Sereńko 81:3 - সান্তালী বাইবেল

³ Aboakʼ porob din reakʼ ambasre ar kunạmire sakwa oroṅpe;

Sereńko 81:3 Iomraidhean Croise

2 Rapajko 4:23

Uniren jãwãetetʼe menkeda, “Uni ṭhen teheń do cedakʼem calakʼa? Teheń do ambas ńindạ hõ baṅkana, ar jirạukʼ mãhã hõ baṅkana.” Uni doe menkeda, “Onate do baṅ cekakʼa.”

1 Bõsbudạ 15:16

Dạud do Liwikoren mukhiyạkoe metatʼkoa, onko do jemon bajnakote, metatʼme, binạ banam, peṛesaṅ, kortalko ruwate rạskạkʼ lạgitʼ sereń dolko bahalko.

1 Bõsbudạ 15:19

Pitạl reakʼ kortal ruru reakʼ bhar do gaenaha Hemon, Asoph ar Ethon cetanre tahẽkana.

1 Bõsbudạ 16:42

Isor ńutumte sereń jokhecʼ pẽpṛẽtʼ kortal ar eṭakʼ bajnako rui lạgitʼ si Hemon ar Jiduthon cetanre bhar tahẽkana. Ar Jiduthon bõsren hoṛko do rurukhiyạ lekateko bahal ocolena.

1 Bõsbudạ 16:6

Ar naeke Bonae ar Johosiyel do Isorakʼ ona bondobos sinduk samaṅre jaoge sakwakin oroṅetʼ tahẽkana.

1 Bõsbudạ 25:1

Sekʼwa oṛakʼ reakʼ sapʼ sosor kạmi lạgitʼ Dạud ar lạṛhại phạdkoren subedarko do Asaph, Hemon ar Jiduthonren hoponkoko begarketʼkoa jemon onko do peṛesaṅ, binạ banam ar kortal ru seletʼ sereń talate Isorakʼ kathako sodor daṛeakʼ. Ar okoeko noako kạmikan tahẽkan onkoa tạlika do nonka leka:

2 Bõsbudạ 13:12

Isor do ale sãore menaea; unikangeae aleren mukhiyạ do. Uniren naekeko do sakwako oroṅetʼte ape upạrte lạṛhại lạgitʼ ale sãote menaea. E Israelren hoṛko, aperen hapṛamkoren Probhu Isor upạrte do alope lạṛhạiya, ente bape jo baha daṛeakʼa.”

2 Bõsbudạ 13:14

Jihudạren hoṛko do ạcuren khanko ńelkeda, lạṛhại phạdko do ako samaṅ ar tayom banar secʼrege menakʼko. Unre onko do Probhu Isor ṭhenko rakʼkeda. Ar naekeko do akoakʼ sakwako oroṅkeda ar Jihudạren hoṛko do lạṛhại lạgitʼko hohokeda. Ar onko do lạṛhại reakʼ tinreko hohokeda unre Abiạ ar Jihudạren hoṛko samaṅ khon Isor do Jerobiam ar sanam Israelkoe bhagaoketʼkoa.

2 Bõsbudạ 2:4

Ńitokʼ iń do ińren Probhu Isor lạgitʼ mitʼṭecʼ oṛakʼ benao lạgitʼ ar uni ńutumte ona samaṅ lạgitʼ iń sapṛao akana, jemon uni samaṅre jut so mosolako jeredokʼ, ar jaoge samaṅokʼakʼ reakʼ piṭhạ hõ jemon sajao akae tahen ar dinạm hilokʼ setakʼ ar ạyupʼ jokhecʼ, jirạukʼ mãhã hilokʼre, ambas ńutre ar aboren Probhu Isor niṭakatʼ judạ judạ porobre jeredokʼ samaṅokʼ reakʼ porobiń porob daṛeakʼ. Ar niạko palon do Israelko lạgitʼ mitʼṭecʼ jaejug reakʼ niạm kana.

2 Bõsbudạ 8:13

Moseyakʼ hukum leka jirạukʼ mãhãre, ambasre ar bochorre pea porob, metakʼme bin khạmiyanakʼ piṭhạ porobre, eae hapta reakʼ porobre, ar ḍera porobre- onako din reakʼ niạm lekate samaṅokʼakʼ porobko porobokʼ kan tahẽkana.

Sereńko 149:3

Onko do enecʼ enecʼte uniko sarhao sereńae ma, tabla ar banamte uniko õṛhẽyema;

Sereńko 33:2

Peṛesaṅ banamate Probhu Isor do gun manao joharae pe; ar gel taranakʼ banamkote õṛhẽ sereńaepe.

Sereńko 98:6

Pẽpṛẽtʼ ar sakwa oroṅate Probhu raj samaṅre rạskạ sereńpe.

Rak̕joṅ 2:6

Uni do bagwan reakʼ dare leka uniyakʼ tahen ṭhạ̃iye totʼ giḍiakatʼtaea; uniyakʼ niṭ akatʼ ńapamokʼ ṭhạ̃i hõe marao akatʼtaea. Sion do acʼakʼ sanam porob ar jirạukʼ mãhã reakʼ kathae hiṛiń ocoakadea; ar acʼakʼ edre reakʼ khĩste raj ar naekekoe nihạ̃t giḍi akatʼkoa.

Nạhum 1:15

Okoeṭakʼ hoṛ bhage sombate ạguyetʼkan ar suluk reakʼe roṛetʼkan, ma ńelme uniyakʼ jaṅga do buru cetanre menakʼtaea. E Jihudạ, amakʼ porobko palonme ar okaṭakʼ manotem dohoakatʼ ona purạume. Dusṭạmi hoṛ do ar bako akromonmea; onko doko marao ocokʼa.

Numeri 28:11

“Mimitʼ cando reakʼ pạhil dinre Probhu Isor ńutumte jeredokʼ samaṅokʼakʼ lạgitʼ barea ḍaṅgra, mitʼṭen bheḍa ar mitʼṭen mitʼ bochorren eae goṭen bheḍa hopon samaṅko hoyokʼa. Ar onko jotoge jemon niphuṭ utạrko hoyokʼ.

Dosar Biboron 16:15

Aperen Probhu Isor okaṭakʼ ṭhạ̃iye bachao joṅ onḍe ape do uni ńutumte eae din hạbicʼ niạ porobpe porobokʼa, ente apeakʼ rakapʼakʼ sanam phosol ar sanamakʼ kạmire aperen Probhu Isor do apeye bhorapea ar purạtepe rạskạjoṅa.

Kolossiko lạgitʼ Pạul Apostolakʼ ciṭhi 2:16

Onate jom-ńũ se jãhãn dhorom porob babot reakʼ se ambas reakʼ se jirạukʼ mãhãko reakʼ okoe hõ aloko bicạrpe ma.