1 Khangtaanghthu 15:3 - Syin Chin Bible

³ A vawt kholsa munah Thuciamna Thingkuang paipui tu in David in Israel mite theampo Jerusalem ah sam hi.

1 Khangtaanghthu 15:3 Iomraidhean Croise

2 Samuel 6:12

Kumpipa David in Thuciamna Thingkuang hu in, Topa in Obed Edom bangkua le a neisa theampo thupha pia hi ci in za a; tua ahikom ama in Thuciamna Thingkuang sia Obed inn panin la in, poai khaamna lianpi taw Jerusalem ah ciapui hi.

2 Samuel 6:17

Amate in tua Thingkuang sia David ii tua atu a saksak Puanbuk sungah koi uh hi. Tua zawkciang ama in Topa tungah sangaw biakpiakna le kipawlkhop biakpiaknate pia hi.

1 Kumpite 8:1

Tua zawkciang Kumpipa Solomon in Topa ii Thuciamna Thingkuang sia David ii khuapi Zion panin Biakinnpi ah a tua tu in Israel ngamsung namte le, bee le phungte ii lampui theampo Jerusalem ama kungah hong pai tu in sam hi.

1 Khangtaanghthu 13:2

Tuaciang Israel mite theampo tungah ama in, “Note lungkim in, Topa ih Pathian ii deina a om le ih ngammi om lai te, thiampite le a khua ah a om Levi te kungah kamtaite paisak in, eima taw hi sungah hong kikhawm tek tu in vaitha tawng.

1 Khangtaanghthu 13:5

Tua hi a, David in Israel ngamsung theampo, thangsang Egypt ngamngi pan saksang Hamath Mualciangh dong ah a teang Israel mite Kiriath Jearim pan Jerusalem khuapi ah Thuciamna Thingkuang paipui tu in kikhawmsak hi.

1 Khangtaanghthu 15:1

David in ama aituam zak tu in David khuapi sungah innte sa hi. Ama in Pathian ii Thuciamna Thingkuang atu in mun khat vawtin puanbuk khat zongh saksak hi.

1 Khangtaanghthu 15:12

Ama in Levi te tungah, “Note sia Levi bee le phung lampuite na hi uh hi. Ka vawt kholsa munah Israel Topa Pathian ii Thuciamna Thingkuang na paipui thei natu uh in noma le noma kithiansua vun a, na Levi mipuite zongh thiansua vun.

1 Khangtaanghthu 16:1

Amate in Thuciamna Thingkuang a koi natu in David ii a saksa puanbuk sungah tua in koi uh hi. Tua zawkciang amate in Pathian tungah sangaw biakpiaknate le kipawlkhop biakpiaknate pia uh hi.

2 Khangtaanghthu 1:2

Solomon kumpipa in a ngalkap tulkhat a uk le zakhat a uk ngalkapmangte theampo, kumpi naseam ulian theampo, innkuan lutangte theampo le a taanglai mite tungah,

2 Khangtaanghthu 1:4

(Thuciamna Thingkuang sia ahile David kumpipa ii Kiriath Jearim pan a laak lai in, Jerusalem khua ah a sak puanbuk khat sungah kikeam hi.)

2 Khangtaanghthu 5:2

Tuaciang Solomon kumpipa in Israel namte le a bee a phungte ii lampuite theampo sia David Khuapi Zion panin Topa Thuciamna Thingkuang Biakinnpi ah a pua tu in Jerusalem ah a kikhop natu sam hi.

Pusuana 40:20

Tuaciang ama in suangpheakte nii la in Thuciamna Thingkuang sungah koi hi. Ama in a zawnna thingpumte a bilvang sungah thun in, Thuciamna Thingkuang sitna khak hi.

Thiampite 9:5

Moses thupiak bangin amate in Puanbuk mai ah na theampo paipui a, Topa a bia tu in taangpi bup tua munah kikhawm uh hi.