Sereńko 96:1 - সান্তালী বাইবেল

¹ Ape do Probhu Isor ńutumte nãwã sarhao sereńpe; dhạrtiren sanam hoṛko, ape do Probhu Isor ńutumte sereńpe.

Sereńko 96:1 Iomraidhean Croise

Sereńko 149:1

Probhu Isor sarhaoepe. Ar Probhu Isor ńutumte nãwã sereń sereńpe, Isor okoeko botorae kan onkoakʼ sabhare uniyakʼ sarhao sereńpe.

Sereńko 98:1

Probhu Isor ńutumte nãwãnakʼ sereńpe, ente uni do aema hahaṛawakʼkoe kạmi akada; uniyakʼ daṛe, hẽ, uniyakʼ sonot maraṅ daṛete uni doe bańcao akada.

Sereńko 33:3

Uni lạgitʼ nãwãnakʼ sereńko sereńpe, ar sereń banamte andoṛaepe.

Johan sodor 14:3

Ona siṅghạson ar onko ponea jiwiyanko ar onko mukhiyạko samaṅre onko do mitʼṭecʼ nãwã sereńko sereńkeda. Menkhan okoe hõ ona sereń do bako cetʼdaṛeada; eken onko mitʼ sae pongel pon hajar hoṛko cetʼdaṛeada okoe do dhạrtiren hoṛko khonko kiriń ocolen.

Johan sodor 5:9

Onko do noa nãwã sereńko sereńetʼ tahẽkana: “Amge ona puthi hataokate mohor chapko raṛae reakʼ lek kanam, ente am dom gocʼ ocolena. Amge amakʼ mãyãmte mimitʼ bõsko, pạrsirenko, disạmrenko ar jạt jạtrenko mod khon Isor lạgitʼ hoṛkom kiriń akatʼkoa.

Romiko lạgitʼ Pạul Apostolakʼ ciṭhi 15:11

Arhõ olakana, Probhu Isorge sarhaoepe, E sanam boṅgan hoṛ jạtrenko; ar jạt jạtrenko do uniko ńumema.

Sereńko 68:32

E dhạrtiren rajko, Isor sarhao sereńaepe, ar Probhuge sarhao sereńaepe. (Sela)

Sereńko 66:4

Dhạrtiren sanam manwa do lek leka manotko emama; ar onko do am ńutumteko sarhao sereńa; onko do amko sarhaomea.” (Sela)