Titus lạgitʼ Pạul Apostolakʼ ciṭhi 1:11 - সান্তালী বাইবেল

¹¹ Noko hoṛkoakʼ moca do tubetʼkatako jạruṛa, ente labjoṅ lạgitʼ baṅ ganokʼakʼko cetʼako kana; ar nonkate onko do gharońjkoko ạulạueda.

Santali Common Language New Testament

¹¹ Noko hoṛkoakʼ moca do tubetʼkatako jạruṛa, ente lab joṅ lạgitʼ baṅ ganokʼakʼko cetʼako kana; ar nonkate onko do gharońjkoko ạulạueda.

Titus lạgitʼ Pạul Apostolakʼ ciṭhi 1:11 Iomraidhean Croise

Sereńko 107:42

Isor botoraekan hoṛ do ona ńelteko rạskạyena, menkhan behoketʼko do mocae tubetʼketʼtakoa.

Sereńko 63:11

Raj do mekhan Isor iạtegeye rạskạkʼa; ar okoe Isorakʼ ńutumteko kiriạkʼkan onko do jotoge uni iạteko sarhaokʼa; menkhan phạsiạrakoakʼ moca do bond ocokʼtakoa.

Jirimiạ 8:10

Ona iạte akoren bạhuko do eṭakʼ hoṛko ar onkoakʼ khet baṛge do nãwã mạlik koń emakoa. Huḍiń utạricʼ khon maran utạricʼ hạbicʼ jotoge lab lạgitʼko lalocakʼ kana; nạbiko ar naekeko jotoge eṛeyakʼko kạmikana.

Jeheskel 13:19

Mitʼ bar cuputʼ jao ar mitʼ bar goṭecʼ piṭhạ lạgitʼ ape do ińren hoṛko samaṅre ińpe besonot akadińạ. Ińren hoṛko, okoe do eṛe kathako ańjometʼ, onko ṭhen eṛe katha roṛkate okoe do gujukʼ lekko baṅkan onkope gocʼ ocoakatʼkoa ar okoe jiwetʼ tahen lekko baṅkan onko do jiwetʼpe doho akatʼkoa.

Jeheskel 16:63

Iń do tinre amakʼ sanam behokakʼ iń ikại tama unre am do onako behok reakʼ katha disạitem lajaokʼa ar amakʼ bemanot iạte tishõ moca do bam jhijtama. Iń Probhu Isorge noa katha doń meneda.”

Mikạ 3:11

Onḍenko mukhiyạ do ghus jomkateko bicạra, ar naekeko do ṭakate cecetʼakʼko emokʼa ar nạbiko hõ ṭaka hataokateko nạbiya. Ar Probhu Isorakʼ gokʼṛo reakʼ as dohokateko mena, “Probhu Isor do cetʼ abo talare bạnuiya? Abo cetanre jãhãn muhin do baṅ hijukʼa.”

Mikạ 3:5

Okoe nạbiko ińren hoṛko bạṛicʼ horteko idi akatʼko ar onko jãhãeye jom ocoakatʼko enḍekhan onko do “Suluk ” menteko roṛ sodora; menkhan bako jom ocoko enḍekhan onko do uni upạrte lạṛhại lạgitʼko sapṛaokʼa. Ona iạte Probhu Isor do onko nạbikoe metakokana,

Mathae 23:13

“Hae, ape sostor baḍaeko, Phạrusiko ar phạsiạrako do! Ente ape do hoṛko samaṅre serma raj reakʼ duạrpe siń esetʼkakʼ kana. Onare ape hõ bape bolokʼkana ar okoe bolokʼ lạgitʼko kurumuṭukan onko hõ bape bolo ocoakokana.

Luk 20:40

Onko do jãhãnakʼge Jisu kuliye ar bako dilleda.

