1 Khangtaanghthu 16:3 - Syin Chin Bible

³ an zongh a vekpi in hawmsak hi. Ama in Israel mite theampo pasal, numei khat sim anluum khat tek, sa em bek khat tek le sapitngawm tawm tek pia hi.

1 Khangtaanghthu 16:3 Iomraidhean Croise

1 Kumpite 3:15

Solomon khanglo a, Pathian in a mang sungah a paupui hunlam phawk hi. Tua zawkciang ama Jerusalem ah pai in Thuciamna Thingkuang mai ah dingin Topa tungah meihal biakpiakna le kipawlkhop biakpiakna vawt hi. Tua zawkciangin a uliante theampo atu anneak poai khat vawt hi.

1 Khangtaanghthu 16:2

David in sangaw biakpiaknate a man zawkciang Topa min taw mipite thupha pia in,

1 Khangtaanghthu 16:4

David in Thuciamna Thingkuang mai ah lasakna le ama pokna taw Topa Israel te ii Pathian biakna ah lampui tu in Levi mite pawlkhat panmun pia hi.

2 Khangtaanghthu 30:24

Hezekiah kumpipa in tua poai ah mipite neak tu in khuital 1,000 le tuu 7,000 pia in a uliante in a dang khuital 1,000 le tuu 10,000 pia uh hi. Thiampi tam mama in a zeksa kithiansuana vawt uh hi.

Nehemiah 8:10

Tu in cia tavun a, anlim tuilim neakna vawt tavun. Na an le na sapittuite, neak tu a kitaangsamhte hawm tavun. Tuni sia ih Topa atu in thiangtho ahikom hee heak vun. Topa ii hong piak lungdamna in note hong thahatsak tu hi,” ci in son hi.

Solomon ii La 2:5

Lungzuang duangvul ka hikom sapitnga kote taw ka tha hong dimsak ta'n a, apple nga taw hong thak sua ta'n!

Isaiah 16:7

Moab mite sia ngimna a thuak hu in kap tu uh hi. Kir Heres khuapi sungah a om lai in a neak bul uh anlimte a phaw kik uh ciangin, amate a vekpi in kap tu uh hi. A thin kiam tu uh hi.

Ezekiel 45:17

Ama in Israel minam bup ii Thadet Poaite, Sabbath te le a dang poaite theampo atu in nganhing pum bup meihal biakpiak natu nganhingte, antang biakpiakna le sapittui biakpiaknate a piak tu sia ama vaipuak ahi hi. Ama in mawphel biakpiakna, antang biakpiakna, nganhing pum bup meihal biakpiakna le kipawlkhop biakpiaknate sia Israel mite ii mawna khialnate kiphel natu in pia tu hi,” ci hi.

Hosea 3:1

Topa in kei tungah, “Pai kik ta'n a, a lawmpa taw nang hong palngul numei tungah na itna lak ta'n. A milimte sapitnga ko pia thanuam in pathian dangte zuan kale Israel mite ka it veve bangin tua nu it nanak tu ni hi,” hong ci hi.

1 Peter 4:9

Phun ngawlin khat le khat zin kido thiam tavun.