Sereńko 81:5 - সান্তালী বাইবেল

⁵ Uni do sạjại emokʼ lạgitʼ Misor disạm talate tinreye oḍok senena unre Joseph bõsrenko lạgitʼ noa porob do mitʼṭen goha lekateye teṅgokeda. Ar iń do mitʼṭecʼ bạń baḍae akatʼ pạrsiń ańjomkeda.

Sereńko 81:5 Iomraidhean Croise

Sereńko 114:1

Israel jạtrenko tinre Misor khonko oḍok hecʼena, ar eṭakʼ pạrsite katha roroṛ hoṛko tala khon Jakob bõsrenko do tinreko oḍok hecʼena,

Sereńko 77:15

Am do amren hoṛ Jakob ar Josephren bõsko amakʼ daṛe titem chaḍao akatʼkoa. (Sela)

Sereńko 78:6

jemon tayom piṛhirenko hõ onako baḍae daṛeakʼ ar akoren gidrạko ṭhen onako lại daṛeakʼ.

Exodus 11:4

Mose do Pharaoe metadea, “Probhu Isore meneda, tala ńindạ okte iń do Misor disạm talateń parom calakʼa.

Exodus 12:12

Iń do ona ńindạge Misor disạm talateń parom calakʼa ar manwakoren pạhil hoponko ar janwarkoren pạhil hoponkoń gocʼkoa. Iń do Misorren sanam deb-debotakoń sạjạikoa; ar ińkangeạń Probhu Isor do.

Exodus 12:27

Unrepe lạiyakoa, ‘noa do hoyokʼ kana Probhu Isor ńutumte bańcaokʼ porob reakʼ dãṛẽ, ente Misor disạmre tahen jokhecʼ uni do Israelkoakʼ oṛakʼko bad oṭokateye parom senlena. Uni do misrikoe gocʼketʼkoa menkhan ale doe rukhiyạketʼlea.’ ” Inạ tayom Israelko do ombakʼkate Probhu Isorko sewawadea.

Exodus 12:29

Ona tayom pon gel tạrik reakʼ tala ńindạ okte Probhu Isor do Misor disạmren mitʼke mitʼ pạhil hoponkoe gocʼketʼkoa. Nonkate raj siṅghạsonren ạidạriyicʼ Pharaoren pạhilicʼ hopon khon ehopʼkate hajot oṛakʼre menayicʼren pạhilicʼ hopon hạbicʼ, ar janwarkoren hõ pạhil hoponko gocʼena.

Jesaea 28:11

Bhagegea, enḍekhan Probhu Isor do bidisiạkoakʼ moca reakʼ hahaṛa pạrsite onko hoṛko ṭhen kathae roṛa.

Jirimiạ 5:15

Probhu Isore meneda, “E Israel jạtrenko, am upạrte sạṅgiń disạm khon mitʼ jạtrenkoń ạgukoa. Onko do sedae jugren ṭikạu akan jạtrenko kanako; onko hoṛkoakʼ pạrsi do bape baḍaea ar onkoakʼ katha hõ bape bujhạu daṛeakʼa.

Jeheskel 20:20

Onko do ińakʼ jirạukʼmãhã reakʼ sonottetʼ jemonko rukhiyạ dohoy; onate iń ar onko talare ona do mitʼṭecʼ cinhạ leka tahena, ar onko doko baḍae daṛeakʼa, iń kangeạń onkoren Probhu Isor do.

Amos 6:6

Ape do bạṭi perecʼ darkha rasape ńũiyeda ar joto khon bhage so sunumpe ojokʼeda, menkhan Josephren, metakʼme Israelakʼ maraokʼ iạte do bape dukokʼ kana.

Dosar Biboron 28:49

“Probhu Isor do sạṅgiń khon, dhạrti reakʼ ses simạna khon nonkan mitʼ jạtrenko ape upạrteye ạgukoa one onkoakʼ pạrsi bape bujhạutako. Onko jạtrenko do pajhaṛ cẽṛẽ leka ape cetanre sã menteye uḍạu ạgukoa.