1 John 1:3 - Syin Chin Bible

³ Pa le a Tapa Jesus Christ taw ka kipawlkhopna sungah nong pop thei natu in, ka mu ka zaak uh teng no tungah kong phuang uh hi.

1 John 1:3 Iomraidhean Croise

Job 13:1

Na son theampo ka zaak ngeisa vive hi. Tuate ka tel siat a; na heak za uh ma ka he hi. Kei, no sangin nangh zaw tuan ngawl khi hi.

Psalm Late 2:7

Kumpipa in “Topa thu khensatna son tu khi hi,” ci hi. Ama in kei tungah hi bangin hong ci hi, “Nang sia ka tapa na hi hi, tuni in na pa ka suak zo hi.”

Psalm Late 22:22

Ka mipuite tungah nangma ii nong sepsaksate ka son tu a, amate kikhopna sungah nang kong pok tu hi.

Isaiah 66:19

tuaciang amate daan pia pa ka hi sia he tu uh hi. “Ahihang amate sung pan pawlkhat ka khe tu a, ka minthanna a za ngawl, ahibuale ka letna le ka vaangletna a mu ngawl lai minamte le ngam khualate ahi, Spain, Libya, Lydia le a thalkaap thiamte ii ngam, Tubal le Greece te ngam ah ka puak tu hi. Amate in hi ngamte sungah ka letna thangsak tu uh hi.

Mi Simna 10:32

Ko hong zui lete Topa hong piak thupha theampo nang taw ih hawm tu hi.” ci hi.

John 17:11

Tu in kei nangma kung kong zuan hi; leitung ah kei ka om nawn bua a, ahihang amate leitung ah om hi. A Thiangtho Pa awng! Nang le kei khat ih hi bangma in, amate pumkhat ahithei natu in, nong piaksa min ahi na min vaanglian taw amate keamcing ta in.

John 17:21

Amate a vekpi in pumkhat ahithei natu in kong ngen hi. Pa awng! Nangma in keima sungah nong om a, keima in nangma sungah kong om bangma in, amate in eima sungah hong om tahen. Leitung in nong sawl ka hi hunlam hong up natu amate pumkhat suak thei tahen.

John 17:25

Thumaan thutang Pa awng! Leitung in nang hong he bua hi, ahihang keima in kong he hi, tuaciang hite in nong sawl ahi hunlam he uh hi.

John 17:3

Tuaciang in tawntung nuntakna ci sia in nangma bek Pathian a maan ahi sia heakna le na sawlpa Jesus Christ heakna ahi hi.

John 19:35

(Hi thu na up thei natu in, hi thupiang a mu pa in ama muna bangin hong son ahi hi. Ama thusonte a maan hi a, thumaan son ahi hunlam zongh a son pa in he hi.)

Sawltakte 13:32

Tuaciangin Lungdamna Thupha no tungah hong puak tu in, kote hi sungah kong om uh hi: Pathian ii ih taanghpupite tungah a sep a vawt tu kamciam a piak sia, Jesus nungta kik tu in, a thaw kiksakna taw, ei a suan a paalte tungah, tu in tua kamciam hong tungsak ahi hi. Psalm a niina sungah hi bangin ki at hi, ‘Nang in ka Tapa na hi hi; tuni in na Pa ka suak zo hi.’

Sawltakte 13:41

‘En vun, ngual selno theite awng! Lamdang sa in thi tavun! Banghang ziam cile tuni in ka nasep sia a khiakna hong son a om hial zong, na um thei buatu hi!’ ” ci hi.

Sawltakte 2:42

Amate in a hun neite uh sia, sawltakte tung pan thusinna in zangh a, kipawlna sung, pawl anneakkhopna le thungetna sungah kihel tek uh hi.

Sawltakte 20:27

Banghang ziam cile Pathian tupna a buppi in kong sonna ah bangma kheet nei ngawl khi hi.

Sawltakte 4:20

Banghang ziam cile ka mu sa uh, ka zaaksa uh thute son ngawlin, ka om thei buatu uh hi,” ci uh hi.

Romete 15:27

Hisia amate mama ii khensat ahi hi; ahihang a tatakin ci leang amate in tua mizawngte a hu tu sia a sep tu ahi hi. Jew te in thaa lam sangah thuphate Gentile te a hop bangma, Gentile te zongh in Jew te sia a leitung neisate taw a hu kik kul hi.

