1 John 2:3 - Syin Chin Bible

³ Pathian thupiakte ih zui le tuasia ciangin ama a he ih hi hunlam ih tel hi.

1 John 2:3 Iomraidhean Croise

John 14:15

“Nong it uh le ka thupiakte na ni tu uh hi.

John 15:10

Ka Pa thupiakte ni a, ama ii itna sungah ka kip bangmain, kong thupiakte na ni uh le kong itna sungah na kip tu uh hi.

1 John 5:3

Banghang ziam cile Pathian ih itna ii khiakna sia ama thupiakte ih zui hi cinopna ahi hi. Tuaciang ama thupiakte sia ei atu in a haksa lei bua hi,

Luke 6:46

“Banghangin ‘Topa, Topa’ hong cici napi, kong son bang vawt ngawl nu ziam?

John 15:14

Tuaciangin, ka thupiak bangin na seam uh le, ka lawmte na hi uh hi.

1 John 4:13

Eite Pathian taw pumkhat in kinungta a, ama sia ei taw pumkhat in nungta hi ci in maan takin ih tel hi, banghang ziam cile ama in ei tungah ama Thaa hong pia zo hi.

Hebrew te 5:9

Ama sia a cingtaak a kisuasak zawkciang, ama thu a ni theampo atu in, tawntung ngupna ii naak a suak hi.

Psalm Late 119:32

Na thupiakte thalawp takin ka zui tu hi, banghang ziam cile nangma in tel theina a tamzaw nong pia tu hi.

1 John 3:19

Tua ahikom thumaan thutak sungah ih om hunlam sia tu a bangin ih he tu hi; Pathian mai ah kimuanna ih nei natu sia hi bang teng hang ahi hi.

John 17:3

Tuaciang in tawntung nuntakna ci sia in nangma bek Pathian a maan ahi sia heakna le na sawlpa Jesus Christ heakna ahi hi.

1 John 5:19

Simlei buppi sia Ngilopa ukna nuai ah om kale, ei sia Pathian neisa ih hi hunlam ih he hi.

1 John 3:14

Eite in ih suapuite it ih hi hu in, thina nusia a, nuntakna sungah theng zo ih hi hunlam ih he hi. Ngual a it ngawl peuma sia thina vaangletna nuai ah om lai hi.

2 Corinth te 4:6

“Khuazing sung pan khuavak hong taang tu hi!” a ci Pathian sia ma in Christ ii maitang ah a taang Pathian ii vaangletna heak natu in kote thinsung ah a khuavak hong taangsak ahi hi.

Thupualaakna 22:14

Nuntakna thingnga neak thei natu le khuapi sungah kongkha kaantan in pai thei natu in a puantual a sawp thiangte in mihing hamphate ahi uh hi.

Isaiah 53:11

A khan sungah natna ngimna a thuak zawkciang, ama in lungdamna nga kik tu hi; a thuakna a luithawthong ahi ngawl sia ama in he tu hi, Ama sia a thumaan keima naseampa hi a ka lung hong kimsak pa hi. Ama in mihing tam mama ii thuak tu daan piakna sia thuak tu a, ama thuakna hangin amate mawna ka maisak tu hi.

Psalm Late 119:6

Na thupiakte theampo ka nadon le, ka mai hong zumsak buatu hi.

1 John 2:13

Pate awng, a kipatciil pan a om pa na heak uh manin lai kong thaak hi. Tangvalte awng, Ngilo Pa zo zo na hi uh manin lai kong thaak hi.

1 John 3:6

Tua ahikom Christ taw kipumkhat a, a nungta peuma mawna zom suak nawn ngawl hi; ahihang a kuama po mawna vawt a zom suakte sia ama a mu ngeingawl ahibuale a he ngeingawlte ahi hi.

1 John 4:7

Ka it lawmte awng, eite khat le khat ki it tawng, banghang ziam cile itna in Pathian kung pan hong pai hi. Ngual a it thei pawpo sia Pathian ta hi a, Pathian he hi.

1 John 5:2

Pathian it a, ama thupiakte zuina taw Pathian ii tate a it ih hi hunlam ih he hi.

Thupualaakna 12:17

Ngulpui sia numei tungah a thin uuk mama a, Pathian ii thupiakte zui a, Jesus ii pualaak thumaan tungah a kip numeinu ii suan a taanglaite sim tu in kuan hi.

Thupualaakna 14:12

Pathian thupiakte ni a, Jesus tungah a thumaan Pathian ii mihingte atu in thuak zawkna kisamh hi.