Sereńko 81:12 - সান্তালী বাইবেল

¹² Ona iạte onkoakʼ mon do kạṭhuạ lekageń dohokatʼtakoa, jemon onko do akoakʼ kusi lekako calao daṛeakʼ.

Sereńko 81:12 Iomraidhean Croise

Genesis 6:3

Noa ńelte Probhu Isor doe menkeda, “Ińren Jiu do jaejug hạbicʼ manwa bae cehaokoa, ente onko do gujukʼ taberen kanako. Iń do mitʼsae bargel bochor hạbicʼ somoe iń emakoa.”

2 Rapajko 18:12

Noako do hoylena, ente onkoren Probhu Isorakʼ katha onko do bako manaoleda, bickom uniyakʼ bondobos, metakʼme Probhu Isorren guti Moseyakʼ sanam hukumko bako bataoleda. Onko do onako hukum reakʼ katha lutur hõ bako luturada ar manao hõ bako manaoleda.

Nehemiạ 9:16

“Enhõ aleren hapṛamko do bạḍạiteko perecʼlena; onko do hoṭokʼko keṭecʼletʼ takoa ar amakʼ hukumko bebataoleda.

Jobakʼ 8:4

Amren hopon ar hoponerako do khạṭige uni upạrteko kại akada, ona iạte kại reakʼ sạjại do onko tireye dohoakada.

Exodus 11:9

Probhu Isor do Moseye metadea, “Misor disạmre ińakʼ hahaṛa kạmiko jemon ḍherokʼ onate Pharao do amakʼ katha bae ańjoma.”

Jesaea 30:1

Probhu Isore meneda, “Hae onko ṭhoṭhok hoponko do, okoe do ponthawakʼko kạmikan menkhan iń leka do baṅa. Onko do bondobosko bandhaoeda menkhan ińren Jiu reakʼ sana leka do baṅ. Jemon kại cetan kạiko ḍạṅjoṅ.

Jesaea 30:9

Noko do kạṭhuạ jạtren kanako, eṛe roroṛ hoponkoge: Probhu Isorakʼ cecetʼakʼ baṅ ańjometʼkan hoponkoge.

Jesaea 42:24

Jakob do luṭe lạgitʼ okoeye soprot akadea? Ar Israel do luluṭkoakʼ tire okoeye jimạ akadea? Unige cetʼ Probhu Isor doe baṅkana, one uni upạrte bon kại akatʼ? Unkin do uniyakʼ horte calakʼ bạkin khojleda, ar uniyakʼ hukum hõ bạkin manaoleda.

Jirimiạ 42:21

Iń do teheń apeń metatʼpea menkhan okako babotre roṛ lạgitʼ aperen Probhu Isor do ape ṭhene kol akadiń ona do ńit hõ bape manao akada.

Jirimiạ 7:24

Menkhan onko do ona bako ańjomleda ar mone hõ bako moneyada; ona bodolte akoakʼ kusi leka, akoakʼ bạṛicʼ mon reakʼ kạṭhuạtetʼ lekako taṛamkeda. Onko doko pạc ruạṛena, ar bako lahalena.

Jeheskel 20:8

“ ‘Menkhan onko do iń upạrteko hulkeda, ińakʼ katha ańjom do bako rạjilena. Okoe hirkhạwan boṅga murhutʼko bhageko hudisetʼko tahẽkan onko do bako sạṅgiń giḍiletʼkoa ar Misorren boṅga muṭhạnko hõ bako bạgiyatʼkoa. Onatege ińiń menkeda Misorre onko cetanre ińakʼ edre ar khĩs do onkoreń dula.

Hosea 9:17

Ińren Isor do onkoe nihạ̃t giḍi akatʼkoa, ente onko do uniyakʼ bako bataoletʼtaea; onko do eṭakʼ eṭakʼ jạtrenko talareko ạcur baṛaea.

Levitikus 26:14

“Menkhan ińakʼ katha bape ańjom ar noako hukum reakʼ bape manao,

Aposkạmi 14:16

Laha piṛhiren sanamkoge uni do akoakʼ sana lekageye sen ocowatʼko tahẽkana,

Aposkạmi 7:42

Menkhan Isor do onko khone ạcurente onkoe alae giḍikatʼkoa sermaren siń cando, ńindạ cando ar ipilko sewawako lạgitʼ. Ar inạ kathage nạbikoakʼ puthire olakana: E Israel hoponko, hahaṅkarre pongel bochor ape do cetʼ iń lạgitʼ janwar se eṭakʼ jãhãn dãṛẽkope samaṅletʼkoa?

Romiko lạgitʼ Pạul Apostolakʼ ciṭhi 1:24

Onate Isor do manwako akoakʼ ontor reakʼ bạṛicʼ sana ar hirkhạwakʼ kạmi lạgitʼe aṛakʼatʼkoa. Onate onko do ako akore hirkhạwakʼko kạmikante akoakʼ hoṛmoko bemanot ocoyetʼkana.

1 Samuel 8:19

Menkhan hoṛko do Samuelakʼ niạ katha bako moneyatʼtaea. Onkoko menkeda, “Baṅa, ale do mitʼṭen rajgele khojkana.