Sereńko 72:10 - সান্তালী বাইবেল

¹⁰ Tạrsis ar dipkoren rajko do uni khajnako emaema; Sheba ar Sebaren rajko do sandesko samaṅaea.

Sereńko 72:10 Iomraidhean Croise

Genesis 10:7

Kusren hopon doko hoyokʼ kana, Seba, Hạwila, Sabta Raema ar Sabteka; ar Raemaren hopon dokin hoyokʼ kana Seba, ar Dedan.

1 Rapajko 10:1

Solomonakʼ namḍak ar uni hotete sodorakʼ Probhu Isorakʼ sarhao reakʼ katha ańjomkate Seba disạmren rạni do kuṭhin kuṭhin kuklikote uni biḍạue lạgitʼe hecʼena.

1 Rapajko 10:10

Uni do pon ṭon tala khon hõ bạ̃ṛti sona, ar ạḍi utạr jut so mosolako ar damanakʼ mạnik dhiriko raje emadea. Sebaren rạni do Solomon tinạkʼ jut so mosolakoe emade unạkʼ do tishõ disạmre ar baṅ ạgu akan tahẽkana.

1 Rapajko 10:2

Uni do ḍher hoṛko ar ũṭkoante Jerusalemte hecʼkateye seṭerena. Unre ũṭ cetanre ḍher sona, jut so mosolako, ar damanakʼ mạnik dhiriko tahẽkana. Uni do Solomon ṭhen hecʼkate monre cetʼko tahẽkantae ona jotowakʼe baḍae ocokedea.

1 Rapajko 10:25

Ar okoeko hijukʼkan tahẽkan onko sanamkoge thoṛa baṅ thoṛa jãhãnakʼ sandesko ạguiyetʼ tahẽkana. Onako modre sona ar rupạ reakʼ bhajanko, kicricʼ khạnḍwạkʼko, khanḍa bhanḍako, jut so mosolako, sadomko ar khaccorkoko tahẽkana.

2 Bõsbudạ 9:21

Ar rajakʼ adomakʼ maraṅ maraṅ jahajko do Hiramren hoṛko soṅgekate Tạrsiste calakʼkan tahẽkana. Pe bochor por por ona Tạrsis reakʼ jahajko do sona, rupạ, hạti sonḍa, hạṛũko ar marakʼkoko ạguyetʼko tahẽkana.

Ester 10:1

Ahasberos raj do acʼakʼ goṭa rajosṭi, ar sạṅgiń disạmkore hõ khajnae ladeatʼkoa.

Sereńko 45:12

Tur nagraharen hoponerako do sandesko ạgu daraya; ar ạḍi kisạ̃ṛ hoṛko do amakʼ dayako khoja.

Sereńko 68:29

Jerusalemre mitʼṭecʼ oṛakʼ menakʼa: onḍege raj do am ṭhen sandesko idiya.

Sereńko 68:30

Onko ar onkoakʼ ạguakʼ rupạ reakʼ ṭakako baṛe lebetʼ gańjaome ar pạṭiol gaṛren bir janwar ar Misor do dhomkao emaeme; dhomkao kom bạchur ar phẽṭaṛko leka onko jạtrenkoge. Ar okoe jạtrenko do lạṛhạiko kusiyakʼkan Isor do onkoe chirchạtur cabakoa.

Jesaea 42:10

E jalapuri cetante dãṛãnkan hoṛko, ar onare menakʼ sanamakʼko, E sạṅgiń disạmko ar onaren girobasokʼko, ape do Probhu Isor ńutumte mitʼṭecʼ nãwã sereń sereńpe, pirthimi reakʼ ses simạna khon uniyakʼ sarhao sereńpe.

Jesaea 42:4

Dhạrti reakʼ hok bicạr ạuriye purạu hạbicʼ uni do bae laṅgakʼa se bae talga tạuạgokʼa. Ar jalapuri ḍhipkoren hoṛ do uniyakʼ ạnko ńel hor akaeko tahena.”

Jesaea 43:3

ente ińkangeạń amren Probhu, amren babańcaoicʼ Isor, ar Israelren uni sonoticʼ. Iń do amakʼ chaḍao reakʼ dam lekate Misor disạmiń emokʼkana, ar am bodolte do Kus ar Seba disạmge.

Jesaea 43:6

Ar utạr reakʼ disạm doń metaea, ‘onko aṛakʼkako me,’ Ar dạkhin disạm doń metaea, ‘alom aṭkaokoa. Iń do unkiniń metakinạ, ‘aben do sạṅgiń disạm khon ińren hoponko ạguko ben, ar pirthimi reakʼ ses simạna khon ińren hoponerako ạguko ben.

Jesaea 49:7

Hoṛko okoeko nihạ̃t giḍi akade arko hirkhạwaekan, okoe doe disạm cakʼlaokoren golamkan, uni Israelren sonoticʼ ar chakʼḍaoicʼ do Probhu Isor niạ kathae metaekana, “Rapajko do am ńelteko beredokʼa, ar mukhiyạko do amko ḍobokʼama, ente Probhu Isor do ame bachao akatʼmea; Israelren uni sonoticʼ doe pạtiạranicʼ kana.”

Jesaea 60:3

Jạt jạtrenko do amakʼ marsal ṭhenko hijukʼa; ar rapajko do aṅga marsal ṭhenko hijukʼa.

Jesaea 60:6

Amakʼ disạm do gạd gạd ũṭkote perejokʼa Midian ar Epharen daṛean ũṭkotege. Onko do sona ar kunduruwante Seba disạm khonko hijukʼa ar Probhu Isorakʼ sabasiko jạhira.

Jesaea 60:9

Sạrige sạṅgiń disạmren hoṛko do iń lạgitʼko koyokʼ horeda; amren hoponko lạgitʼ sona rupạ reakʼ maraṅ maraṅ Tạrsis jahajko do jotoko khon laha lahate hijukʼkana. Israelren uni sonoticʼ do, amren Probhu Isorakʼ ńutum sarhaotae lạgitʼ amren hoponkoko hijukʼkana, ente uni doe ṭhonok ocoakatʼmea.