Titus lạgitʼ Pạul Apostolakʼ ciṭhi 2:11 - সান্তালী বাইবেল

¹¹ Isorakʼ oka daya hotete kại khon bańcao ńamokʼ ona do sanam manwako ṭhenge sodor akana.

Santali Common Language New Testament

¹¹ Isorakʼ oka daya hotete kại khon bańcao ńamokʼ ona do sanam manwako ṭhenge sodor akana.

Titus lạgitʼ Pạul Apostolakʼ ciṭhi 2:11 Iomraidhean Croise

Sereńko 67:2

jemon dhạrtiren sanamko amakʼ horko baḍae daṛeakʼ ar sanam jạtrenko am emakʼ bańcao ńamkate ona do kạmireko lagao daṛeakʼ.

Sereńko 84:11

Sạrige Probhu kangea siń cando ar ḍhal do; uni do daya ar ṭhonoke emokʼkana. Okoe dhoromteko calakʼ onko do bhage jisin emako uni do bae baṅakoa.

Sereńko 96:10

Jạt jạtrenko ṭhen lại sodorpe, “Probhu Isorgeye raj kana mente. Dhạrti do ṭarhao kajak akana, ona do tisge baṅ ḍikạḍakekʼa; uni do dhoromte sanam jạtrenkoe ḍanṭaokoa.”

Jesaea 45:22

“E dhạrti reakʼ ses simạnarenko, iń secʼ ruạṛokʼpe ar bańcaokʼpe, ente iń kangeạń Isor do, iń chaḍa ar cele hõ Isor doko baṅkana.

Jesaea 49:6

Uniye meneda, “Eken Jakobakʼ bõsrenko bańcaoko lạgitʼ ar Israelren sarecʼ hoṛko ruạṛ ạguko lạgitʼ ińren golamem hoyokʼa ona do baṅa; ente ona do ḍherge komgea. Ona chaḍa iń do boṅgan hoṛ jạtrenko ṭhen hõ marsal lekań hoyocomea jemon am hotete goṭa dhạrtiren hoṛ do kại khon bańcaoko ńam.”

Jesaea 52:10

Probhu Isor do sanam jạtrenkoakʼ mẽtʼ samaṅre acʼakʼ daṛeanakʼ sonot tiye sodortaea, ar dhạrti reakʼ sanam jaegaren hoṛko do aboren Isorakʼ babańcao reakʼ kạmiko ńela.

Sakariạ 12:10

“Iń do Dạudakʼ bõs ar Jerusalemren hoṛko cetanre ińren Jiu iń dulea; uni doe dayakʼa ar koejoṅ reakʼ mone emokʼa. Onate onko do iń secʼ, metakʼme okoe do uniko sobokʼ tapʼlede uni secʼ beṅgetʼ akaeko tahena. Ar sadher hopon ńutumte homor halaṅ leka onko do uni lạgitʼko homor halaṅa ar pạhilicʼ hopon lạgitʼ cetʼ lekako homor halaṅ onkageko jare jarekʼa.

Sakariạ 4:7

E maraṅ utạrakʼ buru, am dom okoekana? Serubabel samaṅre am do ot lekagem hoyokʼa. Koejoṅ oṛakʼ reakʼ mucạtʼ dhiri bạisạu jokhecʼ hoṛ do hohokateko mena, ạḍi mońjge hoyakana.’ ”

Mathae 28:19

Onate sanam jạtren hoṛko ṭhen calakʼpe ar ińren cela hoyocokope. Ar Baba, Hopon, Sonot Jiu ńutumte bạptiskope.

Mark 16:15

Jisui metatʼkoa, “Ape do dhạrti reakʼ sanam jaegate calakʼpe ar sanam hoṛko ṭhen Isorakʼ bhage sombat porcarpe.

Luk 24:47

Arhõ ol menakʼa, Jerusalem khon ehopʼkate sanam jạtrenko ṭhen kại ikạkʼ lạgitʼ mon ạcur porcarokʼa.

