Titus lạgitʼ Pạul Apostolakʼ ciṭhi 2:13 - সান্তালী বাইবেল

¹³ ar aboren maraṅ Isor ar babańcaoicʼ Jisu Mạsiyakʼ ṭhonok reakʼ sodorokʼ do rạskạte bon ńelhor akae tahen.

Santali Common Language New Testament

¹³ ar aboren maraṅ Isor ar babańcaoicʼ Jisu Mạsiakʼ ṭhonok reakʼ sodorokʼ do rạskạte bon ńelhor akae tahen.

Titus lạgitʼ Pạul Apostolakʼ ciṭhi 2:13 Iomraidhean Croise

Jesaea 25:9

Enhilokʼ hoṛko mena, “Ńelpe, nui kangeae aboren Isor do; abo do uni koyokʼ horrege bon tahẽkana jemone bańcao daṛeabon. Uni kangeae Probhu do; abo do uni koyokʼ horre bon tahẽkana. Dela, abo do uniyakʼ bańcao kạmi iạte rạskạ arbon hulạsokʼma.”

Mathae 16:27

Manwa Hopon do acʼren goḍetko soṅgekate apat reakʼ ṭhonokanteye hijukʼa. Ar mimitʼ hoṛ akoakʼ kạmi lekae halawakoa.

Mathae 25:31

“Manwa Hopon do acʼren serma goḍetko sãote acʼakʼ ṭhonokanteye hecʼlenre uni do ṭhonok reakʼ siṅghạsonreye duṛupʼa.

Mathae 26:64

Jisu do uniye metadea, “Hẽ am do ṭhikgem menakada; enḍekhan arhõń metapekana, ńit khon Manwa Hopon do sanam daṛeanicʼ Isorakʼ jojomsa aṛere duṛupʼakan ar rimilte hijukʼkanpe ńelea.”

Mark 14:62

Jisui menkeda, “Uni kangeạń. Ar ape do Manwa Hopon sanam daṛeanicʼ Isorakʼ jojomsa aṛere duṛupʼakan ar rimilte hijukʼkanpe ńelea.”

Mark 8:38

Niạ piṛhiren bepạtiạr ar kại hoṛko talare iń ar ińakʼ kathako iạte jãhãegeye lajaokʼ, enḍekhan Manwa Hopon hõ sonot goḍetko soṅgekate acʼren Apatakʼ ṭhonokanteye hijukʼre uni hoṛ iạteye lajaokʼa.”

Aposkạmi 24:15

Onko cetʼlekako asokʼkan onkage iń hõ Isorre noa as menakʼtińạ je, dhorom ar bedhorom sanamkoge arhõko jiwetʼ beretʼ ocokʼa.

Romiko lạgitʼ Pạul Apostolakʼ ciṭhi 15:13

Okoe ase dan abonkan uni Isor do apeakʼ biswạs hotete asambheṛ rạskạ ar sulukteye perecʼpema. Enḍekhan sonot Jiu reakʼ daṛete apeakʼ ontor reakʼ as do sareṛokʼtapea.

Romiko lạgitʼ Pạul Apostolakʼ ciṭhi 5:5

Noa as do bae lajao ocobona, ente Isore emakan sonot Jiu hotete aboakʼ ontor do acʼakʼ dulạṛteye perecʼ akada.

Romiko lạgitʼ Pạul Apostolakʼ ciṭhi 8:18

Ińiń baḍaea, oka ṭhonok bon ńam ona tulucʼ jurikʼ lạgitʼ aboakʼ nahakʼ jug reakʼ harket ar sasetko do cetʼge baṅkana.

1 Korinthiko 1:7

Onate aboren Probhu Jisu Mạsiyakʼ sodorokʼ reakʼpe ńel hohorkanre okaṭakʼ dante hõ bape khaṭo ocokʼkana.

