Sereńko 9:16 - সান্তালী বাইবেল

¹⁶ Dhorom bicạr hotetege Probhu Isor doe baḍae ocokʼkana; bedhoromko do akoakʼ kạmitegeye jhạliyetʼkoa. (Sela)

Sereńko 9:16 Iomraidhean Croise

2 Rapajko 19:19

E aleren Probhu Isor, de ńitokʼ Ạsurren rajakʼ ti khon rukhiyạleme, jemon dhạrtiren sanam rajosṭirenko baḍae daṛeakʼ, am eskarge Probhu do ar amkangeam Isor do .”

Jobakʼ 18:9

Uniyakʼ jaṅga iḍi do jhạlire paṛaokʼtaea, ar jhạli doe sapʼ kaṛyo maṭoyea.

Sereńko 11:6

Uni do bedhoromko cetanre muskilakʼkoe kola; ar onkoakʼ bhạgre jolokʼkan gondhok ar seṅgel hoegeye kola.

Sereńko 140:9

Okoe ińko esetʼ ạcur akadiń ar onkoakʼ moca okako behok akatʼ ona do onkoakʼ bohokʼrege paṛaokʼma.

Sereńko 19:14

E Probhu Isor, ińren aotan gaṛ, ińren chakʼḍaoicʼ, ińakʼ moca reakʼ kathako ar ińakʼ ontor reakʼ hudis bundisko do am baṛeye kusi ocomema.

Sereńko 48:11

Amakʼ dhorom bicạr iạte Sion buru doe kusikʼma ar Jihudạ reakʼ atoko do rạskạte perejokʼma.

Sereńko 5:1

E Probhu Isor, ińakʼ katha luturakʼme, ar ińakʼ ontor reakʼ khondrondjoṅ moneyakʼme.

Sereńko 7:16

Acʼakʼ bedhorom reakʼ bojha do acʼakʼ bohokʼrege ruạṛ hecʼaea; ar okoeye julumede ona do uniyakʼ bohokʼrege ńurokʼa.

Exodus 14:10

Ar Israelko do Pharao ar uniren dolko ako tayomte hijukʼkanko ńelketʼko khan ạḍiko botorena ar Probhu ṭhenko rakʼkeda.

Exodus 14:31

Probhu Isor do misriko upạrte acʼakʼ oka daṛeye udukʼketʼ ona ńelte Israelko do monre mitʼṭen botor caṛhaoatʼkoa. Onko do Probhu Isor ar uniren golam Mose cetanre purạ biswạs dohokate calakʼko ehopʼena.

Exodus 14:4

Ar iń do Pharaoakʼ moniń keṭecʼ ocoytaea ar uni do onkoe khudạu idikoa. Menkhan Pharao ar uniren lạṛhại phạdkoge ińakʼ ṭhonok sodorokʼren hoṛko hoyokʼa. Ar noa iạte Misorrenko baḍae daṛeakʼa, iń kangeạń Probhu Isor do.” Ar Israelko do Probhu Isorakʼ katha lekako kạmikeda.

Exodus 7:5

Ińakʼ daṛeń udugte tinre Misor khon Israelkoń oḍok ạgukoa unre Misorrenko bujhạu daṛeakʼa, Iń kangeạń Probhu Isor do.”

Kạhtukko 12:13

Bạṛicʼ hoṛ do acʼakʼ kạite perecʼ katha hotete jhạlireye paṛaokʼa, menkhan dhorom hoṛ do muhin khone paskaokʼa.

Kạhtukko 6:2

ar okam roṛakatʼ ona reakʼ jhạlirem paṛao akan khan, amakʼ moca reakʼ kathatem sapʼ ocoakan khan,

Jesaea 28:13

Onatege onko ṭhen Probhu Isorakʼ katha do hoyokʼa, “sikhạuna upạr sikhạuna, sikhạuna upạr sikhạuna. Thar upạr thar, thar upạr thar. nonḍe thoṛa hanḍe thoṛa,” Jemon onko do taṛamle khange sạmbirteko bhindạṛokʼ arko hạnokʼte pạsireko sapʼ ṭarhaokʼ.

Jesaea 8:15

Onko modre ḍherkogeko tohodokʼa. Onko doko tohotʼ bhindạṛokʼa arko rạputʼ gejerokʼa; ar pạsiteko sabokʼa.”

Daniel 6:25

Inạ tayom Darjawes raj do sanam jạtrenko, disạmrenko ar pạrsiren hoṛko ṭhen niạ kathae olkeda: “Apeakʼ bhạlại hoyokʼtape ma!

Bikʼcạrko 1:7

Onate Adoni-Beseke menkeda, “Iń do eaegel rapajkoakʼ ti ar jaṅga reakʼ buḍhạ kạṭupʼ iń samakʼ kuṭrạletʼtakoa. Onko do ińakʼ ṭebil latar reakʼ ạiṭhạwakʼko halaṅ jometʼ tahẽkana. Onko cetanre okań cekaletʼ Isor hõ iń cetanre onkageye kạmi akada.” Ar Adoni-Besek do Jerusalemteko idikede khan onḍeye gocʼena.

1 Samuel 17:46

Teheńge Probhu Isor do ińakʼ tireye soprotmea. Ar iń do amiń bhindạṛmea ar bohokʼ iń makʼ kuṭrạitama. Ar teheńge Philisṭiren lạṛhại phạdkoakʼ mạ̃ṛĩ do coṭren cẽṛẽko ar otren janwarkoń jom ocokoa. Ona ńelte dhạrtiren sanamgeko baḍae daṛeakʼa, Israelkoren do mitʼṭen Isor menaetakoa.