Sereńko 83:8 - সান্তালী বাইবেল

⁸ onko do Ạsurrenko sãoteko mitʼakana ar Loṭren hoponko reakʼ sopoko hoyakana. (Sela)

Sereńko 83:8 Iomraidhean Croise

Genesis 10:11

Uni do onḍe khon Ạsur hạbicʼ acʼakʼ rajosṭiye pasnao idiketʼtaea. Onḍenakʼ Ninwi, Rehobot, Ir, Kalah ńutumanakʼ nagraha do unigeye teṅgoleda. Noa modre Resen do Ninwi ar Kalah talare tahẽkana. Ar noako mitʼkate mitʼṭecʼ maraṅ nagraha tearlena.

Genesis 25:3

Seba ar Dedan do Joksanren hoponkin tahẽkana. Asuriko, Letusiko ar Leumiko do Dedan bõsren hoṛ kanako.

2 Rapajko 15:19

Inạ tayom Asurren raj Pul do Israele akromonkeda. Unre Menahem do Pulakʼ goṛote disạmre acʼakʼ rajosṭi kajaktae lạgitʼ pegel are ṭon rupại emadea.

Jesaea 33:2

E Probhu Isor, alere dayakʼme; ale do am lạgitʼgele koyokʼ hor akada. Dinạmge setakʼ jokhecʼ ińren hoṛkoren daṛe baṛe hoyokʼme, ar muhinre bańcaoleme.

Jeheskel 27:9

Gebalren murubbiko do gạkhuṛ hoṛko lekate amre oṛecʼ paṛakʼakʼren jut aroe reakʼko kạmikan tahẽkana. Doreão reakʼ sanam jahaj ar onkoren jahaj cakʼlaoko do amakʼ jinisko bạnij bekʼpar lạgitʼ am ṭhenko hijukʼkan tahẽkana.

Dosar Biboron 2:9

Ona tayom Probhu Isor do ińe metadińạ, ‘ape do Moabrenko alope buskokoa se lạṛhại lạgitʼ hõ alope uskạukoa, ente onkoakʼ disạm reakʼ oka hĩsge ape do bạń emapea. Iń do sompotti lekate Ar nagraha do Loṭren bõskoń emakawatʼkoa.”