2 Korinthiko 4:4

Bin pạtiạukʼ hoṛkoakʼ mon niạ jugren Deb doe kãṛã akatʼtakoa jemon onko do bhage sombat reakʼ marsal aloko ńelńam. Noa bhage sombatre do Mạsiyakʼ ṭhonok bamberokʼ kana, ar nui Mạsi kangeae Isorakʼ muṭhạn reakʼ sodorokʼtetʼ.

2 Korinthiko 4:6

Ale do noale porcaretʼ kana, ente okoeye menletʼ tahẽkan, “Ńut khon marsal hoyokʼ ma,” Uni Isorge aboakʼ ontorreye bamberena, jemon uniyakʼ mạhima bujhạu lạgitʼ marsal sodorokʼ. Ar noa mạhimage Mạsiyakʼ mẽtʼãhãre menakʼa.

Kolossiko lạgitʼ Pạul Apostolakʼ ciṭhi 1:23

Onate Mạsi reaṅ bhage sombat khon oka sạri aspe ńamakatʼ ona khon alo pharakokʼte pạtiạure teṅgo ṭarhao akae tahenpe. Ona bhage sombat do goṭa dhạrtire lại jạhir akana ar ape do onape ańjom akada. Ar iń Pạul do noa bhage sombatren porcaricʼ iń hoyakana.

Kolossiko lạgitʼ Pạul Apostolakʼ ciṭhi 1:27

Isor doe khojkana, boṅgan hoṛ jạtrenko talare hõ uniyakʼ noa sạri okoakʼ reakʼ maraṅ ṭhonok cetʼkana mente, ona jemon acʼren sanam hoṛko baḍae daṛeakʼ. Ona sạriyakʼ do noage, Mạsi do apeakʼ ontorre menaete uniyakʼ ṭhonok ńam reakʼpe as akana.

Kolossiko lạgitʼ Pạul Apostolakʼ ciṭhi 1:5

Sermare ape lạgitʼ okaṭakʼ jogao dohoakan ona ńam reakʼ as khonge ape talare noa pạtiạu ar dulạṛ do janam akana. Ar okaṭakʼ bhage sombat, metakʼme sạri katha ape ṭhen seṭer akan ona hotetege ape do noa as reakʼ kathape ańjom akada.

Kolossiko lạgitʼ Pạul Apostolakʼ ciṭhi 3:4

Okoe doe aperen jionkan uni Mạsiye sodorlenre ape hõ uni tulucʼ uniyakʼ ṭhonokren bhạgiyạdarko mentepe sodorokʼa.

2 Thessalonikiko 2:16

Aboren Probhu Jisu Mạsi ar Isor Baba do apeakʼ ontorreye udgạupema ar sanam bhage kạmi ar kathareye kajak ocopema.

2 Thessalonikiko 2:8

Probhu Jisu do acʼakʼ moca reakʼ sãhetʼteye marao utạrea ar acʼakʼ ṭhonokteye sodorokʼte uniyakʼ daṛeye cabaetaea.

1Timothi 1:1

Iń Pạul do aboren babańcaoicʼ Isor ar Jisu Mạsiyakʼ hukumte apostoliń hoyakana. Ar aboakʼ sanam as do Mạsi Jisurege.

2Timothi 1:2

Noa ciṭhi iń do ińren dulạṛiạ hopon Timothi ṭheniń oleda. Isor Baba ar aboren Probhu Jisu Mạsi do daya, bhor ar suluke dan amma.

2Timothi 4:1

Mạsire ruạṛ hijukʼ ar uniyakʼ raj reaṅ disạ dohoyte Isor samaṅre, okoe do jiwetʼko ar gocʼkoe bicạrko uni Jisu Mạsi samaṅre iń do noań hukumam kana.

2Timothi 4:8

Onate iń lạgitʼ dhorom reakʼ jit ṭupri do dohoakana. Bicạr dinre dhorom bikʼcạricʼ Probhu Isor do kuṛại lekate jit reakʼ ona malae danạńạ. Ar eken iń eskargeye danạńạ ona do baṅ, menkhan okoe soborikate uniyakʼ ruạṛ hijukʼ reakʼko koyokʼ horakatʼ onko sanamkoe danakoa.

