1 Peter 1:10 - Syin Chin Bible

¹⁰ Kamsaangte ii pha tak a zon le a kat sia hi ngupna thu hi a, Pathian ii no tung hong piak tu hi letsong huvau amate in sonkhol zo hi.

1 Peter 1:10 Iomraidhean Croise

Pianciilna 49:10

Judah in kumpi ciangkhut len tu a, A suan a paalte in ngamuk tawntung tu hi. Minamte in ama tungah phiangshia puak tu a, Thunitna taw ama mai ah kun tu uh hi.

Paunakte 2:4

Ngunn ahizong a kiseal sum manphate ahizong na zon tu bangin nasia takin zong in.

Daniel 2:44

Tua ngamukte hun sungin, vantung Pathian in a bo ngeingawl tu kumpi ngam khat phut tu hi. Tua ngam sia kuama in zo zo ngawl tu a, ahizong tua ngam in kumpi ngamliante theampo zo ngawpin kip tawntung tu hi.

Daniel 9:3

An ka tang a, khau-ip puan silhin vut sungah to in, Topa Pathian tungah hesuak ngenin nasia tak thu ka ngen hi.

Haggai 2:7

Minam theampo ka lawnthal tu a, amate sumngum theampo hi lai ah hong kipuak tu hi, tuaciang Biakinnpi in hauna taw kidim tu hi.

Zechariah 6:12

Vaanglianbelpa Topa in, ‘Thingbaak a kici mihing khat ama omna munah khangto tu a, Topa Biakinnpi sa kik tu hi.

Matthew 13:17

A tatak ka ci ciang, kamsaang tam mama le Pathian mi thiangtho tam mamate in, no ii mu teng mu nuam mama a, no ii zaak teng za nuam ahihang amate in mu ngawlin za ngawl uh hi.

Matthew 26:24

Mihing Tapa sia Laithiangtho in thi tu hi a ci bangma in thi tu a, ahihang Mihing Tapa a leeheak sia atu in, bangza in lauhuai ziam? Tua pa atu in pian awl zaw le phazaw hi,” ci in zo hi.

Luke 10:24

Kei kong cina pan, kamsaang tam mamate le kumpite in, no ii mute mu nuam ahihang mu ngawl uh hi, za nuam ahihang za ngawl uh hi,” ci hi.

Luke 24:44

Tua zawkciang ama in, “Note taw kong om lai a, kong sonsa thu teng veuma ahi hi: kei taw kisai a ki at, Moses thukhamte, kamsaangte lai atte, le Psalm te hong taangtun kul hi,” ci hi.

John 5:39

Laithiangthote na entel uh hi, banghang ziam cile tuate sungah tawntung nuntakna mu tu na ki um uh hi. Tuaciangin hi Laithiangthote mama in, keima ii thu son hi!

John 7:52

Amate in, “Tua ahile pha hi. Nang zongh Galilee pan ma na hi ziam? Laithiangtho pha takin sim lete, Galilee pan kamsaang hong pai ngeingawl hi, ci in na he tu hi,” ci uh hi.

Sawltakte 10:43

Kamsaang theampo in ama huvau sonsiat uh hi. Ama a umte theampo mihing sim in ama min vaangletna taw a mawnate kimaisak tu hi ci in son uh hi,” ci hi.

Sawltakte 17:11

Tua khua mite in Thessalonica khua mite sangin ngaisun kaak thei zaw uh hi. Amate in lawpna lian taw thusonte ngai in, Paul thusonte maan tatak ziam ci in a heak natu in ni simin Laithiangtho en uh hi.

Sawltakte 28:23

Tua ahikom, Paul taw a ni kiciam a, tua ni in mihing tam mama Paul omna ah hong pai uh hi. Zingsang pan zan dong, amate tungah Pathian Ngam thu hil thiang a, Moses Thukham le kamsaangte lai at nate sisanh in, Jesus thu a tel thei natu hanciam in son hi.

Sawltakte 7:52

Na taanghpupite ii a vawtsiat ngawl kamsaang khat beak om ngei kana ziam? Khuangei pek panin, Pathian ii a thutang Naseampa hong pai natu a sonkhol, Pathian kamtaite na thatlum uh hi. Tu in, note in ama leeheak a, suamlum nu hi.

Hebrew te 11:13

Hi mite theampo sia upna sungah thi uh hi. Amate in Pathian ii kamciamte saang man ngawl a, a khualana pan ngal mu bek uh hi, ahitazong lungkim veve uh hi. Tuaciang amate in hi leitung ah ngamdangmi le ngaltaite bang ahi uh sia pualaak uh hi.

Hebrew te 11:40

banghang ziam cile Pathian in ei atu a phazaw tupna, hong neisak hi. Ama ii tupna sia, eite taw ih kitholkhop ciang bekin a kicialcingsak pheang tu ahi hi.

1 Peter 1:11

Amate in tua thu sia bang hun ciang tung tu a, bangbang hong pai tu ziam cisia, heak tu in hanciam uh hi. Tua hun sia Christ in ngim thuak tu a, tua zawkciang minthanna taw kizom tu hi ci in amate sung a, a om Christ Thaa ii a sonkholna taw a lak hun sia ahi hi.

1 Peter 1:13

Tua ahikom a diang tu in, na thin sung uh ah kingin khol tavun. Jesus Christ hong kilangh ciangin, note hong piak tu thupha tungah lametna a cingin nei tavun, na kipilvangsak vun.