Sereńko 83:10 - সান্তালী বাইবেল

¹⁰ Sisrenko ar Jabin Endorreko mohor meṭaoena; onko do jumi reakʼ guricʼ lekako ńur tahẽyena.

Sereńko 83:10 Iomraidhean Croise

2 Rapajko 9:37

Ona jumi reakʼ otre Isebelakʼ hoṛmo do guricʼ leka giḍi akan tahena ar okoege bako orom daṛeakʼa ona do Isebelakʼ hoṛmo kana mente.’ ”

Jirimiạ 8:2

Ona jaṅko do siń-cando, ńindạ-cando ar sermaren sanam ipilko samaṅre giḍi akan tahena, ente onko do sermaren sanamgeko dulạṛetʼko tahẽkana arko sewawako kan tahẽkana ar onkoko pańjayetʼko tahẽkante, onko sãoteko solhayetʼ tahẽkana arko sewawako kan tahẽkana. Ar ona jaṅko do jarwakate bako topakakʼa, bickom onako do otre guricʼmande lekage hoyokʼa.

Sephaniạ 1:17

Probhu Isor do hoṛko cetanre maraṅ kosṭogeye paṛao ocoyte onko do kãṛã hoṛ leka ṭạmḍạu baṛaea, ente onko do Probhu Isor upạrteko kại akada. Onkoakʼ mãyãm do dhuṛi lekage giḍi ocokʼa ar onkoakʼ hoṛmo do guricʼ leka giḍi akan tahena.

Josuạ 17:11

Isakar ar Asren gusṭikoakʼ simạna tala reakʼ Betʼ-Sean, Iblean ar onako aḍepase reakʼ sanam atoko do Manase gusṭirenkoko emoco akan tahẽkana. Ona chaḍa Dorren, En-Dorren, Tanak ar Magidoren hoṛko sudhạ niạko nagraha ar onako aḍeparen sanam atoko Manase gusṭirenko emocoakan tahẽkana. Ar mucạtʼ secʼ reakʼ pea nagraha ar onako sãoteakʼ atoko do buru ṭoṭhare tahẽkana.

Bikʼcạrko 4:15

Barak do tinre onko cetanre jhãpe emkeda unre uni samaṅre Probhu Isor do Sisera ar uniyakʼ sanam rãt gạḍi ar lạṛhại phạdkoe andmandao ocoketʼkoa. Unre Sisera do acʼakʼ rãt bạgikateye dạṛkeda.

Bikʼcạrko 4:16

Barak do menkhan Haroset-hagoyim hạbicʼ onkoakʼ rãt gạḍiko ar lạṛhại phạdkoe khudạu idiketʼkoa. Uni do Siseraren sanam lạṛhại phạdkoe gocʼ cabaketʼkoa, mitʼ hoṛ hõ sarecʼ do bae doholetʼkoa.

Bikʼcạrko 5:21

Ona sedae reakʼ gaḍa dakʼ ona Kison gaḍa reakʼ dakʼ do bạirikoe ạtu idiketʼkoa. E ińakʼ jiwi, keṭecʼkate lahakʼme baṛe.

Bikʼcạrko 7:25

Onko do Oreb ar Seb ńutuman Midiạnren barea mukhiyạko sapʼketʼkinạ ar Oreb do Oreb reakʼ dhiri ṭhen ar Seb do seb reakʼ darkha lelenkunḍ jaegareko gocʼkedea. Onko do Midiạnrenko khudạu idiketʼkoa ar Oreb ar Seb tạkinakʼ bohokʼ do jordan hanasa Gideon ṭhenko idikeda.

1 Samuel 28:7

Unre Sạul do acʼren kạmiyạkoe metatʼkoa, “Nonkan mitʼṭen maejiu sendra ńamepe, okoe do gocʼ hoṛkoren jiu tulucʼ kathae roṛ daṛeakʼ, jemon uni ṭhen senkateń kuli daṛeae cetʼ iń cekaea mente.” Onkoko metadea, “Edonre onkan mitʼṭen maejiu menaea.”