1 Khangtaanghthu 9:2 - Syin Chin Bible

² Khuapi te sung amate ii neisa omna ah a heakkik masa belte sia Israel ngammite, thiampite, Levi te le Biakinn naseamte ahi uh hi.

1 Khangtaanghthu 9:2 Iomraidhean Croise

Ezra 2:1

Saltaang tam mama te in Babylon nusia in Jerusalem le Judah ngam a khuapi tek ah ciakik uh hi. Nebuchadnezzar kumpipa in tualai ah thongtaak tu in a mat pan kipan amate a innkuan a innkuanin Babylon ngam ah saltaangin teang uh hi.

Ezra 2:43

Saltaang a cia kik biakinn naseamte ii bee le phung te: Ziha, Hasupha, Tabbaoth, Keros, Siaha, Padon, Lebanah, Hagabah, Akkub, Hagab, Shamlai, Hanan, Giddel, Gahar, Reaiah, Rezin, Nekoda, Gazzam, Uzza, Paseah, Besai, Asnah, Meunim, Nephisim Bakbuk, Hakupha, Harhur Bazluth, Mehida, Harsha, Barkos, Sisera, Temah, Neziah le Hatipha te ahi uh hi.

Ezra 2:58

Saltaang a cia kik biakinn naseamte le Solomon ii naseamte ii suan le paalte a vekpi in 392 pha uh hi.

Ezra 2:70

Thiampite, Levi te, le mi pawlkhatte Jerusalem ahibuale tua khua nai ah teang uh hi. Music thiamte, biakinn cingte le biakinn naseamte sia a naina khuate ah teang uh hi; tuaciang a taanglai Israel te sia a taanghpupite teenna khuate ah teang uh hi.

Ezra 8:20

Tua banah Levi te a hu tu in David kumpipa le a uliante ii a taanghpupite pan nasep a piaksa biakinn naseam 220 om hi. Amate min teng zongh kikhum siat hi.

Nehemiah 10:29

hong lampuite taw mun khat ah kingawmin, tuasia ka paltan uh le, haamsiatna daan thuak tu in, Pathian ii Moses tungtawn a, a piak Pathian Thukham bang ka nungta tu ci in kiciam khu hi; Topa ii thupiak theampo zui tu le, a thukham le a ngeina theampo zui tu in hi kiciamna ka vawt khawm uh hi.

Nehemiah 11:1

Jerusalem ah lampuite teang in, a taanglai mite sung pan innkuan sawm ciang innkuan khat veu, Jerusalem khuapi thiangtho sungah teang tu in lai meetang sawkin teal a, a dang teng sia khuapi le khua dangte ah teangsak hi.

Nehemiah 7:60

Saltanna pan a ciakik biakinn naseamte ii suan le paalte le Solomon ii naseamte ii suan le paalte a vekpi in 392 pha uh hi.

Nehemiah 7:73

Thiampite, Levi te, biakinn cingte, music thiamte, mi nautaang tam mamate, biakinn naseamte - Israel mite theampo — Judah ngamsung khuate le khuapi te ah teang uh hi.