1 Peter 1:1 - Syin Chin Bible

¹ Jesus Christ ii sawltak Peter in — Pontus, Galatia, Cappadocia, Asia le Bithynia ngamte ah ngaltai a, a kithethaang Pathian tealsa mite tungah lai kong thaak hi.

1 Peter 1:1 Iomraidhean Croise

Esther 3:8

Tua ahiciang Haman in kumpipa tungah, “Na kumpi ukna ngamsung theampo ah a kithethaang le ngamke theampo ah a kimu minam khat om hi. Amate ii zui a ngeinate sia midangte a taw kibang ngawl hi. Tua banah na kumpi ukna ngamsung upadi te zui nuam ngawl ahikom tuate na koithong tu sia nang atu in pha ngawl hi.

Psalm Late 44:11

Tuute bangin nong kingolumsak hi; ngamdang ah nong thethaang hi.

Ezekiel 6:8

“Kithalupna pan pawlkhatte ka suaktasak tu a, ngam tuatuamte ah kithethaang tu hi,

Thiampite 26:33

Ngal kong thengsak tu a, ngamdang ah kong thethaang tu hi. Na leitang kitaisan tu a, na khuapite lalcip in kinusia tu hi.

Matthew 10:2

Nungzui sawm le nii teng sia hi teng ahi hi; a masa phit in Simon (Peter zongh kici) le a suapuipa Andrew, Zebedee ii tate James le a suapuipa John;

Matthew 24:22

Ahihang Pathian in a ni sia khiamsuk zo hi; tua hi buale kuama a suakta buatu hi. Ahitazong a tealtuam mihingte atu in Pathian in a ni khiam tu hi.

Matthew 4:18

Galilee tuili hui ah a va laitakin, Jesus in ngasa mante ahi unau nii Simon (Peter kici) le a suapuipa Andrew, tuili sungah ngeen khat taw ngasa manin a om mu hi.

Luke 18:7

Tua ahile Pathian in ama ii mihingte, sun taw zan taw hu ngen in a au te ii phat tuam natu in thukhensak ngawl tu ziam? Amate a hu tu sia a haisaang tu ziam?

John 11:52

tuaciang, amate atu bek hi ngawlin, Pathian mihing a kithethaang theampo pumkhat suak tu in kaikhop natu zongh a sonkhol ahi hi.

John 7:35

Jew thuneite in, amate teng kikum uh a, “Ei mu ngawl tu in, ama koisung pai sawm ziam? Ih mihingte teenna Greek khuapite ah ama pai in, Greek mite hilcian tu ziam?

Sawltakte 18:2

Tua munah ama in Italy pan a zi Priscilla taw hong pai tawm Pontus khua ah a suak Jew te Aquila a kici khat taw kimu hi, banghang ziam cile Kumpilianpa Claudius in Jew te theampo Rome khua a nusiat natu in, thupia hi. Paul in amate taw kimu tu in pai a,

Sawltakte 18:23

Tua munah hun tawmvei a zak zawkciang ding kik hi. Ama in Galatia le Phrygia ngamte kaantan in pai a, thu um theampo thakhosak hi.

Sawltakte 19:10

Hi bangin kum nii tawntung a kalsuanpui ciangin Asia ngamkhen a teang Jew te le Gentile te in Topa kammal za uh hi.

Sawltakte 6:9

Ahihang pasal pawlkhat in langpan uh a, tua mite sia A Kisuatak Mite ii synagogue sungah pawlmite hi a, Cyrene pan le, Alexandria pan Jew te kihel hi. Amate sia Cilicia ngamkhen le Asia ngamkhen te pan Jew dangte taw kikopin, Stephen taw kam kinial hong kipan uh hi.

Sawltakte 8:4

A kithethaang thu umte in mun theampo ah pai in thuhil uh hi.

1 Corinth te 16:19

Asia ngamkhen ah pawlpite in paupuina kam hong thaak hi; Aquila, Priscilla le amate inn ah a kikhawm pawlpi in Tapidaw kideisakna kamthiam taw hong paupui hi.

2 Corinth te 1:8

Suapuite awng Asia ngamkhen sungah ngim ka ngana uhte kong phawksak nuam hi. Kote tungah hong kisuanh vanhte lian mama a ngit leih ahikom, nungta tu zong ka ki um ngam bua uh hi.

Galatia te 1:2

Hi sungah a om suapuite theampo in Galatia ngam pawlpite tungah kimuana kam kong thaak khawm uh hi:

Ephesus te 2:12

Tua hunlai in note in Christ taw kikhenin a omte na hi uh hi. Note in ngamdangmite na hi uh a Pathian ii tealsa mihingte na hi bua uh hi. Pathian ii mihingte tungah a kamciamte a bulphu thuciamnate sungah na kihel bua uh a, note in hi leitung ah lametna sel le Pathian selin na nungta uh hi.

Ephesus te 2:19

Tua ahikom, Gentile te sia, ngamdang mi, khualmi hi nawn ngawl a; tu in note in Pathian ii mihingte taw ngam mipui, Pathian innkuan sungah a kihel mihingte na hi uh hi.

Thuhil kikna 28:64

“Topa in note sia leimong khat pan mong khat dong, minamte theampo sungah hong thethaang tu a, tualai ah noma le na taanghpupite ii biak ngeingawl pathiante, thing le suang taw a kivawt pathiante na, na seam tu uh hi.

Thuhil kikna 32:26

Keima in amate ka mon siat tu a, tua hile kuama in amate ciamtee ngawl tu hi.

Thuhil kikna 4:27

Minam dangte sungah Topa in hong thethaang tu a, no tawm bek na suakta tu uh hi.

2 Timothy 1:15

Phygelus le Hermogenes kihelin, Asia ngammi theampo ii kei hong taisat siat sia na he hi.

Hebrew te 11:13

Hi mite theampo sia upna sungah thi uh hi. Amate in Pathian ii kamciamte saang man ngawl a, a khualana pan ngal mu bek uh hi, ahitazong lungkim veve uh hi. Tuaciang amate in hi leitung ah ngamdangmi le ngaltaite bang ahi uh sia pualaak uh hi.

James 1:1

Pathian le Topa Jesus Christ ii naseampa James in: leitung bup ah a kithethaang Pathian mite kong paupui hi.

1 Peter 2:11

Hi leitung ah khualmite le ngaltaite ahi no ka lawmte tungah hi bangin, kong thuum nuam hi! Na pumpi cii le sa deinate zawp heak vun, tuate in thaa taw kido tawntung uh hi.

2 Peter 1:1

Jesus Christ ii sawltakpa le silapa Simon Peter in — Ih Pathian le Hunpa Jesus Christ thumaan thutang tungtawn a, kote ii upna za ma in a manpha upna, a neite tungah lai kong thaak hi:

Thupualaakna 1:11

Tuasia in, “Na mu teng at in a, a laibu sia hi pawlpite omna khuapi sali ahi: Ephesus, Smyrna, Pergamum, Thyatira, Sardis, Philadelphia, Laodicea te tungah thaak in,” ci hi.