Sereńko 92:6 - সান্তালী বাইবেল

⁶ Orlo hoṛ do ona bae baḍae daṛeakʼa; ar bebuj hoṛ hõ ona do bae bujhạu daṛeakʼa.

Sereńko 92:6 Iomraidhean Croise

Sereńko 104:24

E Probhu Isor, am do ạḍi utạrakʼkom sirjạu akada; ar amakʼ akelte onako dom benao akada; amakʼ sirjạuakʼ jiniskotege dhạrti do perecʼ akana.

Sereńko 139:14

Iń doń gun manao joharam kana, ente iń do hahaṛa lekateń benao akana; hahaṛagea amakʼ kạmiko do, ar ona do bhagetegeń baḍaea.

Sereńko 14:1

Bebuj hoṛ doko mena Isor do bạnugicʼan. Onkoakʼ sobhab do bạṛicʼgea ar kạmiko hõ hirkhạgetakoa. Bhageye kạmikan hoṛ do okoe hõ bạnukʼkoa.

Sereńko 32:9

Sadom se gadha leka do alope hoyokʼa one onko do bujhạu reakʼ daṛege bạnukʼtako; onko do mocare jhinkatege kạbuko hoyokʼa, ar baṅkhan ape ṭhen do bako sorokʼa.

Sereńko 49:10

Ạkilan hoṛ hõko gujukʼ ona do sanam hoṛgeko baḍaea; okoeyakʼ bibek bạnukʼtako ar okoeyakʼ ontor goṛdhogetako onko do nonkageko maraokʼa; ar akoakʼ dhon do eṭakʼko lạgitʼko doho oṭokakʼa.

Sereńko 73:22

unre iń do lelha ar bebujgeń hoylena ar am ṭhen do janwar barag geń tahẽkana.

Sereńko 75:4

Iń do phulạukʼkan koń metakoa, ‘alope gorbokʼa,’ ar bạṛicʼko doń metakoa, ‘dereń do alope rakabtapea.

Sereńko 94:8

Orlo hoṛko, ape do luturakʼpe; E bebujko, ape do tispe ạkilokʼa?

Kạhtukko 1:22

“E lelha hoṛko, ape do ar tinạkʼ din apeakʼ lelhatetʼpe dulạṛa? landa dhudhutʼko do ar tinạkʼ din onare rạskạko ńama? Ar bebujko hõ ar tinạkʼ din ạkilko kurudakʼa?

Kạhtukko 24:7

Ạkil do khaṭo budan hoṛko khon pharakre tahena; nagraha reakʼ phaṭok duạr ṭhen mocage bae jhija.

Kạhtukko 30:2

Sạrige iń doń manwa kanrehõ ińakʼ bud do janwar leka; manwawakʼ oka bud menakʼ ińakʼ do ona hõ bạnukʼa.

Jesaea 1:3

Ḍaṅgra do acʼren kisạ̃ṛe oromedea, gadha hõ acʼren mạlikakʼ nandware oromeda, menkhan Israel do acʼren mạlik bae baḍaeyede kana, ar ińren hoṛ hõ iń do bako bujhạu edeńkana.”

Jesaea 28:29

Niạko ạkil do phạdkoren Probhu ṭhen khonge hijukʼa. Uniyakʼ sopolha do hahaṛagea ar uniyakʼ ạkil do sorosgea.

Jesaea 55:9

Sermako cetʼleka dhạrti khon ḍher coṭge, onkage ińakʼ horko hõ apeakʼ horko khon ḍher sạṅgińgea, ińakʼ hudisakʼko hõ apeakʼ hudisakʼko khon ḍher coṭgea.

Jirimiạ 10:14

Sanam manwage bin ạkilan ar bebuj kanako; mimitʼ sonhar do akoren benao boṅga muṭhạn iạteko lajao ocokʼa. Uniren dul boṅga muṭhạnko doko ạuṛiyakʼgea, onkore do sahẽtʼge bạnukʼa.

Jirimiạ 32:19

amakʼ hudisko do sorosgea ar amakʼ sanam kạmiko do daṛete perecʼgea. Manwakoakʼ sanam cạl colon secʼ amakʼ mẽtʼkin do beṅgetʼ akaege menakʼa; am do mimitʼko akoakʼ cạl colon ar kạmi reakʼ kuṛạiyem emakokana.

Luk 12:20

Menkhan Isor do uniye metadea, ‘E bebuj, teheń ńindạge am dom gujukʼa. Enḍekhan onem doho jarwa akatʼ dhon do okoeyakʼ hoyokʼa?’ ”

1 Korinthiko 2:14

Okoe Jiurene baṅkan, uni do Isorren Jiu ṭhen khon oka hijukʼ ona bae aṅgoca; ente uni ṭhen ona do lelhateakʼ kana. Uni do onako bae baḍae daṛeakʼa, ente sonot Jiu bae cetʼae khan onako do ohoe tojbij daṛelea.