1 Khangtaanghthu 5:2 - Syin Chin Bible

² Ahizong Judah nam sia a hatbel hi a, a nam theampo atu ukpa khat ii pianna ahi hi.)

1 Khangtaanghthu 5:2 Iomraidhean Croise

Pianciilna 25:31

Jacob in, “Tapaciil hina taw na nga na innluaza hong pia lete kong pia tu hi,” ci in zo hi.

Pianciilna 35:23

Leah ii tapate sia Reuben (Jacob ii tapa lianbel), Simeon, Levi, Judah, Issachar le Zebulun ahi hi.

Pianciilna 48:5

Jacob in a pau zomin, “Joseph awng, hi lai ah kong pai ma in Egypt ah na nei na tapa niite keima aa hi; Reuben le Simeon bangma in Ephraim le Manasseh te sia keima tapate ma ahi hi.

Pianciilna 49:26

thupha antangte le paakte, Taanghlai mualte ii thuphate, Tawntung mualte panin, nopsakna te, Hi thupha teng Joseph ii lu tungah A suapuite sung pan a kituam koi pa ii mitkhu tungah tawlnga in, tung siat tahen.

2 Samuel 8:15

David in Israel buppi uk a, a mite thumaan tak le a pha takin a kivawt tawntung natu in uk hi.

1 Khangtaanghthu 28:4

Topa Israel te ii Pathian in Israel a uk tawntung tu in keima le ka suan ka paalte hong teal hi. Ama in a lampui tu in Judah nam teal a, Judah nam sung pan ka pa teal hi. Tua innkuan bup sung pan ama uuk bangin kei hong laa a, Israel ngam theampo a uk kumpi hong suaksak hi.

Psalm Late 108:8

Gilead sia kei aa hi a, Manasseh zongh kei aa, ahi hi; Ephraim sia ka thik lukhu hi a, Judah sia ka kumpi ciangkhut hi.

Psalm Late 60:7

Gilead sia keima aa hi a, Manasseh zongh keima aa ahi hi. Ephraim sia ka thik lukhu hi a, Judah sia ka kumpi ciangkhut hi.

Micah 5:2

Topa in, “Bethlehem Ephrathah khua awng, nang in Judah ngam sungah khuanobel khat na hi a, ahizong nang sung pan Israel a ukpa tu khat ka piangsak tu hi. Ama khang ngui in taangh tawngh pek taw kizom hi,” ci hi.

Mi Simna 2:3

Nisuana sang, Judah pawlkhen ii laandial nuai ah a omte in a lampuite khutnuai ah a nuai a bangin, a pawl a pawl in ngiaphual saat tu uh hi. Minam Lampui Mihing phaza Judah Amminadab tapa Nahshon 74,600 Issachar Zuar tapa Nethanel 54,400 Zebulun Helon tapa Eliab 57,400 A vekpi: 186,400 Judah pawlkhen ah a omte pai masa tu uh hi.

Mi Simna 7:12

Amate in piakkhiatnate a nuai a bangin pia uh hi: A ni Anam Lampuipa Ni 1 ni Judah Amminadab ii tapa Nahshon Ni 2 ni Issachar Zuar ii tapa Nethanel Ni 3 ni Zebulun Helon ii tapa Eliab Ni 4 ni Reuben Shedeur ii tapa Elizur Ni 5 ni Simeon Zurishaddai ii tapa Shelumiel Ni 6 ni Gad Deuel ii tapa Eliasaph Ni 7 ni Ephraim Ammihud ii tapa Elishama Ni 8 ni Manasseh Pedahzur ii tapa Gamaliel Ni 9 ni Benjamin Gideoni ii tapa Abidan Ni 10 ni Dan Ammishaddai ii tapa Ahiezer Ni 11 ni Asher Ochran ii tapa Pagiel Ni 12 ni Naphtali Enan ii tapa Ahira Khatsim ii a paipui biakpiaknate kibang siat hi: antang biakpiakna tu in biakinn ah a kizangh ngei khaikhin taw a kitee, kilogramme 1.5 a ngit ngunn khawbeam khat le gram 800 a ngit ngunn kuang khat ii dim sathau taw hel anvui; ngimnamtui taw a kidim gram 110 a ngit khamh pakan khat; meihal biakpiakna tu in khuital moi khat, tuutal khat le kum khat a pha tuuno khat; mawphel biakpiakna tu in keal khat; le pawlkhop biakpiakna tu in khuital nii, tuutal nga, keal nga, le kum khat a pha tuuno nga ahi hi.

Matthew 2:6

‘Judah ngam Bethlehem khua awng Judah ngam khuapi thupite sungah, nang sia a nobel na hi bua hi, banghang ziam cile nang sung panin, ka Israel mite lam a lak tu lampuipa khat, hong piang tu hi.’ ”

Romete 8:29

Pathian teal sate a Tapa taw a kiban natu in, doituam a, tua hu in a Tapa in unau tam mama sung panin ta upabel suaksak hi.

Thuhil kikna 21:17

Ama ii diksak zawk a zi ii tapa hi ngawl ahihang a tapaciil tungah ama ii neisa sung pan tel a see nii in pia tu hi. Pasal khat in a tapaciil sia a thusim kul a, tapaciil ahi hu in a nga tu tel sia a piak kul hi.

Thuhil kikna 33:17

Joseph in khuital khat ii thahatna nei a, Ngam khuital kiite nei hi. Ama kiite sia Manasseh mi a tul a tul le Ephraim mi tulsawmte ahi hi. Tuate taw minamte sii a, leimong dongah nawk hi,” ci hi.

Hebrew te 7:14

Ama sia Judah minam a piang ahi hunlam sia a kuama po ii heak ahi hi. Tuaciang thiampite huvau a son ciangin Moses in Judah min a lo ngei bua hi.

Joshua 14:6

Ni khat ni in Judah nam pan mihing pawlkhat sia Gilgal, Joshua kungah hong pai hi. Amate sung pan khat Keniz mi Jephunneh tapa Caleb in, “Kadesh Barnea ah Topa in nang le kei huvau Pathian mihing ahi Moses tungah a ci teng na heak hi.

Thupualaakna 5:5

Tua zawkciang upate khat in, kei tungah, “Kap heak in, En in! Judah minam sung panin Tawpi ahi, a lian David suan pa in zawna nga zo a, ama in tepteena salite balthamin laizial hong thei tu hi,” hong ci hi.

Thukhente 1:2

Topa in, “Judah nam pai masa tu hi. Amate ngam uksak tu khi hi,” ci in zo hi.

1 Samuel 16:1

Topa in Samuel munah, “Saul tungtaang bang tanvei khuangai tu ni ziam? Israel kumpipa a hina nial zo khi hi. Ahihang tu in olive thau tawm la in a, Bethlehem khua ah pai in Jesse a kici pasal khat sia kungah haw ta'n, banghang ziam cile ama ii tapate khat kumpi tu in teal zo khi hi,” ci hi.

1 Samuel 16:10

Hi bangin Jesse in a tapa salite Samuel kungah paipui hi. Samuel in ama tungah, “Hi bo, Topa in hite kuama teal ngawl hi,” ci hi.

1 Samuel 16:12

Tua ahikom Jesse in ama samsak hi. Ama sia tangval mealpha, a ciidam, a mit tee vakil khat ahi hi. Topa in Samuel tungah, “Hi sia pa hi — sathau noai in!” ci hi.