Luk 3:6

Manwako kại khon bańcaoko lạgitʼ Isor okae ceka akatʼ, ona do sanam hoṛko ńela.’ ”

Johan 1:14

Ar ona kathatetʼge manwa jạt lekateye janamena ar aboko talareye girobasena. Isor Babaren sadher Hopon lekate uniyakʼ oka ṭhonok menakʼtae ona do alele ńelakada. Uni do daya ar sạriyakʼteye perecʼgea.

Johan 1:9

Unige sạri marsal do, one okoe mimitʼ manwako marsale emakokan, uni do dhạrtiteye hecʼlena.

Aposkạmi 11:23

Ar Antiokiạren hoṛko Isorakʼ dayako ńamakada menteye ńelketʼ khan Barnabas do ạḍiye rạskạyena. Onko jemon goṭa ontorte Probhu Isorre biswạsko tahen onate uni do sanamkoe sikhạu paṛhaoketʼkoa.

Aposkạmi 13:43

Ar sunạgog khonko calao baṛayen khan ạḍi utạr Jihudiko ar Jihudi dhoromre pạtiạu akan Isor botoraekanko do Pạul ar Barnabas tạkinko pańjaketʼkinạ. Unre Pạul ar Barnabas do onkokin galmaraoatʼkoa, ar Isorakʼ dayare jemon khạtirko tahen ona lạgitʼkin udgạuketʼkoa.

Aposkạmi 13:47

Ente Probhu Isor do noa kathae men akada, ‘boṅgan hoṛ jạtrenko ṭhen iń do mitʼṭecʼ marsal lekań dohoakatʼmea, jemon am hotete goṭa dhạrtiren hoṛ do kại khon bańcaoko ńam.’ ”

Aposkạmi 17:30

Ente sedaeren hoṛ do bako baḍaekan tahẽkante Isor do noako secʼ bae beṅgetʼletʼa. Menkhan ńitokʼ uni do sanam jaegare joto hoṛge kại khon mon ạcur lạgitʼe hukumako kana,

Aposkạmi 20:24

Menkhan iń ṭhen do ińakʼ jiwi reakʼ jãhãn damge bạnukʼa. Ińakʼ sana do noage, jemon mucạtʼ hạbicʼ iń ṭarhao daṛeakʼ, metakʼme Probhu Jisu oka kạmi lạgitʼ dạyike emakawạdiń ona jemoniń purạu daṛeakʼ. Ona kạmi do hoyokʼ kana Isorakʼ daya reaṅ bhage sombat reakʼ goha emokʼge.

Romiko lạgitʼ Pạul Apostolakʼ ciṭhi 10:18

Menkhan ińiń mena, Israelko do cetʼ ona katha bako ańjom ńamleda? Khạṭigeko ańjom akada. Sonot sostore meneda, Onkoakʼ aṛaṅ do goṭa dhạrtire ḍamḍahe akana, ar kathako hõ pasnao akana dhạrti reakʼ mucạtʼ hạbicʼge.

Romiko lạgitʼ Pạul Apostolakʼ ciṭhi 5:15

Menkhan Adamakʼ kại ghạṭko oka lekakan, Isorakʼ bin damanakʼ dan do onka baṅkana. Tinre mitʼṭen hoṛakʼ kại iạte aema doko gocʼena, unre Isorakʼ daya ar mitʼṭen manwa hotete oka dan hecʼen, ona do artetʼ aemako lạgitʼge sareṛena! Ar uni mitʼṭen manwa doe hoyokʼkana Jisu Mạsi.

Romiko lạgitʼ Pạul Apostolakʼ ciṭhi 5:2

Ńitokʼ Isorakʼ daya reakʼ oka horte bon calakʼkan onḍe do Mạsire pạtiạu iạte bon seṭerakana. Ar Isorakʼ ṭhonok ńam reakʼ aste bon rạskạkʼ kana.

2 Korinthiko 6:1

Isorren são kạmiyạko lekate noale nehõrapekana, Isorakʼ okaṭakʼ dayape ńamakatʼ ona do alope ạuṛiyakʼ ocoya.

