Sereńko 9:10 - সান্তালী বাইবেল

¹⁰ Am okoeko baḍae akatʼme onko do amregeko hirlạ joṅma, E Probhu Isor, ente okoe khạndri hạbicʼ baḍaemeko khojkan, onko do tis hõ bam bạgi giḍi akatʼkoa.

Sereńko 9:10 Iomraidhean Croise

2 Samuel 22:3

Isor kangeae ińren usul buru do, unirege iń doń asray akana. Uni do ińren ḍhal kanae, rurukhiyạicʼ dereńge, unige ińakʼ usul gaṛ, ińakʼ asray ṭhạ̃i. Sasantaokoakʼ ti khon amge bańcaoińme.

1 Bõsbudạ 28:9

“Ar ińren hopon Solomon, am do am apatren Isor samaṅrem taṛam ar amakʼ mon ar ontorte unim sewawaea, ente Probhu Isor do sanamkoakʼ ontore baḍaekana ar ganḍonjoṅakʼ hõe baḍaegea. Uniyakʼ monsubạ baḍae reakʼem kurumuṭule khanem baḍae daṛeakʼ, menkhan unim bạgiye enḍekhan uni hõ jaejug lạgitʼe nihạ̃tmea.

Sereńko 37:28

Probhu Isor do dhorom bicạre dulạṛetʼa; ar acʼ botoraekanko do bae bạgi giḍikoa. Uni do jaejug hạbicʼe rukhiyạkoa, menkhan bạṛicʼ bõsrenko doe marao giḍikoa.

Sereńko 37:39

Isor botoraeko reakʼ bańcaokʼ do Probhu Isor khonge hijukʼa; muhinre unige onkoren bhorsa doe hoyokʼa.

Sereńko 5:11

Menkhan okoe amreko hirlạjoṅkan onko doko rạskạkʼma, onko do rạskạte jaejugko sereń joṅma; am do onkoge baṛe rukhiyạkom, jemon okoe amko dulạṛetʼme onko do am iạteko hulạs daṛeakʼ.

Sereńko 57:1

Ińre mãyãkʼme baṛe, E Isor, ińre dayakʼme, ente amrege iń doń hirlạ akana. Ar amakʼ phạ̃kṛạ̃kʼ umul reakʼ hirlạrege iń doń tahena tinạkʼ din iń cetan khon noa muhin reakʼ birbão baṅ ocogokʼ.

Sereńko 91:14

Probhu Isore meneda, “Dulạṛte okoye sabeńkan, uni doń rukhiyạyea; ar muhin khoniń bańcaoea, ente uni do ińe oromakadińạ.

Kạhtukko 18:10

Probhu Isor do kajak aotan gaṛ kanae; dhoromko onḍeko ńir sen khan rukhiyạko ńama.

Jesaea 25:4

Am do nandankoren aotan gaṛ kanam, ar nacarkoakʼ kosṭokʼ okteren hõ aotan gaṛ kanam, birbão hoe khon rukhiyạ reakʼ jaega kanam ar khaṅgoṭ jaegare jharla jhạrli setoṅ khon aḍ ńam lạgitʼ umul kanam. Am do bidisiạkoakʼ kạumạuem thir akatʼtakoa. Rimil reakʼ umul cetʼleka loloye komaoetʼ onkage kurmutạhakoakʼ sereń hõm thir ocoakatʼtakoa.

Jesaea 45:19

Iń do oko danaṅre hõ bạń roṛakada, ńut reakʼ disạmre hõ bạń roṛakada. Ar Jakobren bõsko hõ bạń men akawatʼkoa,, ‘ape do ạuṛiyakʼgepe ńam baṛayedińa.’ Iń Probhu Isor do hok reakʼ kathań roṛeda; ar oka sạriạkʼkan onageń lại jạhireda.

Jirimiạ 29:13

Ape do ontorte baḍaeyiń reakʼ tinrepe ahkaokʼa unre ińpe baḍae daṛeạńạ.

Nạhum 1:7

Probhu Isor doe bhagegea, ar gạr hilokʼren doe aotan gaṛ kana. Ar acʼre okoeko hirlạkʼkan onko doe baḍaeyetʼkogea.

Johan 17:3

Ar jaejug jion do nõkʼõe, amge eskar sạri Isorko baḍaeme ar amem kolakade Jisu Mạsi.

2 Korinthiko 4:6

Ale do noale porcaretʼ kana, ente okoeye menletʼ tahẽkan, “Ńut khon marsal hoyokʼ ma,” Uni Isorge aboakʼ ontorreye bamberena, jemon uniyakʼ mạhima bujhạu lạgitʼ marsal sodorokʼ. Ar noa mạhimage Mạsiyakʼ mẽtʼãhãre menakʼa.

2Timothi 1:12

Ar ona iạte noako dukiń jomakada; ar enrehõ bạń lajaokʼkana, enteń baḍaea okoereń bhorsa akana mente. Iń doń khạṭi akawana, uni ṭhen okań dohoakatʼ ona do Mạsiyakʼ hijukʼ din hạbicʼ rukhiyạ lạgitʼ daṛe menakʼtaea mente.

1 Johan 2:3

Uniyakʼ sanam hukumko leka bon senlen khan, enḍekhan khạṭige bon bujhạua, abo do uni bon baḍae akadea.

1 Johan 5:20

Arhõ bon baḍaea, Isorren Hopone hecʼente bujhạu reakʼ daṛeye emakatʼbona jemon sạri Isor bon baḍae orom daṛeae. Ar okoe doe sạri Isor kan abo do uni tulucʼ bon kolom mitʼ akana, metakʼme uniren Hopon Jisu Mạsi tulucʼ menakʼ bona. Unige sạri Isor ar unige jaejug jion do.