Sereńko 9:6 - সান্তালী বাইবেল

⁶ Ar bạiriko do jaejug lạgitʼko jarkharena; onkoakʼ nagrahako dom dhaṅdhaser akada; ar onkoakʼ ńutum sudhạ marao cabayentakoa.

Sereńko 9:6 Iomraidhean Croise

2 Rapajko 19:25

Am do cetʼ bam ańjomakada, ḍher din laha khonge ona doń niṭakatʼ tahẽkana mente, ar ḍher din laharege ona reakʼ iń goṭa dohoakada? Ńitokʼ do onań hoyocokeda. Ar onatege pạcrite esetʼ nagrahako do dhiri puńjirem hoyocoakada.

Jobakʼ 18:17

Dhạrti khon uniyakʼ dikʼsạko do meṭaokʼtaea; kulhikore uniyakʼ ńutum do baṅ roṛogokʼa.

Sereńko 34:16

Okoe bạṛicʼakʼko kạmikan Probhu Isor do onko upạrteye teṅgona, jemon dhạrti khon onkoakʼ ńutum cabakʼtako.

Sereńko 34:17

Okoe dhorom reakʼko kạmikan Probhu Isor do onkoakʼ rakʼe ańjometʼtakoa; ar joto lekan kosṭo khon uni doe rukhiyạyetʼkoa.

Sereńko 46:9

Uni do dhạrti reakʼ joto lạṛhạiye thir ocoyeda, uni do akʼe rạputʼ kaca kucạyeda, ar borlom doe kaṭra kuṭrạyeda, ar rãt gạḍi do seṅgelreye atar giḍiyeda.

Sereńko 7:5

Enḍekhan bạiriko do ińko laga sabeńma; onko do otreko tawagińma arko lebetʼ gańjaoiń ma. Ar ińakʼ manot do dhuṛireko mesao giḍikakʼma. (Sela)

Sereńko 8:2

Bale gidrạko ar toa nunuko reakʼ moca khon am do daṛe reakʼ gaṛem hoyocoakada; amren bạiriko lạgitʼge noa dom onka akada, jemon amren bạiriko ar hala hạkʼlikan kom kiṛdhum daṛeako.

Exodus 14:13

Mose do onkoe metatʼkoa, “Alope botorokʼa. Okare menakʼpe onḍege tahenpe ar Probhuakʼ bańcao reakʼ kạmi ńelpe. Uni do teheńge ape lạgitʼe onkaea. Okoe misrikope ńeletʼko onko do ar tisge bape ńelkoa.

Jesaea 14:17

Nuige cetʼ, prithimi doe hahaṅkar barag ocoletʼa, ar nagrahakoe dhaṅdhaseletʼ tahẽkana, ar bondiko oṛakʼte bae ruạṛ ocoako kan tahẽkana?’

Jesaea 26:14

Gocʼ akanko do ar bako jiwedokʼa; onkoren jiu do ar bako beretʼa. Onko do sạjạikatem meṭao giḍi akatʼako; onkoakʼ disạ hõm marao akatʼtakoa.

Jesaea 37:26

Am do cetʼ bam ańjomakada, ḍher din laha khonge ona doń niṭakatʼ tahẽkana, ar ḍher din laharege ona reakʼ iń goṭa akatʼ tahẽkana mente? Ńitokʼ do onań hoyocokeda. Onatege pạcrite esetʼ nagrahako do dhiri puńjirem hoyocoakada.

Jirimiạ 51:25

Probhu Isore meneda, “E jarkharicʼ buru, am do goṭa dhạrtiren makʼraoicʼ kanam; iń do am upạrte minạńa. Iń do am upạrte ińakʼ tiyiń tiạra ar cạṭạni khoniń kunḍlạń ńurhạmea ar am do mitʼṭecʼ lo ceḍe buru lekań hoyocomea.

Mikạ 7:10

Unre aleren bạiri do ona ńelteko lajaokʼa. Onko do aleko metale kan tahẽkana, “Aperen Probhu Isor do okare menaetapea?” Menkhan aleakʼ mẽtʼ do onkoakʼ ńurokʼe ńela; hẽ, hor reakʼ losotʼ lekage onko doko lebetʼ khadbadao ocokʼa.

Mikạ 7:8

E aleren bạiriko, aleakʼ gurokʼ ńelte alope rạskạkʼa. Alele ńurlenre hõ ale do arhõle beretʼ daṛeakʼgea. Ńutrele duṛupʼ tahẽlenre hõ Probhu Isor do aleren marsale hoyokʼa.

1 Korinthiko 15:26

Ar sesicʼ bạiri moron, uni hõe marao ocokʼa.

Johan sodor 20:2

Uni do uni biń, metakʼme okoe do mare biń Diabol Soetanko metaekan uni sapʼkate mitʼ hajar bochor hạbicʼe tolkedea ar ona athan kunḍreye khadlekadea.

1 Samuel 30:1

Dạud do acʼren hoṛkoante tesar hilokʼ Siklagteye seṭerena. Menkhan inạko dinre Amalekiko do Negebre Philisṭikoakʼ ṭoṭhare ar Siklagreko luṭ akatʼ tahẽkana. Onko do Siklag ńẽtʼkate seṅgelteko ḍahao marao akatʼ tahẽkana ar onḍeko tahẽkan sanam maejiuko ar huḍiń lạṭu joto do bondikateko idiakatʼko tahẽkana. Menkhan gocʼ do okoe hõ bako gocʼakatʼko tahẽkana, eken ruạṛ calakʼ jokhecʼko soṅge toraletʼko tahẽkana.

1 Samuel 31:7

Ar okoe Israelko do buru lodam reakʼ eṭakʼ aṛe secʼreko tahẽkan ar okoe do jordan gaḍa hanasa aṛereko tahẽkan onko do tinreko ńelkeda Israelren lạṛhại phạdko dạṛkeda, ar Sạul ar uniren hoponko gocʼ ocoyena unre onko hõ akoakʼ nagraha bạgikateko dạṛkeda, ar Philisṭiko do hecʼkate onako nagrahako dokholkeda.