Sereńko 9:11 - সান্তালী বাইবেল

¹¹ Probhu Isor do Sionre menaea; ape do unige õṛhẽ sereńaepe. Ar uni okae kạmiakatʼ ona do eṭakʼ jạtrenko ṭhen lại sodorpe;

Sereńko 9:11 Iomraidhean Croise

Sereńko 107:22

Onko do gun manaoren dãṛẽkoko dãṛẽkoma, ar rạskạ sereńte uniyakʼ sanam kạmi reakʼ kathako lại jạhirma.

Sereńko 118:17

Iń do bạń gujukʼa, jiwetʼgeń tahena, ar Probhu Isor okae kạmi akatʼ onań lại jạhira.

Sereńko 66:2

Uniyakʼ sarhao sereńpe; uni do lek leka sarhaoepe.

Sereńko 66:5

Ape do dela hijukʼte Isorakʼ kạmi ńel idipe; manwa lạgitʼ uni okaṭakʼe kạmi akatʼ ona do monre botore rakapʼ ocoyeda.

Sereńko 76:2

Salemre uniyakʼ tạmbu menakʼtaea ar Sionre hõ uniyakʼ tahen oṛakʼ menakʼa.

Sereńko 78:68

Menkhan Jihudi bõsrenkoakʼ ṭhạ̃igeye bachaoana one okaṭakʼ Sion buru uni doe dulạṛetʼ tahẽkan.

Sereńko 91:14

Probhu Isore meneda, “Dulạṛte okoye sabeńkan, uni doń rukhiyạyea; ar muhin khoniń bańcaoea, ente uni do ińe oromakadińạ.

Sereńko 96:10

Jạt jạtrenko ṭhen lại sodorpe, “Probhu Isorgeye raj kana mente. Dhạrti do ṭarhao kajak akana, ona do tisge baṅ ḍikạḍakekʼa; uni do dhoromte sanam jạtrenkoe ḍanṭaokoa.”

Jesaea 14:32

Boṅgan hoṛ jạtren goḍetko do cetʼ roṛ ruạṛ emakoa? Onko do noage metakoa, “Probhu Isor do Sione bạisạu akada ar onare santaokʼkan uniren hoṛ do asrayko ńama.”

Johan 17:26

Iń do onko ṭheniń sodor akatʼmere hõ arhõń sodormea, jemon cetʼ lekam dulạṛ edeńkan onkan dulạṛ onkoakʼ ontorre tahentako ar iń do jemon onko tulucʼ mitʼ akaniń tahen.

Ibriko 12:22

Ape do Sion buru ar jiwetʼ Isorakʼ nagraha ṭhenpe hecʼakana. Ona nagraha do hoyokʼ kana serma reakʼ Jerusalem. Ar hajar hajar serma goḍetkoakʼ rạskạ porob ṭhenpe hecʼakana;

Johan sodor 14:1

Ona tayom iń ńelkeda, Bheḍa Hopon do Sion buru coṭreye teṅgo akana. Uni soṅgere mitʼ sae pongel pon hajar hoṛ menakʼkoa. Onkoakʼ cạndire do Bheḍa Hoponakʼ ar uniren Babawakʼ ńutum ol menakʼa.