Sereńko 9:1 - সান্তালী বাইবেল

¹ E Probhu Isor, ińakʼ goṭa ontorte amiń gun manao joharam kana ar amakʼ joto hahaṛa kạmi reakʼ kathań lại sodora.

Sereńko 9:1 Iomraidhean Croise

1 Bõsbudạ 16:12

E uniren guti Israelkoren bõsko, uniye bachao akawan Jakobren hoponko, uniyakʼ maraṅ kạmi reakʼ kathako baṛe disạ dohoype; uniyakʼ hahaṛa kạmiko reakʼ katha ar bicạrre oka sạjại reakʼ kathae menakatʼ ona disạ dohoype.

1 Bõsbudạ 16:24

Eṭakʼ eṭakʼ jạtrenko modre uniyakʼ ṭhonok lại sodorpe; sanam hoṛko talare uniyakʼ sanam hahaṛa kạmiko reakʼ katha lại pasnaope.

Sereńko 106:2

Probhu Isorakʼ bhage kạmi reakʼ do okoe haleye lại daṛekea? Uniyakʼ joto sarhao do okoeye ańjom ocoketaea?

Sereńko 111:1

Probhu Isorakʼge sarhao hoyokʼtae ma. Iń do ińakʼ goṭa jiwite gun maniń joharae kana, gun manao johariń emaea Isor botoraekanko talare, gun manao johariń emaea jarwa akan hoṛko talare.

Sereńko 138:1

E Probhu Isor, ińakʼ goṭa ontorte iń do amiń sarhaomea; ar debotako samaṅre hõ amiń oṛhẽ sereńama.

Sereńko 26:7

jemon ãṭ aṛaṅteń sarhao sereń daṛeam, ar amakʼ sanam hahaṛa kạmi reakʼ kathań roṛ daṛeakʼ.

Sereńko 51:15

E Probhu Isor, ińakʼ moca baṛe jhicʼkạtińme, iń do amakʼ sarhaoiń lại jạhira.

Sereńko 7:17

Probhu Isor do dhorom reakʼe bicạra, onate iń do uniń sarhaoea; ar iń do maraṅ Probhu Isorakʼ iń õṛhẽ sereńa.

Sereńko 86:12

E Probhu, ińren Isor, ińakʼ goṭa ontorte amiń sarhaomea; ar jaejugiń õṛhẽ sereńama.

Sereńko 9:14

jemon Sion kuṛi reakʼ phaṭok duạrkore amakʼ man ar mạhimań pasnao daṛeatam ar amakʼ bańcao ńamkate jemoniń rạskạ daṛeakʼ.

Jesaea 12:1

Enhilokʼ am dom mena, “E Probhu Isor, iń do amiń sarhaomea, ente iń cetanre edrem sodorleda; menkhan ńitokʼ amakʼ edre do caba akana ar jiwi raṛecʼem emạń kana.

Jesaea 43:21

Onko hoṛko do iń apnar lạgitʼ iń benao akatʼkoa jemon ińakʼ ṭhonokko sodor daṛeakʼ.

Jesaea 60:6

Amakʼ disạm do gạd gạd ũṭkote perejokʼa Midian ar Epharen daṛean ũṭkotege. Onko do sona ar kunduruwante Seba disạm khonko hijukʼa ar Probhu Isorakʼ sabasiko jạhira.

Luk 10:27

Uni dhorom guru doe roṛ ruạṛkeda, “Probhu amren Isor do amakʼ goṭa ontorte, amakʼ goṭa jiwite, ar amakʼ goṭa daṛete dulạṛem, ar am aḍepaseren hoṛ apnar leka dulạṛem.”

Ibriko 13:15

Onate delabon, Mạsi hotete Isor ṭhen sarhao reakʼ samaṅokʼakʼ jaoge bon samaṅma, metakʼme Isorren hoṛ mente okoe apnarteko aṅgocetʼkan onko do akoakʼ mocate Isorko gun manao joharae ma.

Johan sodor 15:3

Onko do Isorren golam Mose ar uni Bheḍa Hoponakʼ noa sereńko sereńetʼ tahẽkana: “Sanam daṛean Probhu Isor, tinạkʼ maraṅ ar hahaṛagea amakʼ kạmiko do! E sanam jạtkoren raj, tinạkʼ dhorom ar sạriyakʼgea amakʼ horko do!