Sereńko 83:2 - সান্তালী বাইবেল

² Ńelme, cetʼleka amren bạiri doko hạnḍrạukʼkana ar okoe amko hirkhạwam kan onko do bạḍạite bohokʼ rakapʼkateko teṅgo akana.

Sereńko 83:2 Iomraidhean Croise

2 Rapajko 19:28

Am do iń upạrtem edre akana ar amakʼ bạḍại reakʼ katha do ińakʼ luturre hecʼakana onate iń do mureń nakolmea ar mocareń jhinmea; ar oka hortem hecʼakan ona hortegeń ruạṛ gotʼkama.’

Sereńko 109:1

E Isor amiń sarhaoetʼmea; am do alom thir hapekokʼa.

Sereńko 74:23

Amren bạirikoakʼ kạumạu, am upạrte jao okte hoyokʼkan, ona do alom hiṛińa.

Sereńko 74:4

Ar am sãote okarele helmelokʼ kan tahẽkan ona ṭhạ̃ire bạiriko doko hạnḍrạu baṛayeda, onḍe onko do akoakʼ cinhạko dohoakada.

Sereńko 81:15

“Bạiriko do iń samaṅre kiṛdhum akanko tahena, onko do jaejug hạbicʼko sạjạiyokʼa.

Sereńko 93:3

E Probhu Isor, ḍubạ dakʼ reakʼ do saḍe rakapʼ kana; ar ona dakʼ do hud hud saḍe kana ar ḍheoko do se rakabokʼ kana.

Jesaea 17:12

Hae, hae, jạt jạtrenkoakʼ hud hudạukʼ do ańjomokʼ kana! Ona do jalapuri reakʼ hud hudạukʼ lekage. Disạmrenkoakʼ hud hudạukʼge ańjomokʼ kana. Onko do ḍubạ dakʼ reakʼ hud hud saḍe lekageko andoṛeda.

Jesaea 37:23

Am do okoeyem henosta akadea? Ar okoe upạrte opoman reakʼ kathako dom roṛetʼkana? Am do okoe upạrtem kikiạukʼ kana ar okoe cetantem beṅgetʼ paromeda? Am do Israelren uni sonoticʼ upạrtege noakom nonka akada.

Jesaea 37:29

Iń upạrtem edre akana ar amakʼ bạḍại reakʼ katha do ińakʼ luturre hecʼakana ar onate iń do mũreń nakolmea ar mocareń jhinmea; ar oka hortem hecʼakan ona hortegeń ruạṛ gotʼkama.’

Jirimiạ 1:19

Onko do am upạrteko lạṛhạiya menkhan bako bhagao daṛeama, ente iń do rukhiyạime lạgitʼ am são sãotege minạńa. Iń Probhu Isorge noa katha doń menetʼkana.”

Mathae 27:24

Pilạt do cetʼ hõ bae dhejeda bickom arhõ gulmal hoyokʼ kane ńelketʼ khan dakʼ hataokate hoṛko samaṅre ti ạbukenteye menkeda, “Nui hoṛakʼ mãyãm lạgitʼ iń do bạń dạyikokʼa; apege ńeljoṅpe.”

Aposkạmi 16:22

Ado eṭakʼ hoṛko hõ onko sãote mitʼkate Pạul ar Silạs upạrteko teṅgoyena. Unre disạm cakʼlaoyicʼ doe hukumkeda unkinakʼ kicricʼ jemonko oṛejtạkin arko dalkin.

Aposkạmi 17:5

Menkhan Jihudiko do hiskạte bajar khon adom bạṛicʼ hoṛko ńam jarwaketʼkote nagrahare gulmalko ehopʼkeda. Ona tayom Pạul ar Silạs ńamkate hoṛko ṭhen ạgukin lạgitʼ onko do Jasonakʼ oṛakʼre jhãpko emkeda,

Aposkạmi 21:30

Unre goṭa nagrahare gulmal ehopʼena. Hoṛko do mitʼ sãoteko ńir hecʼente Pạulko jhuṭiạukedea ar mundil khonko or oḍok kedea ar ona são sãote mundil reakʼ duạrkoko sińkada.

Aposkạmi 22:22

Hoṛko do unhạbicʼ Pạulakʼ kathako ańjomkan tahẽkana, menkhan boṅgan hoṛ jạtrenkoakʼ kathae roṛketʼ khan ãṭ aṛaṅte hohowate memenko ehopʼena, “Uni do dhạrti khon ocokʼ giḍikaepe; uni do jiwetʼ tahen lek doe baṅkana.”

Aposkạmi 23:10

Ona jhogṛa do nonka sạrdi idiyena je, maraṅ subedar doe botorena ente onko do Pạulko or cirạ botejea. Uni do palṭonkoe hukumatʼkoa jemon senkate hoṛkoakʼ ti khon Pạulko chingạu ạguiyete palṭon gaṛteko idiye.

Bikʼcạrko 8:28

Nonkage Israelko do Midiạnrenko kobojketʼkoa; onate onko do bohokʼ ar bako rakapʼ daṛeada. Gideonakʼ jionre sarecʼ pongel bochor do disạmre suluk tahẽkana.