Sereńko 8:1 - সান্তালী বাইবেল

¹ E Probhu Isor, E aleren kisạ̃ṛ, goṭa dhạrtige amakʼ ṭhonokte perecʼ akana; ar sermare amakʼ ṭhonokem bạisạu akada.

Sereńko 8:1 Iomraidhean Croise

1 Rapajko 8:27

“Menkhan Isor do cetʼ sạrige dhạrtiren manwako sãoteye girobasokʼa? Sermare, se coṭ serma reakʼ sanam jaegare hõ amakʼ okulạn hoyokʼkan khan ińakʼ benaoakʼ niạ oṛakʼre amakʼ jaega do cetʼ hoyokʼtama?

Sereńko 145:1

E ińren Isor, E raj, iń do amiń sereńama; iń do jaejugiń sarhaomea.

Sereńko 148:13

Onko jotoge Probhu Isorko sarhaoema, ente eken unigeye maraṅa; Ot ar serma cetanre uniyakʼ mạhima menakʼa.

Sereńko 36:5

E Probhu Isor, amakʼ asambheṛ dulạṛ do serma hạbicʼ menakʼa; ar amakʼ pạtiạr do coṭ rimilko hạbicʼge.

Sereńko 57:5

E Isor, amakʼ man do serma hạbicʼ rakabokʼma; amakʼ ṭhonok do goṭa dhạrtire ńelokʼma.

Sereńko 63:1

E Isor, am do ińren Isorge. Iń do amiń ńam baṛayetʼmea; noa khaṅgoṭ ar dakʼ bạnukʼ disạmre, one uni do phosol hoeocoy reakʼ daṛege caba akantae, onḍe do am lạgitʼ ińakʼ jiwi tetaṅokʼ kantińạ, ar am lạgitʼ ińakʼ hoṛmo do ahkaokʼ kana.

Sereńko 68:4

Isor lạgitʼ sereńpe, ar uni õṛhẽ sereńaepe; hahaṅkar talate okoe do rãt gạḍire decʼkateye hijukʼkan uni lạgitʼ usul hor tearpe; uniyakʼ ńutum do Probhu Isor, uni samaṅre hulạsokʼpe.

Sereńko 8:9

E Probhu Isor, aleren kisạ̃ṛ, goṭa dhạrtige amakʼ ṭhonokte perecʼ akana.

Sereńko 81:1

Isor, okoe doe aboren daṛeanicʼkan, ape do uni sarhao sereńaepe; ar Jakobren Isor lạgitʼ õṛhẽ sereńpe.

Sereńko 84:1

E sanam daṛeanicʼ Probhu Isor, napaegea amakʼ tahen ṭhạ̃i do!

Exodus 15:11

“E Probhu Isor, Debko modre am leka do okoe menakʼkoa? Okoe menakʼkoa am leka sonot ar ṭhonokanicʼ ar sarhao sereńkore botoranicʼ do? Ar hahaṛawakʼ kạkʼmiyicʼ hõ okoeyakʼ menakʼtaea?

Soros sereń 5:16

Uniyakʼ galmarao do heṛemgetaea, uni do joto secʼte ạḍi hạ̃sạnicʼge. E Jerusalemren kuṛiko, ińren dulạṛiạtiń ar ińren gate doe nonkanicʼ kangea.

Jesaea 26:13

E Probhu, aleren Isor, am chaḍa eṭakʼ Probhuko hõ ale cetanre mạlikiko calaoleda, menkhan ale do eken amgele aṅgocetʼmea.

Habakkuk 3:3

Isor do Teman khone hijukʼkana, uni sonoticʼ do Paran buru khone hijukʼkana. [Sela] Uniyakʼ ṭhonok do sermae tiyokʼakada; dhạrti do uniyakʼ sarhaote perecʼ akana.

Mathae 22:45

Enḍekhan Dạud do Mạsige Probhui metaekan khan enḍekhan Mạsi do cekate Dạudren hopone hoydaṛekokʼa?”

Johan 20:28

Unre Thomae menkeda, “E ińren Probhu, E ińren Isor.”

Ephesiko lạgitʼ Pạul Apostolakʼ ciṭhi 4:10

Ar okoeye pheḍlen unige sanamakʼ purạu lạgitʼ arhõ sermako khon hõ cetanteye rakapʼena.

Dosar Biboron 28:58

“Noa puthire olakan ạn-ạriko joton salakʼpe senakʼte ona lekape colon, metakʼme ‘aperen Probhu Isorakʼ ṭhonokte perecʼ ar botoranakʼ ńutum bape manot,

Philipiko lạgitʼ Pạul apostolakʼ ciṭhi 3:8

Sạrige okoe lạgitʼ noako lokshaniń bujhạu akatʼ uni ińren Probhu Jisu Mạsi baḍaeyere oka asambheṛ bhor menakʼ, uni ńutumte jotowakʼge lokshan menteń hudiseda. Mạsi jemoniń lab daṛeae ar Mạsire jemoniń ńel ńamokʼ, onate onako do mạilạ lekań bujhạueda.

Ibriko 7:26

Nonkan mitʼṭen sonoticʼ, bin dusiyicʼ ar niphuṭ utạricʼ maraṅ naekege jạruṛ tahẽkan tabona. Uni do kại hoṛko khone begargea ar Isor do serma khon hõ bạ̃ṛti usule rakapʼ akadea.

Johan sodor 19:6

Ona tayom iń do ạḍi utạr hoṛkoakʼ sabad leka, ar had had ạtukʼ dakʼ reakʼ saḍe ar kajak huḍuretʼkan saḍe leka noa kathań ańjomkeda, “Halleluyah! Aboren sanam daṛeyicʼ Probhu Isor do rajokʼe ehopʼakada.