Sereńko 99:8 - সান্তালী বাইবেল

⁸ E Isor aleren Probhu Isor, am do onkoakʼem ańjometʼ tahẽkana; am do onkoren ikạyicʼ Isorem tahẽkana, menkhan onkoakʼ bedhoromre dom sạjạiletʼkoa.

Sereńko 99:8 Iomraidhean Croise

2 Samuel 12:14

Menkhan noam kạmi akatʼte am do Probhu Isorren bạiriko nindạu reakʼ ạtem ematʼkoa. Ona iạte amren okoeṭakʼ gidrại janam akan uni do khạṭigeye gujukʼa.”

Sereńko 78:38

Enhõ uni do mãyãteye perecʼgete onkoakʼ bedhoromakʼkoe ikạketʼtakoa, onko do bae marao giḍiletʼkoa; acʼakʼ edre do ghane ghạṛicʼe dobnaoketʼtaea, uniyakʼ edre do baṅ sarsao rakapʼlena.

Sereńko 89:33

Menkhan ińakʼ asambheṛ dulạṛ do uni cetan khon bạń ocoga; ar ińakʼ pạtiạrtetʼ do bạń ạuṛiyakʼ ocoya.

Exodus 32:2

Aron do roṛ ruạṛatʼkoteye metatʼkoa, “Aperen bạhuko ar aperen hoponko ar hoponerakoakʼ lutur reakʼ sona pagrako totʼkate iń ṭhen ạguipe.”

Exodus 34:7

Uniyakʼ asambheṛ daya do hajar piṛhi hạbicʼ tahenkana. Uni do behokakʼ, hul ar kạikoe ikạyetʼ kana, menkhan dusiyicʼ doe sạjạiyedea. Uni do apatakʼ ghạṭko onkoren hoponko ṭhen pe pon piṛhi hạbicʼe pańja halayetʼ kana.”

Sosolhayic̕ 7:29

Eken niạgeń baḍae daṛeada, Isor do manwa khạṭigeye benaoledea, menkhan manwa do aema lekan ghạṭ secʼko calaoena.”

Jirimiạ 46:28

E ińren guti Jakob, alom botorokʼa, ente iń do am sãorege minạńa. Okoe jạtrenko talareń laga ńirletʼme onko jạtrenkoń marao utạrlekore hõ am do purạte bạń maraomea. Ar begor sạjạite hõ bạń aṛakʼmea, menkhan hok reakʼ bicạrtegeń ḍanṭaomea.”

Sephaniạ 3:7

Iń ar do Jerusalemiń metatʼa, ‘ńitokʼ do khạṭigem botorạńạ ar ińakʼ ḍanṭaoem bataotińạ.’ Enḍekhan uniyakʼ tahen ṭhạ̃i do baṅ nosṭo ocokʼtaea, ińakʼ sanam sạjại hõ uni cetanre baṅ hijukʼa. Menkhan uniren hoṛko do gagoj salakʼ kharapakʼ kạmiko kạmiyeda.

Numeri 20:12

Menkhan Probhu Isor do Mose ar Arone galmaroatʼkinạ, “Aben do iń cetanre baben bhorsalena ar Israelko samaṅre sonot mente baben manaoledińa. Onate Israelko okaṭakʼ disạmiń emako ona disạmte onko do baben idi daṛeakoa.”

Numeri 20:24

“Aron do acʼren hapṛamko ṭhen calakʼ hoyokʼtaea. Okaṭakʼ disạm Israel hoponkoń emako onḍe uni do bae bolo daṛeakʼa ente aben do Meribare dakʼ iạte ińakʼ hukum birudben kạmileda.

Romiko lạgitʼ Pạul Apostolakʼ ciṭhi 1:21

Manwa do uni reakʼakʼko baḍaekatere hõ Isor mente bako mạhimawadea, ar bako gunmanao joharadea. Onkoakʼ hudisjoṅakʼko do ạuṛiyakʼena ar onkoakʼ bebuj ontor do ńutte perecʼ akana.

Dosar Biboron 3:26

“Menkhan ape iạte Probhu Isor do iń cetanreye edreyente ińakʼ kathako do bae ańjomletʼtińạ. Uni doe metadińạ, ‘ḍher hoyakana. Niạ babotre iń do ar alom mitạńa.