Sosolhayic̕ 1:13 - সান্তালী বাইবেল

¹³ Serma latarre okako cekae hoyokʼ ona do ạkil hotete biḍạu ar ḍunḍhạu lạgitʼ iń mone murukleda. Ariń ńelkeda, Isor do manwako cetanre tinạkʼ duke lade akatʼkoa!

Sosolhayic̕ 1:13 Iomraidhean Croise

Genesis 3:19

Ar okaṭakʼ hasatem benao ocoakan ona hasate ạurim ruạṛ calakʼ hạbicʼ bohokʼ reakʼ balbal dakʼ do jaṅgare ńurokʼtama arem joma. Amakʼ noa dhuṛi reakʼ hoṛmo do dhuṛitege ruạṛ calakʼtama.”

Jobakʼ 28:3

Dhạrti reakʼ khạndri kaṛaṅ ńutre oka menakʼ manwa do ona sạńgińkate daman dhiri reakʼko ḍunḍhạukana.

Sereńko 111:2

Probhu Isorakʼ sanam kạmiko do bhagegea; okoe onateko rạskạkʼkan onko do onako reaṅgeko ganḍonokʼ kana.

Kạhtukko 18:1

Okoe hoṛ apnarte somaj khon begare tahenkan uni do acʼakʼ sana purạutae lạgitʼe kurumuṭuiya, ar mitʼke mitʼ sạri ạkil tulucʼe jhogṛakʼa.

Kạhtukko 18:15

Okoeyakʼ monre buj menakʼ uni do ạkile hameṭ joṅa, ar ạkilankoakʼ lutur do ạkile ńam baṛaea.

Kạhtukko 23:26

E bạbu, ińakʼ cecetʼakʼ baṛe moneyakʼme; jemon ińakʼ jion ńeltem rạskạkʼ.

Kạhtukko 25:2

Isor do jãhãnakʼ kathae oko dohoy khan ona do uniyakʼ man kana: ar rapajko jãhãnakʼ reaṅge ḍunḍhạukateko sodorle khan ona do onko lạgitʼ man kana.

Kạhtukko 4:7

Ạkilge asolakʼ do ạkil hatao joṅme; ar amakʼ menakʼakʼkote buj kiriń joṅme.

Sosolhayic̕ 1:17

Ona tayom iń do bud, ạkil ar bebuj reaṅ bujhạu lạgitʼ iń kurumuṭukan tahẽkana. Ar onateń bujhạukeda, hoe tayomte ńir calakʼkan chaḍa ar cetʼge baṅkana;

Sosolhayic̕ 11:5

Eṅgatakʼ kukhire menae gidrạre jiuakʼ bolokʼ cetʼleka bam baḍaekan, onkage sanamakʼren sisirjạuicʼ Isorakʼ kạmi hõ bam bujhạu daṛeakʼa.

Sosolhayic̕ 12:12

E beṭa, men cehaokʼme, puthiko olokʼ reakʼ ses do bạnukʼa ar ḍher paṛhaokʼte do hoṛmo laṅgakʼa.

Sosolhayic̕ 2:23

Dinạm hilokʼ uniyakʼ kạmire duk ar bhabna do tahẽnkangea; ar ńindạ hõ uniyakʼ mon do baṅ jirạukʼkana. Noa hõ ạuṛiyakʼ kana.

Sosolhayic̕ 2:26

Okoe Isore kusi ocoye uni do bud, ạkil ar rạskại danaea, menkhan kại hoṛ do dhon-durib jogaṛ lạgitʼ ar ona jogao reakʼ kạmiye emaea, jemon ona do uni hoṛe emawae one okoe do Isore kusi ocoyedekan. Noa hõ ạuṛiyakʼgea, hoe tayomte ńir calakʼkan chaḍa ar cetʼge baṅkana.

Sosolhayic̕ 3:10

Isor do manwa cetanre oka bojhae lade akatʼ ona doń ńelakada.

Sosolhayic̕ 3:11

Uni do sanamakʼ reakʼ okteye ṭhik dohoakada. Uni do manwa ontorre jaejug reaṅ bujhạu reakʼ mone emakawadea, menkhan manwa do pạhil khon mucạtʼ hạbicʼ cetʼe cekaea ona bae bujhạu daṛeakʼa.

Sosolhayic̕ 4:4

Ińiń ńelkeda, ạḍepaseren hoṛ cetanre hiskạ iạte manwa do joto lekanakʼe khaṭaokʼ kana ar joe ńameda. Ar niạ hõ ạuṛiyakʼ kana, eken hoe tayomte ńir calakʼ chaḍa ar cetʼge baṅkana.

Sosolhayic̕ 4:8

Mitʼṭen hoṛ doe eskargea-uniren do gidrạ hõ bạnukʼkotaea; ar boeha hõ bạnukʼkotaea; enhõ uniyakʼ khaṭaokʼ reakʼ ses do bạnukʼtaea ar dhon duribte hõ mẽtʼ do baṅ tirpitokʼ kantaea. Uni doe kuliyana, “Okoe lạgitʼ iń khaṭaokʼ kana? Ar hesecʼ sekrecʼjokʼ khon do cedakʼ iń pharak akana?” Niạ do ạuṛiyakʼgea, ar haron bạḍkana.

Sosolhayic̕ 7:25

Ona iạte iń do mon iń murukkeda jemon ạkil ar jotowakʼ tayomre oka goṭawakʼ menakʼ onań baḍae daṛeakʼ ar biḍạu ar khoj hataokateń ńel daṛeakʼ, ariń bujhạu daṛeakʼ, bạṛicʼakʼ do bebujtetʼ kana mente ar bebujtetʼ do khepawakʼge.

Sosolhayic̕ 8:9

Siń cando latarre jãhãnakʼge hoyokʼ ona ạribạndhi kateń ńelkeda, mitʼṭen hoṛ do eṭakʼko cetanre ektiạriye calaoeda ar onate onkoe duk ocoyetʼkoa.

1Timothi 4:15

Noako kạmi idire mone lagaome; ar onakorege tahẽakan tahenme. Jemon sanamkoko ńelme, am dom laha idikʼkana mente.