Titus lạgitʼ Pạul Apostolakʼ ciṭhi 1:2

Iń do jaejug jion ńam reakʼ aste Mạsiń sewawae kana. Dhạrti ạuri sirjạure bin eṛeyicʼ Isor do noa jion imạń reakʼe gokʼ akawạdińa.

Titus lạgitʼ Pạul Apostolakʼ ciṭhi 1:4

Mạsire biswạs iạte okoe iń tulucʼe mitʼakan, uni ińren sạriạkʼren hopon Titus ṭhen noa ciṭhiń oleda. Isor Baba ar aboren babańcaoicʼ Jisu Mạsi do daya ar suluke dan apema.

Titus lạgitʼ Pạul Apostolakʼ ciṭhi 3:4

Menkhan aboren babańcaoicʼ Isorakʼ daya ar dulạṛ abore sodoren khan uni do kại khone bańcaoketʼ bona.

Ibriko 9:28

Ṭhik onkage ạdi utạr hoṛakʼ kại reakʼ bojha gokʼ idi lạgitʼ Mạsi hõ mitʼ dhãogeye dãṛẽyena. Uni do dosar dhaoe hijukʼa, menkhan unre kại ńutumte gujukʼ lạgitʼ do baṅ, bickom acʼ ńel horekan hoṛko bańcaoko lạgitʼgeye hijukʼa.

1 Patras 1:3

Aboren Probhu Jisu Mạsiren Isor ar Babawakʼ sarhao hoyokʼtae ma. Jisu Mạsi gocʼko khone jiwetʼ beretʼkedete Isor do acʼakʼ maraṅ dayate nãwã janame dan akawatʼbona. Ona iạte abo do mitʼṭecʼ jiwetʼ as bon ńam akada,

1 Patras 1:7

Noako biḍạu do hijukʼgea jemon apeakʼ biswạs khạṭi mente sạbudokʼtape, ar onate Jisu Mạsiye sodorokʼre ape do sarhao, ṭhonok ar manotpe ńama. Okaṭakʼ sona do heṛ idikʼ ona hõ seṅgelre khạṭi ocoy hoyokʼa; menkhan apeakʼ biswạs reakʼ dam do ona sona khon hõ artetʼ sorosgea.

2 Patras 1:1

Iń Simon Patras do Jisu Mạsiren mitʼṭen golam ar apostolge. Aboren Isor ar babańcaoicʼ Jisu Mạsi doe dhoromgea, ar ona iạte ape hõ ale leka inạ bin mucạtʼ damrepe biswạs akana. Ar noa iạtege ape ṭhen niạ ciṭhiń oletʼkana.

2 Patras 3:18

Ape do aboren Probhu Isor ar babańcaoicʼ Jisu Mạsiyakʼ daya ar uni reaṅ akelte hara rakabokʼpe. Ńit ar jaejug hạbicʼ uniyakʼge ṭhonok hoyokʼtae ma. Amen.

1 Johan 4:14

Alele ńelakadea ar gohale emetʼkana, Baba do manwakoren babańcaoicʼ mente Hopone kolkedea.

Jihudạwakʼ ciṭhi 1:21

Aboren Probhu Jisu Mạsiyakʼ mãyã do jemon jaejug jion secʼe idipe ona ńel hor lạgitʼge ape do Isorakʼ dulạṛre tahenpe.

Johan sodor 1:7

Ńelpe, uni do rimilteye hijukʼkana. Ar mitʼke mitʼ mẽtʼ do uniko ńelea; ar okoeko sobokʼ bhugạkʼlede onko hõ uniko ńelea ar dhạrtiren sanam jạtrenko do uni iạte koṛamko ceṭagokʼa. Ar onage hoyokʼ ma baṛe, Amen.