Sereńko 74:3 - সান্তালী বাইবেল

³ Jaejug reakʼ noa dhaṅdhaseranakʼ secʼ am do taṛam laha hijukʼme; sonot ṭhạ̃ire bạiriko do sanamakʼko jarkhar akada.

Sereńko 74:3 Iomraidhean Croise

2 Rapajko 25:9

Uni do Probhu Isorakʼ oṛakʼre, raj oṛakʼre ar Jerusalem reakʼ joto oṛakʼre seṅgele jeretʼada. Ar asol asol oṛakʼko hõe jeretʼ giḍikada.

Nehemiạ 1:3

Onko doko lạiyadińa, “Bondi dosa khon okoe do disạmteko ruạṛ senakan onko do maraṅ harkhet ar henostare menakʼkoa. Jerusalem reakʼ pạcri do rạputʼ akana ar ona reakʼ phaṭok duạrko hõ seṅgelteko jeretʼ akawada.”

Nehemiạ 2:13

Enhilokʼ ńindạ iń do oḍokkate buru nala duạrte toyo- kuń ar ona tayom do jobra duạrteń oḍok calaoena ar Jerusalem reakʼ rạputʼ pạcri ar seṅgelte ḍahao akan duạrko reakʼ dosakoń ńelkeda.

Nehemiạ 2:3

enhõ rajiń metadea, “Maharaj do jaejug jiwetʼ baṛeye tahenma. Ińren hapṛamko oka nagrahareko topa ocoakan ona nagraha doko dhaṅ dhaser akada ar ona reakʼ phaṭok duạrko do seṅgelteko jeretʼ akada ar ona ańjomkate ińakʼ mẽtʼãhã do mulin baṅkhan cekakʼtińa?”

Sereńko 44:23

E Probhu Isor, ebhenokʼme, cedakʼem jạpitʼ akada? Ma beretʼme, jaejug hạbicʼ do alom bạgi giḍilea.

Sereńko 44:26

Dela hijukʼme, ar goṛowaleme; amakʼ asambheṛ dayate chaḍaoleme.

Sereńko 79:1

E Isor, eṭakʼ jạtrenko do amakʼ sompottiko hat akada, ar onko do onḍeko bolo akana; amakʼ sonot oṛakʼko bhõnḍ akada; ar Jerusalem do maraokʼ reakʼ dhiri puńjirko hoyoco akada.

Jesaea 10:6

Uni do Isor baṅ botorae kan mitʼ jạtrenko upạrteń kolekana ar okoe ińko khĩs ocoakadiń onko upạrteń kolekana jemon uni do luṭ are recʼko ar hor reakʼ losotʼ lekae lebetʼ gańjao daṛeako.

Jesaea 25:10

Probhu Isorakʼ kạmi do niạ bururege tahena. Guricʼ sãote busupʼ cetʼlekako lebetʼ gańjao ṭhik onkage Moab hõe lebetʼ gańjao ocokʼa.

Jesaea 61:4

Onko do sedae reakʼ jarkharakʼ ṭhạ̃iko arhõko benao ruạṛa ar ujạṛakʼko arhõko teṅgo ruạṛa. Ar okako nagraha do piṛhike piṛhi dhaṅdhaser akae tahẽkan ona do arhõko benao ruạṛa.

Jirimiạ 52:13

Uni do Probhu Isorakʼ oṛakʼre, raj oṛakʼre ar Jerusalem reakʼ joto oṛakʼre seṅgele jeretʼada. Ar asol asol oṛakʼko hõe jeretʼ giḍikada.

Rak̕joṅ 1:10

Uniren bạiriko do uniyakʼ damanakʼ jinisko joṭetʼ akatʼtaea; boṅgan hoṛ jạtrenko hõ acʼakʼ sonot ṭhạ̃ite bolokʼe ńelakatʼkoa. Noko doko onko hoṛ kangea okoe do amakʼ somajte bolokʼem baronletʼko.

Daniel 11:31

Uni ṭhen khon kol ocoakan lạṛhại phạdko doko hijukʼa ar sonot ṭhạ̃i, ar aotan gaṛko bhonḍa ar din hilokʼ reakʼ samaṅokʼakʼko caba ocoya. Ona tayom onko do jarkharakʼ ujạṛakʼgeko bạisại oṭokakʼa.

Daniel 9:17

“Ńitokʼ, E ińren Isor, amren gutiyakʼ koejoṅ ar nehõr ańjomme. E Probhu, amakʼ ńutum rukhiyại lạgitʼ ujạṛokʼkan amakʼ oṛakʼ secʼ amakʼ daya reakʼ mẽtãhã baṛe samaṅme.

Daniel 9:27

Ar uni disạm cakʼlaoicʼ do mitʼ hapta lạgitʼ ḍher hoṛko sãote keṭecʼ mitʼṭecʼ bondobose bandhaoa, ar tala hapta hạbicʼ uni do teṅgenokʼakʼ ar jomakʼ samaṅokʼakʼe caba ocoya; ar jarkharicʼ do hirkhạwakʼko reakʼ phạ̃kṛạ̃kʼteye hijukʼa niṭakatʼ sumạrokʼ jarkharicʼre ạuri dul bubhạukʼ hạbicʼ.”

Mikạ 1:3

Ńelpe, Probhu Isor do acʼakʼ tahen ṭhạ̃i khone hijukʼkana; uni do pheḍ hecʼkate dhạrti reakʼ usul ṭhạ̃iko cetanreye lebedokʼa.

Mikạ 3:12

Onatege Sion do ape iạte khet baṛge lekae cas ocokʼa, ar Jerusalem do dhaṅ dhaserakʼ ḍhipi leka hoyokʼa, ar koejoṅ oṛakʼ reakʼ buru do jhạuạkote dapal esedokʼa.

Mark 11:17

Ado cetʼako jokhecʼ onko hoṛkoe metatʼkoa, “Sostorre cetʼ nonka baṅ ol akana, ‘ińakʼ oṛakʼ do sanam jạtrenko lạgitʼ koejoṅ oṛakʼ ńumogokʼa mente?’ Menkhan ape do ḍạkukoakʼ danderpe hoyoco akada!”

Luk 21:24

Onko do tarwaṛeteko gocʼ ocokʼa ar sanam jạtrenko talare bondi akan leka chirchạturko tahena. Ar por jạtrenkoakʼ okte ạuri purạukʼ hạbicʼ Jerusalem do onkoakʼ jaṅgate lebetʼ gańjaokʼa.

Josuạ 10:24

Onko raj do tinre Josuạ ṭhenko ạguketʼkoa unre uni do sanam Israelkoe hohowatʼkoa ar acʼ sãote okoeko senapoti lạṛhạiko senlen onkoe metatʼkoa, “Dela hijukʼpe ar noko rajko totkare lebetʼkope.” Onate onko do sen sorkate rajkoakʼ totkako lebetʼketʼtakoa.

Johan sodor 11:2

Menkhan mundil bahrere okaṭakʼ raca menakʼ ona do badkakʼme, alom soṅa, ente ona do boṅgan hoṛ jạtrenkoko em ocoakana. Onko do pongel bar cando hạbicʼ sonot nagrahako lebetʼ gańjaoa.