Galathiko lạgitʼ Pạul Apostolakʼ ciṭhi 2:21

Isorakʼ noa daya do bạń ạuṛiyakʼ ocoya, ente ạn-ạri manaote manwa do Isor ṭhen dhorome hoyokʼ khan enḍekhan Mạsi do ạuṛiyakʼgeye gocʼlena.”

Ephesiko lạgitʼ Pạul Apostolakʼ ciṭhi 2:5

Ar bebatao iạte tinre gocʼge bon tahẽkana unre Mạsi sãote uni doe jiwetʼketʼ bona. Isorakʼ dayate ape do kại khon bańcaope ńamakada.

Ephesiko lạgitʼ Pạul Apostolakʼ ciṭhi 2:8

Ente dayatepe bańcao akana biswạste. Ar ona do ape khonakʼ do baṅ, ona do Isorakʼ dan kana.

Kolossiko lạgitʼ Pạul Apostolakʼ ciṭhi 1:23

Onate Mạsi reaṅ bhage sombat khon oka sạri aspe ńamakatʼ ona khon alo pharakokʼte pạtiạure teṅgo ṭarhao akae tahenpe. Ona bhage sombat do goṭa dhạrtire lại jạhir akana ar ape do onape ańjom akada. Ar iń Pạul do noa bhage sombatren porcaricʼ iń hoyakana.

Kolossiko lạgitʼ Pạul Apostolakʼ ciṭhi 1:6

Noa bhage sombat do goṭa dhạrtire pasnao idikʼkante jokʼ kana ar dinke din baḍhao idikʼ kana. Ar oka hilokʼ noa bhage sombatpe ańjomketʼ ar Isorakʼ daya reakʼ katha sạri mentepe baḍaeketʼ enhilokʼ khon ṭhik onkage ona do ape talare hõ kạmikʼkana.

2 Thessalonikiko 2:16

Aboren Probhu Jisu Mạsi ar Isor Baba do apeakʼ ontorreye udgạupema ar sanam bhage kạmi ar kathareye kajak ocopema.

1Timothi 1:14

Aboren Probhu Isor do asambheṛe daya akawạdińa ar Jisu Mạsi tulucʼ iń kolom mitʼakante oka biswạs ar dulạṛ menakʼ onae dan akawạdińa.

1Timothi 2:4

Uni doe menjoṅkana sanamkoge jemon kại khon bańcaoko ńam ar Mạsi reaṅ khạndritetʼko baḍae daṛeakʼ.

2Timothi 1:10

Menkhan ńitokʼ aboren babańcaoicʼ Jisu Mạsi do noa dhạrtiteye hecʼente ona dayaye sodorakada. Mạsi do morone bhagao akada ar bhage sombat hotete bin maraokʼ jion reakʼ kathae sodorakada.

2Timothi 4:17

Menkhan Probhu Isor do iń sãoteye tahẽkana ar daṛeye dan ạdiń tahẽkana. Onate iń do purạte bhage sombatiń porcar daṛeakʼ tahẽkana ar sanam boṅgan hoṛ jạtrenkoko ańjomleda. Isor do dhạcri kulakʼ moca khone rukhiyạledińạ.

Ibriko 12:15

Ńelpe, okoe hõ jemon Isorakʼ daya khon aloko eṛanokʼ. Ar hewer haṛhatʼ dare reakʼ rehetʼ leka omon rakabokʼte okoe hõ jemon duk janam ocoyte ḍher hoṛ aloko bhonḍko.

Ibriko 2:9

menkhan abo do Jisu bon ńelńame kana. Uni do serma goḍetko khon thoṛa ghạṛicʼe huḍiń ocolena, jemon Isorakʼ dayate mimitʼ manwako lạgitʼ jiwiye em daṛeakʼ. Uni do duk sahaokateye gocʼlente man ar ṭhonok reakʼ raj mukuṭe dan akawadea.