian ii kamciamte saang man ngawl a, a khualana pan ngal mu bek uh hi, ahitazong lungkim veve uh hi. Tuaciang amate in hi leitung ah ngamdangmi le ngaltaite bang ahi uh sia pualaak uh hi.

Hebrew te 2:4

Tua kawmkaal ah Pathian in nalamdang laknate, a tumdang tuatuamte vawtna le, Thaa Thiangtho letsong te ama ii a dei bangin a hawmsakna taw in amate tetti panna tungah tetti panna belap thua hi.

Hebrew te 4:2

Banghang ziam cile eite zongh amate bangma in lungdamna thu ih za zo hi. Amate ahile tua thu za napi amate atu phatuamna a pia bua hi. Banghang ziam cile amate in a zaak uh ciangin upna taw a saang bua uh hi.

1 Peter 1:25

Ahihang Topa kammal sia a tawntungin kip hi,” ci hi. Hi kammal sia no tung a hong kithangsak tua Lungdamna Thupha ahi hi.

1 Peter 4:6

Mihing khat sim tungah, thu kikhen ahi bangma in, amate pumpi nuntakna tungah thu a kikhen sa hi a, a thite zongh Lungdamna Thupha a kihilna sia, tua thu hang ahi hi; amate thaa nuntakna sungah Pathian nuntak bangin, a nuntak thei natu thu a kihil ahi hi.

Thupualaakna 5:11

Tuaciangin ka et kik le, tul tam mama le awn tam mama a pha vantunglalangte aw ka za hi! Amate in kumpi tokhum, nganhing li teng le upate kiimkot ah dingin,