Johan 10:12

Eken din ṭalao lạgitʼ okoe gupi kạmiye kạmikan uni do gupiyicʼe baṅkana ar bhiḍiko hõ acʼren doko baṅkana. Uni do hunḍạr hijukʼe ńellere bhiḍikoe ńir bạgiyakoa, ente uni do eken din ṭalaotae lạgitʼ noae kạmikana ar bhiḍiko lạgitʼ hõ jãhãnakʼ bae dạndikʼa. Ar hunḍạr do onkoe ạtkirkoa ar bhiḍiko doko chirchạturokʼa.

Romiko lạgitʼ Pạul Apostolakʼ ciṭhi 3:19

Baḍaegea bon Moseyakʼ ạn do onko lạgitʼge one okoe do ona ạn gobolre menakʼko. Onate Jihudi ar boṅgan hoṛ jạtrenko okoe hõ jãhãnakʼ mementeakʼ do bạnukʼtakoa, sanam manwage Isor samaṅreko dusigea.

2 Korinthiko 11:10

Ińre Mạsiyakʼ oka sạriyakʼtetʼ menakʼ ona lekateń menkea, Akhaea disạm reakʼ oka jaegare hõ ińakʼ noa sarhao do okoe hõ bako bond daṛeakʼa.

1Timothi 5:13

Ona chaḍa onko do oṛakʼ oṛakʼko ajare baṛaete kuṛhnikʼko ceda. Eken kuṛhnikʼko ceda ona do baṅ, menkhan nilạjiạ kathako roṛa ar eṭakʼkoakʼko oktawa ar baṅ ganokʼakʼ katha hõko roṛa.

1Timothi 5:4

Menkhan jãhãe rạnḍi maejiuren gidrạ se goṛom gidrạko tahen khan onko gidrạko se goṛom gidrạkoge pạhilte jemon apan apin gharońjre Isor bhoktiko udugma. Nonkate onko do eṅgat-apat se baba haṛamkoakʼ dulạṛ reakʼ rinko hala ruạṛ daṛeakʼa, ar noate Isor doe kusikʼa.

1Timothi 6:5

ar mon baṅgla bhat akantako hoṛko talare mitʼ talao gulmal. Ar noko hoṛkore Isorakʼ sạritetʼ do bạnukʼa; Mạsiyakʼ dhorom pạtiạu onko do dhạrti secʼte mitʼṭecʼ lab reakʼ upại menteko bujhạueda.

2Timothi 2:18

Nukin do Isorakʼ sạriyakʼ khonkin pharak akana. Unkin dokin meneda, biswạsiko do gocʼko khon laharegeko beretʼakana. Nukin do adomkoakʼ biswạskin nosṭoyetʼtakoa.

2Timothi 3:6

Nonkan hoṛko modre adomko do oṛakʼ oṛakʼ bolokate lilhi ạimạiko hatetʼkoa, one okoe do kại ghạṭiteko ten akan; onko do nana parkan bạṛicʼ sanateko ạyur ocokʼkana.

Titus lạgitʼ Pạul Apostolakʼ ciṭhi 1:7

Isor ṭhen khon dạyike ńamakatʼ manḍer ạyuricʼ lekate nonka hoyokʼ jạruṛtaea jemon uni do okoe hõ aloko neṅghaoe. Uni do ḍhiṭanicʼ do alo, edre godokʼicʼ hõ alo, ńũ bulokʼicʼ hõ alo, dalalicʼ hõ alo, lalocikʼ hõ aloe hoyokʼma.

Titus lạgitʼ Pạul Apostolakʼ ciṭhi 1:9

Isorakʼ pạtiạr katha, okaṭakʼ iń cetʼ akawade, ona do kajakte sapʼ dohoy jạruṛaea, jemon sạriyakʼ sikhnạt reaṅe porcar daṛeakʼ ar okoe ona upạrteko teṅgokʼ onko jemon bhulkoe udukʼ daṛeako.

Titus lạgitʼ Pạul Apostolakʼ ciṭhi 3:10

Okoe hoṛ bhul cecetʼatʼte dola duliye hoeocoyetʼ uni do pạhilre mitʼ dhao, ar tayomte arhõ dosar dhao sontorkaeme. Ar noate kạmi baṅ hoylen khan uni tulucʼ do gate hõ alom gatekʼa.