1 Corinth te 1:30

Ahihang, Pathian in note Christ Jesus taw hong kipumkhatsak zo hi; Pathian in Christ sia eite ii ciimna suaksak zo hi. Ama hangin Pathian mai ah thutang in hong koi hi; eite Pathian ii mi thiangthote suakin, hong suaktasak hi.

1 Corinth te 1:9

Eima ii Topa ahi a Tapa Jesus Christ taw kipawl khawm tu a, note hong sam Pathian sia ih muan tu Pathian ahi hi.

1 Corinth te 15:1

Ka suapuite awng, na saansa uh le na upna tung kho tak na dinna uh, kong hil Lungdamna Thupha huvau tu in kong phawksak kik nuam hi.

Ephesus te 3:6

A thuku sia bang ziam cile Gentile te le Jew te in Pathian thupha sia lungdamna thu hangin saang khawm thei hi; amate in pumpi khat ii nate hi tek a, Pathian ii Christ Jesus tungtawn a kamciam a piakte nga tek hi.

Philippi te 1:7

Ka thinsung ah no kong phawk tawntung hi! Tuabangin kong phaw sia kei atu in a kilawm thu ahi hi. Banghang ziam cile, tu laitak thonginn sungah ka om laitak ahizong, lungdamna thu ii a maanna sia huuk tu le kipsak tu in ka suatak laitak ahizong, Pathian ii hong piak hi phattuamna nong saan pui tek uh hi.

Philippi te 2:1

Christ sungah na nuntakna in, hong thahatsak a, tuaciang ama hong itna in hong thinnuamsak hi. Note in Thaa taw na kipawlkhawm uh a, tuaciang khat le khat ii tungah dikna le ciliapna na nei uh hi.

Philippi te 3:10

Christ heak tu le ama thaw kikna vaangletna siim tu, ama thuaknate thuakpui tu, a thina sungah ama taw kiban tu sia ka dei bulpi ahi hi,

Colossae te 1:13

Ama in khuazing vaangletna sung pan eite hong hun a, a it a Tapa ngam sungah bit takin hong paipui hi.

1 Thessalonica te 1:10

hong tung tu Pathian thin uukna pan hong suatak, ama ii thina pan a thawsak, vantung pan hong pai tu — ama Tapa Jesus ngak tu in na om uh thute son hi.

1 Timothy 6:2

Tapidawte nei silate in a tote simmaw heak hen, banghang ziam cile, amate in unau khat ahi uh hi. Tua hi zaw ngawlin amate in a phazaw in na sepsak tahen, banghang ziam cile, phattuamna a ngate sia amate ii a it thu umte ahi hi. Hi thute hilin na hanthawn in.

Hebrew te 2:12

Ama in Pathian munah, “Ka mite munah na sep sa teng ka son tu hi; amate ii a kikhopna sungah nang kong pok tu hi,” ci hi.

Hebrew te 3:1

Pathian hong sapsa zongh ahi, ka Tapidaw suapuite awng! Ih pualaak upna ii Thiampi Lianbel tu in, Pathian ii a sawlpa Jesus ngaisun vun.

Hebrew te 3:14

Banghang ziam cile a kipat pan ih nei kimuanna sia a tawp dongin ih kholet le ei theampo sia Christ taw a kikopte ih hi hi.

1 Peter 5:1

Pawlpi upa khat ahi keima in no pawlpi upate tungah kong thuum hi. Keima sia Christ thuakna ii tetti khat ka hi a, maisang hong kilangh tu minthanna a nga tu khat ka hi hi.

2 Peter 1:16

Ih Topa Jesus Christ ii vaangletna taw hong pai natu thu kong heaksak ciangin, phuatawm taanghthute ka sisanh bua uh hi. Ama ii letna sia ka mit uh taw ka mu sa uh ahi hi.

1 John 1:1

A kipatciil pan a omsa, nuntakna Kammal huvau note tungah lai kong thaak hi. Tua thu ka za zo uh a, ka mit taw ka mu zo uh hi; hi hi, mu zo khu hi, ka khut uh taw tham zo khu hi.

1 John 1:5

Tu in a Tapa tung pan ka zaak thu le kong zaaksak uh thu in hi thu ahi hi: Pathian sia khuavak hi a, ama sungah khuazing om ngawl het hi.

1 John 1:7

Ahihang eite khuavak sungah ih nungta le — ama sia khuavak sungah om ahi bangma in — eite khat le khat a kipawl theite ih hi a, tuasia ciangin a Tapa Jesus ii chisan in ih mawna theampo pan hong thiansua hi.