Titus lạgitʼ Pạul Apostolakʼ ciṭhi 1:15 - সান্তালী বাইবেল

¹⁵ Okoeyakʼ ontor napaege onko ṭhen do jotowakʼge napaegea, menkhan okoeyakʼ ontor bạṛicʼ ar bepạtiạrge onko ṭhen cetʼge napaeakʼ do bạnukʼanaṅ, ente onkoakʼ mon ar bibek do mạilạgetakoa.

Santali Common Language New Testament

¹⁵ Okoeakʼ ontor napaege onko ṭhen do jotowakʼge napaegea, menkhan okoeakʼ ontor bạṛicʼ ar bepạtiạrge onko ṭhen cetʼge napaeakʼ do bạnukʼanaṅ, ente onkoakʼ mon ar bibek do mạilạgetakoa.

Titus lạgitʼ Pạul Apostolakʼ ciṭhi 1:15 Iomraidhean Croise

Kạhtukko 21:4

Bedhoromkoakʼ mẽtʼ do bạḍạite perecʼgea ar ontor do phulạugea; onkoakʼ diuhege kại kantakoa.

Kạhtukko 30:12

Arhõ nonkan hoṛ menakʼkoa okoe akoakʼ nońjorreko khạṭige, menkhan akoakʼ mạilạ khon bako saphakʼ kan,

Hagae 2:13

Unre Hagaeye metatʼkoa, “Gocʼ hoṛe joṭetʼ akade iạteye bhonḍ akan nonkan jãhãe hoṛ noako reakʼ mitʼṭecʼe joṭetʼ tiyog, enḍekhan ona jinis do cetʼ bhonḍakʼ hoyokʼa? ” Naekeko roṛ ruạṛkeda, “Hẽ, ona do bhonḍakʼge hoyokʼa.”

Mathae 15:18

Menkhan okaṭakʼ moca khon oḍok hijukʼkan ona do ontor khonge hijukʼ kana, ar onakotege hoṛ doe bhõnḍokʼkana.

Aposkạmi 10:15

Unre arhõe ańjomkeda, “Isor okakoe sapha akatʼ ona do be sonotakʼ alom metakʼa.”

Romiko lạgitʼ Pạul Apostolakʼ ciṭhi 14:14

Probhu Jisu tulucʼ bon kolom mitʼ akante iń do bes okocʼteń baḍaea je, okaṭakʼ jomakʼ hõ besaphawakʼ do baṅkana, menkhan jãhãe jãhãn jomakʼ besaphagea menteye hudisetʼ khan enḍekhan uni lạgitʼ ona jomakʼ do besaphagea.

Romiko lạgitʼ Pạul Apostolakʼ ciṭhi 14:20

Jãhãn jomakʼ khạtirte Isorakʼ kạmiko do alope nosṭoea. Joto jomakʼge sonotgea, menkhan jãhãe jãhãnakʼ jomte eṭagicʼakʼ monre tạkicʼakʼe janam ocoyetʼ khan uni lạgitʼ ona jom do baṅ ṭhika.

Romiko lạgitʼ Pạul Apostolakʼ ciṭhi 14:23

Menkhan jãhãe digdhạkate jãhãnakʼe jom khan enḍekhan uni do dusiye hoyokʼa, ente uni do acʼakʼ biswạs leka bae kạmiyeda. Ente biswạs upạrte jãhãnakʼ kạmige kại kana.

1 Korinthiko 10:23

Adomkoko mena, “Jotowakʼge ganokʼgea.” Menkhan jotowakʼ do baṅ porhowana. Jotowakʼge ganokʼa; menkhan jotowakʼ do baṅ bekʼnao rakapʼa.

1 Korinthiko 10:25

Bajarre ạkhrińokʼ kan jãhãnakʼge jompe; apeakʼ bibek khạtirte cetʼ hõ begor kulite;

1 Korinthiko 10:31

Onate ape do jãhãnakʼgepe jom-ńũi ar jãhãnakʼgepe cekae, jotowakʼge Isorakʼ ṭhonokʼ lạgitʼ kạmipe.

1 Korinthiko 8:7

Menkhan noa akel do jotokoakʼ do bạnukʼa. Boṅga sewa reakʼ hewa tahẽkante adomko do ńitokʼ hõ boṅga ṭhen samaṅakʼ jomakʼko jomeda. Onate onkoakʼ bibek hõ nijorgete bhonḍokʼ kantakoa.

1Timothi 6:5

ar mon baṅgla bhat akantako hoṛko talare mitʼ talao gulmal. Ar noko hoṛkore Isorakʼ sạritetʼ do bạnukʼa; Mạsiyakʼ dhorom pạtiạu onko do dhạrti secʼte mitʼṭecʼ lab reakʼ upại menteko bujhạueda.

Ibriko 10:22

Onate pạtiạu talate oka khạṭitetʼ hijukʼkan, ona sạbit utạrakʼ khạṭi ontorte Isor samaṅre bon calakʼma; ente dusi bibek reakʼ ti khon aboakʼ ontor do mãyãm chiṭiạukate sapha ocoakana ar phạriạ dakʼte hoṛmo do um sapha akan tabona.

Ibriko 12:15

Ńelpe, okoe hõ jemon Isorakʼ daya khon aloko eṛanokʼ. Ar hewer haṛhatʼ dare reakʼ rehetʼ leka omon rakabokʼte okoe hõ jemon duk janam ocoyte ḍher hoṛ aloko bhonḍko.

Ibriko 9:14

Menkhan okoe do jaejug sonot Jiu hotete Isor ṭhen acʼtetʼge niphuṭ dãṛẽ lekateye emen uni Jisuakʼ mãyãm do aboakʼ bibekre bin joanakʼ kạmi khon arhõ bạ̃ṛtiye sapha bona, jemon jiwetʼ Isor bon sewa daṛeae.