Sereńko 92:9 - সান্তালী বাইবেল

⁹ E Probhu Isor, amren bạiriko doko maraokʼa, hẽ, onko doko caba utạrokʼa; ar dusṭạmiko do jotogeko chirchạturokʼa.

Sereńko 92:9 Iomraidhean Croise

Sereńko 1:4

Menkhan bedhoromko do bako onkana; onko do hoete oṭaṅ calakʼkan bhusạ lekanako.

Sereńko 102:13

Am do Sion baṛe mãyãwakʼme ente uni dayawae reakʼ okte hoyakana, ar niṭ akatʼ somoe hõ seṭerakana.

Sereńko 102:25

Sedae jugre am do dhạrti reakʼ rehetʼem bạisạu akada; ar serma hõ amakʼ titegem benao akada.

Sereńko 37:20

Menkhan bạṛicʼ hoṛ doko maraokʼa; Probhu Isorren bạiriko do ṭạnḍi reakʼ saj leka, ar dhũạ lekako chanokʼa.

Sereńko 59:11

E Probhu Isor, aleren ḍhal, ińren bạiriko alom gocʼ giḍikoa, ar baṅkhan ińren hoṛ do noako bako disạ dohoya. Am do bickom amakʼ daṛetem nonkakoa jemon hanḍe nanḍeko ạcur baṛae; ar amge baṛe onko do bhagaokom.

Sereńko 68:30

Onko ar onkoakʼ ạguakʼ rupạ reakʼ ṭakako baṛe lebetʼ gańjaome ar pạṭiol gaṛren bir janwar ar Misor do dhomkao emaeme; dhomkao kom bạchur ar phẽṭaṛko leka onko jạtrenkoge. Ar okoe jạtrenko do lạṛhạiko kusiyakʼkan Isor do onkoe chirchạtur cabakoa.

Sereńko 73:27

Okoe am ṭhen khon pharakteko sen akan, onko doko ses utạrokʼa; ar okoe amre bako pạtiạu akan onko dom marao giḍikoa.

Sereńko 89:10

Rahab do gocʼicʼ leka amgem chaka chun akadea; am daṛeanakʼ tite amren bạirikom chirchạtur akatʼkoa.

Sereńko 97:9

E Probhu Isor, am do goṭa dhạrtiren maraṅ Isor kanam; sanam debotako cetanre am do menama.

Jesaea 17:13

Disạm disạmrenko do aema dakʼ lekako hud hudạukʼkanre hõ, enhõ uniye dhomkao lekore onko do sạṅgińteko ńirjoṅa. Onko do oṭaṅokʼkan bhusạ leka, ar hoete gurlạu baṛaekan dhuṛi lekae oṭaṅ cabakoa.

Jeheskel 5:12

Amren pe hạṭiń reakʼ mitʼ hạṭiń hoṛ do am talare mahamạrite ar baṅkhan akalteko gujukʼa ar pe hạṭiń reakʼ mitʼ hạṭiń do pạcri bhit bahrere lạṛhạiteko gujukʼa ar pe hạtiń reakʼ mitʼ hạṭiń do beṛhaeteń chirchạturkoa ar tarwaṛe do onkoe khudạu baṛakoa.

Levitikus 26:33

Ar eṭakʼ jạtrenko talareń chirchạturpea ar tarwaṛeteń khudạu baṛapea. Apeakʼ disạm reakʼ sanam jumiko, atoko ar nagrahako do jarkharokʼtapea.

Numeri 10:35

Goha sinduk tinre mohnḍakʼkan tahẽkana unre Moseye menetʼ tahẽkana, “E Probhu Isor de beretʼme. Amren bạiri doko chirchạtur cabakʼma ar okoe amko kurudamkan onko do am samaṅ khonko ńir pharakokʼ ma.”

Mathae 7:23

Unre pusṭạuteń lạiyakoa, ‘ape do tis hõ bạń baḍaeletʼpea. E bedhorom kạmiko, men iń khon sahaṛokʼpe.’

Luk 19:27

Ińren bạiriko one okoe ińakʼ raj reakʼ bako khojkan, onko do nonḍe ạgukope ar iń samaṅre gocʼ giḍikakope.’ ”

Luk 21:24

Onko do tarwaṛeteko gocʼ ocokʼa ar sanam jạtrenko talare bondi akan leka chirchạturko tahena. Ar por jạtrenkoakʼ okte ạuri purạukʼ hạbicʼ Jerusalem do onkoakʼ jaṅgate lebetʼ gańjaokʼa.

Dosar Biboron 28:64

“Ona tayom Probhu Isor do dhạrti reakʼ mitʼ simạna khon eṭakʼ simạna hạbicʼ sanam jạtrenko talareye chirchạturpea. Onḍe do ape ar aperen hapṛamkoren kaṭ ar dhiriren bin oprom murhutʼkope sewawakoa.

Bikʼcạrko 5:31

E Probhu Isor, amren bạiriko nonkageko marao cabakʼma; menkhan okoe amko dulạṛme Onko do siń cando leka daṛeanko hoyokʼma. Inạ tayom disạmre pongel bochor hạbicʼ suluk tahẽkana.