1 Peter 1:11 - Syin Chin Bible

¹¹ Amate in tua thu sia bang hun ciang tung tu a, bangbang hong pai tu ziam cisia, heak tu in hanciam uh hi. Tua hun sia Christ in ngim thuak tu a, tua zawkciang minthanna taw kizom tu hi ci in amate sung a, a om Christ Thaa ii a sonkholna taw a lak hun sia ahi hi.

1 Peter 1:11 Iomraidhean Croise

Pianciilna 3:15

Numei taw khat le khat kong kihuatsasak tu a; ama ii hin le toaite le nang aa te a tawntungin na kingal tu uh hi. Ama ii hin le toaite in na lutang hong sucip tu a, nang in a khuatul na tuksak tu hi,” ci hi.

Pianciilna 49:10

Judah in kumpi ciangkhut len tu a, A suan a paalte in ngamuk tawntung tu hi. Minamte in ama tungah phiangshia puak tu a, Thunitna taw ama mai ah kun tu uh hi.

Isaiah 49:6

Topa in kei tungah, “Ka naseampa awng, nangma sep tu in nasep lian zaw khat ka nei hi, a suakta lai Israel mite a lian in lapto kik tu bek hi ngawlin, minamte tungah khuavak ahi tu zonghin nang kong vawt tu hi — tuabangin leitung theampo in ngupna a nga thei natu ahi hi,” hong ci hi.

Daniel 2:44

Tua ngamukte hun sungin, vantung Pathian in a bo ngeingawl tu kumpi ngam khat phut tu hi. Tua ngam sia kuama in zo zo ngawl tu a, ahizong tua ngam in kumpi ngamliante theampo zo ngawpin kip tawntung tu hi.

Zechariah 13:7

Vaanglianbelpa Topa in, “Namsau awng, khanglo in kei atu a seam tuucingpa sim ta'n! Ama thatlum in, tuaciang tuute kithethaang tu hi. Ka mite ka sim tu a,

Zechariah 14:9

Tua zawkciang Topa sia leitung theampo ii kumpipa in hong mang tu a; ama ii Pathian sia a kuama po in bia tu a, tua min taw ma in ama he tu uh hi.

Matthew 26:24

Mihing Tapa sia Laithiangtho in thi tu hi a ci bangma in thi tu a, ahihang Mihing Tapa a leeheak sia atu in, bangza in lauhuai ziam? Tua pa atu in pian awl zaw le phazaw hi,” ci in zo hi.

Luke 24:44

Tua zawkciang ama in, “Note taw kong om lai a, kong sonsa thu teng veuma ahi hi: kei taw kisai a ki at, Moses thukhamte, kamsaangte lai atte, le Psalm te hong taangtun kul hi,” ci hi.

John 12:41

Isaiah ii hi bangin a ci sia Jesus ii vaangletna mu a, ama huvau a son hang ahi hi.

Sawltakte 16:7

Mysia ngamngi a thet uh ciangin, amate in Bithynia ngamkhen sungah, pai tu in kithoai hi. Ahihang Jesus ii Thaa in a oai bua hi.

Romete 8:9

Ahihang note in mihing pianzia ii hong sawl bangin na nungta bua uh hi; Pathian Thaa note sungah hong nungta takpi ma ahi nale — Thaa ii sawl bangin na nungta uh hi. A kuama po Christ ii Thaa a nei ngawl sia in, Christ ii neisa ahi bua hi.

Galatia te 4:6

Note sia ama ii tapa tanute na hina uh a lak natu in, Pathian in a Tapa ii Thaa “Pa awng, Ka Pa awng!” ci in a au Thaa sia ih thin sungah hong puak hi.

2 Peter 1:21

Banghang ziam cile kamsaanna thute sia mihing deina pan bek hong pai ngeingawl a, ahihang Pathian kung pan hong pai thute a son uh ciangin, mihingte sia Thaa Thiangtho ukna nuai ah a om ahi uh hi.

Thupualaakna 19:10

A peang ah ama bia tu in ka bok hi, ahihang, ama in, “Hong bia heak in! Keima in, Jesus ii hong pualaak thumaan thutak a kholet nangma le na suapuite theampo taw naseam khawm khat ka hi hi. Pathian bia in!” hong ci hi. Banghang ziam cile Jesus ii hong pualaak thumaan thutakin kamsaangte thinsung a hil sia ahi hi.