1 Khangtaanghthu 24:3 - Syin Chin Bible

³ David kumpipa in Aaron suan le paalte sia amate nasep taw kizui in a pawlin khen hi. Hi nasep khenna ah ama sia Eleazar ii suan Zadok le Ithamar ii suan Ahimelech in hu hi.

1 Khangtaanghthu 24:3 Iomraidhean Croise

2 Samuel 20:25

Sheva sia kumpi zum thuzeakpa ahi hi; Zadok le Abiathar te sia thiampi te ahi uh hi,

2 Samuel 8:17

Ahitub ii tapa Zadok le Abiathar ii tapa Ahimelech te sia thiampite ahi hi; Seraiah sia kumpipa zum sung thuzeakpi ahi hi;

1 Kumpite 2:35

Kumpipa in Benaiah sia Joab taangin ngalkaphonpi ukpa suaksak a, thiampipa Zadok in Abiathar za laihsak hi.

1 Khangtaanghthu 15:11

David in thiampi Zadok le Abiathar le Levi mi luk ahi Uriel, Asaiah, Joel, Shemaiah, Eliel le Amminadab te sam hi.

1 Khangtaanghthu 16:39

Ahizong thiampi Zadok le a thiampi seppuite sia Gibeon ah a om Topa biakpiakna munah a ukte ahi uh hi.

1 Khangtaanghthu 18:16

Ahitub ii tapa Zadok le Abiathar ii tapa Ahimelech te in thiampi; Seraiah in zum thuzeakpi;

1 Khangtaanghthu 24:31

A mealheakte, Aaron suan thiampite ii a vawt bangma in naseam tu a see ciang innkuan sim pabel le a nau pate khat in lai meetang sawk hi. David kumpipa, Zadok, Ahimelech, tuaciang thiampi te le Levi te ii innkuan pabelte sia a tetti te ahi hi.

1 Khangtaanghthu 24:4

Eleazar ii suan le paalte sia pawl sawm le pawl luk in kikhen a, Ithamar ii suan le paalte sia pawl liat in kikhen hi; hi bangin a khen sia Eleazar ii suan le paalte sungah bangkua sim pan pasal tamzaw ahihang hi.

1 Khangtaanghthu 24:6

Eleazar le Ithamar suan le paalte abaan abaan in lai meetang sawk hi. Tua zawkciang amate min sia Levi mi thuzeakpa, Nethanel tapa Shemaiah in lai taw ciamtee hi. Kumpipa, a uliante, thiampi Zadok, Abiathar tapa Ahimelech, thiampi innkuante le Levi mi innkuante ii lutangte sia tetti te vive hi siat hi.

2 Khangtaanghthu 8:14

A pa David ii zui tu a vawt ngeinate zui in thiampite ii ni sim a nasep tu le lasakna le a nasepna ah thiampite a hu Levi mite ii a nasep tu sia ama in vaihawmsak hi. Pathian mi David ii thupiak bangin biakinn cingte in a vaipuak neina kongpi tek ah ni sim a nasep natu in pawl khensak hi.

1 Samuel 21:1

Nob khua ah a om thiampi Ahimelech kungah David pai hi. Ahimelech a liing sa in ama muak tu in pai a, “Nangma nguakin hi sungah banghang hong pai ni ziam?” ci in dongh hi.