Sereńko 72:6 - সান্তালী বাইবেল

⁶ Irakatʼ ghãs goḍare jạṛi dakʼ ńurlenre cetʼleka hoyokʼ onkage uni hõe hoyokʼma; jemon uni do hasae lohotʼ akatʼ dakʼ lekae hoyokʼ.

Sereńko 72:6 Iomraidhean Croise

2 Samuel 23:4

Uni do bae rimil akatʼ setakʼ siń cando reakʼ marsal lekanicʼ kanae; ar jạ̃ṛĩ dakʼ tayom siń cando reakʼ marsalre ot khon omonokʼkan ghãs lekanicʼ kanae.’

Sereńko 65:10

Cas akatʼ nahel gaḍako am dom dakʼakʼ kana ar ona reakʼem somankakʼ kana; achaṛ dakʼkote onam lạbitʼeda ar nãwã omonokʼ carakom bhorakʼ kana.

Kạhtukko 16:15

Rajakʼ mẽtʼãhã kharsalen khan jiwi bańcaokʼa; uniyakʼ daya do sãwãe reakʼ dakʼ rimil lekage.

Kạhtukko 19:12

Rajakʼ raṅgao do gondraokʼkan dhạcri kul leka, menkhan uniyakʼ daya do ghãsre ńur akan sisir dakʼ leka.

Jesaea 5:6

Iń do mitʼṭecʼ dhaṅ dhaser jaegageń hoeocoya; nạ̃ṛĩ hõ baṅ kamanokʼa ar jumi hõ baṅ casokʼa, onḍe do rạṅgạini ar aṭkuṭige hara perejokʼa. Rimil hõń hukumakʼa onare jemon dakʼ aloe jạṛiyakʼ.”

Hosea 6:3

Dela, abo do Probhu Isor bon aṅgocema; ar baḍaeye lạgitʼ bon pańjayema. Siń candoe rakabokʼ leka uni do khạṭigeye sodorokʼa; uni do aghãṛ cando reakʼ dakʼte ote lohotʼetʼkan leka ar jạṛi dakʼ lekageye hijukʼa.

Mikạ 5:6

Onko do lạṛhại talate Ạsurrenkoakʼ disạm metakʼme, Nimrod disạmko calao. Ar Ạsurrenko do aboakʼ disạmko akromonle khan ar aboakʼ simạko lebetʼle khan unre onkoakʼ ti khon aboren disạm cakʼlaoicʼgeye rukhiyạbona.

Dosar Biboron 32:2

Ińakʼ cecetʼakʼ do jạṛi dakʼ leka ńurokʼma, ińakʼ katha do sisir dakʼ leka rińjikʼma. Legecʼ ghãs cetanre poroe poroe dakʼ leka, ar aṛakʼ sakamko cetanre achaṛ dakʼko lekage.