1 John 1:1 - Syin Chin Bible

¹ A kipatciil pan a omsa, nuntakna Kammal huvau note tungah lai kong thaak hi. Tua thu ka za zo uh a, ka mit taw ka mu zo uh hi; hi hi, mu zo khu hi, ka khut uh taw tham zo khu hi.

1 John 1:1 Iomraidhean Croise

Isaiah 41:4

Hi bangin, a piangsak sia akua ziam? A kua in taanghthu suak tu in piangsak ziam? Tua munah a kipatciil pan kipan keima Topa ka om a, keima Topa sia a khakbel dongin tua munah ka om tu hi.

Micah 5:2

Topa in, “Bethlehem Ephrathah khua awng, nang in Judah ngam sungah khuanobel khat na hi a, ahizong nang sung pan Israel a ukpa tu khat ka piangsak tu hi. Ama khang ngui in taangh tawngh pek taw kizom hi,” ci hi.

Luke 1:2

A kipat panin a mute le a thu a thangsakte ii hong son bang teng veu ma at uh hi.

Luke 24:39

Ka khut ka peang hong en tavun. Keima tatak ma ka hi hunlam hong en tavun. Hong tham tavun, banghang ziam cile thithaa in ngu le taang le samalte, tu a ka nei nong mu thei uh bangin a nei bua hi,” ci hi.

John 19:35

(Hi thu na up thei natu in, hi thupiang a mu pa in ama muna bangin hong son ahi hi. Ama thusonte a maan hi a, thumaan son ahi hunlam zongh a son pa in he hi.)

John 20:27

Tua zawkciang, Thomas tungah, “Na khutme taw hi sung hong tham ta'n, ka khutte hong en ta'n; tuaciang na khut vaan in ka pangh hong tham ta'n. Um khial heak in, um takpi in!” ci hi.

John 5:26

Pa mama in nuntakna ii naak ahi bangma ama Tapa zongh nuntakna ii naak suaksak zo hi.

John 8:58

A maan takin kong ci hi, “Abraham pian ma in, ‘Keima’ ka om zo hi,” ci in Jesus in zo kik hi.

Sawltakte 1:3

A thi zawk ni sawmli sungah amate tungah tamvei ma kilak a, ama sia nungta nginge ahi hunlam up laak om ngawl tu in, a nanam in kilak hi. Ama sia sawltakte in mu uh a, Pathian Ngam thu ama in sonpui hi.

Sawltakte 4:20

Banghang ziam cile ka mu sa uh, ka zaaksa uh thute son ngawlin, ka om thei buatu uh hi,” ci uh hi.

Hebrew te 2:3

Tua hi a, hi zata in a lian ngupna thusim buathong leang bangbangin suakta tu hi ziam? Topa ama mama in hi ngupna thangsak masa a, tuaciangin a zate in ei tungah tua thu a maanna hong lak zo hi.

1 John 4:14

Tuaciang Pa in a Tapa sia leitung Hunpa tu in hong paisak hi ci in ih mu a, ngual tungah ih son hi.

1 John 5:7

Tua atu in tetti thum om hi:

Thupualaakna 1:11

Tuasia in, “Na mu teng at in a, a laibu sia hi pawlpite omna khuapi sali ahi: Ephesus, Smyrna, Pergamum, Thyatira, Sardis, Philadelphia, Laodicea te tungah thaak in,” ci hi.

Thupualaakna 1:8

“Keima in a masabel le a khakbel ka hi hi,” ci in a om nginge, a omsa, le hong pai pheang tu, Vaanglianbel Topa Pathian in ci hi.

Thupualaakna 19:13

Ama silh puantual sia in chisan taw kidim hi. Ama min sia “Pathian Kammal” ahi hi.

Thupualaakna 2:8

“Smyrna khua pawlpi ii kamtai vantunglalang tungah hi bangin at in: “Hisia in a masa phitbel le a khakbel ahi, a thisa a nungta kikpa tung pan kam hong vaithak hi.