Titus lạgitʼ Pạul Apostolakʼ ciṭhi 2:15 - সান্তালী বাইবেল

¹⁵ Onate am do purạ ektiạri salakʼ noako reaṅ sikhạu paṛhaokom, sopolha emakom ar dosko udukʼakome. Ar am do okoe hõ alo jemonko neṅghaome.

Santali Common Language New Testament

¹⁵ Onate am do purạ ektiạri salakʼ noako reaṅ sikhạu paṛhaokom, sopolha emakom ar dosko udukʼakome. Ar am do okoe hõ alo jemonko neṅghaome.

Titus lạgitʼ Pạul Apostolakʼ ciṭhi 2:15 Iomraidhean Croise

Mathae 7:29

ente uni do sostor baḍaeko leka do baṅ, bickom ektiạri menakʼtae hoṛ lekae cetʼako kan tahẽkana.

Mark 1:22

Ar uniyakʼ cecetʼakʼte hoṛko do ạḍiko hahaṛayena, ente sostor baḍaeko leka do baṅ, bickom ektiạri menakʼtae hoṛ lekae cetʼako kan tahẽkana.

Mark 1:27

Noa ńelte hoṛko do hahaṛayente ako akore kuliyana. “Noako do cetʼ kana? Ar noa ektiạrite perecʼ nãwã cecetʼakʼ baṅ cetʼkan? Ente uni do bạṛicʼ jiukoe hukumako kana ar onko do uniyakʼ kathako bataoetʼtaea.”

Luk 4:36

Noa iạte jotogeko hahaṛayena ar ako akore menjoṅko ehopʼena, “Noa baṅ oka lekan katha kan! Uni do ektiạri ar daṛe salakʼ bạṛicʼ jiukoe hukumako kana ar onko doko oḍok calakʼkana!”

1 Korinthiko 16:11

Onate okoe hõ jemon aloko neṅghaoema. Menkhan sulukte kolgotʼkaepe, jemon uni do iń ṭhene hecʼ daṛeakʼ. Ente uni do boehako sãoteye hijukʼa menteń ńel horekana.

1Timothi 5:20

Okoe mukhiyạko kạkạitegeko tahen onko do manḍerren sanam hoṛko samaṅre nisṛạukom jemon eṭakʼ mukhiyạko hõ botor tahentako.

2Timothi 4:2

Isorakʼ katha lại jạhirme; batarre ar bin batarre, am do jao okte lại jạhir lạgitʼ sapṛao akae tahenme; ạḍi sobori salakʼ cetʼakote hoṛkoakʼ dosko udukʼakome, onko sontorkom ar sopolha emakom.

Titus lạgitʼ Pạul Apostolakʼ ciṭhi 1:13

Ona goha do sạrigea. Onate ạḍi ajhaṭte onkoakʼ dosko udukʼakome jemon onko do dhorom biswạsre ṭhik lekako sapʼ doho akae tahen,

1 Patras 4:11

Jãhãeye porcar khan, enḍekhan nonka lekae porcar ma jemon uni do Isorakʼ moca reakʼ kathae roṛeda mente. Ar jãhãye sapʼ sopohotʼ khan enḍekhan Isor emakʼ daṛete uni doe sapʼ sopohotʼma, jemon Jisu Mạsi hotete jotowakʼre Isorge ṭhonoke ńam. Ente daṛe ar ṭhonok do jaejug hạbicʼ uniyakʼge. Amen.