Sereńko 71:16 - সান্তালী বাইবেল

¹⁶ E Probhu Isor, amakʼ dhorom reakʼ katha lại lạgitʼ amakʼ oṛakʼteń bolokʼa; ar amakʼ dhorom kạmi reakʼ kathageń roṛa.

Sereńko 71:16 Iomraidhean Croise

Sereńko 106:2

Probhu Isorakʼ bhage kạmi reakʼ do okoe haleye lại daṛekea? Uniyakʼ joto sarhao do okoeye ańjom ocoketaea?

Sereńko 29:11

Probhu Isor do acʼren hoṛko daṛeye jogao akokana; ar suluke dan akokanteye bhorako kana.

Sereńko 51:14

E Isor, ińren babańcaoicʼ Isor, khuniạhi khon bańcaoińme; onate ińakʼ moca do amakʼ sarhaoe lại jạhira.

Sereńko 71:15

Amakʼ dhorom kạmi ar amakʼ bańcaokʼ reakʼ katha do goṭa dinge ińakʼ mocare tahena, ente onako do baṅge lại cabakʼa.

Sereńko 71:19

E Isor, amakʼ dhorom reakʼ kạmi do serma hạbicʼ seṭer akana; ar joto maraṅ kạmiko do amgem kạmi akada; E Isor, am samaṅre ar okoe menaea?

Sereńko 71:2

Am dom dhoromgete bańcaoińme, ar rukhiyạyińme; ińakʼ katha luturakʼme ar iń rukhiyạyińme.

Sereńko 71:24

Ińakʼ moca do siń sạṭupʼ amakʼ kạmi reakʼ kathageye lạiya, ente muhinre paṛao ocoyiń lạgitʼ okoeko kurumuṭukan tahẽkan onko do lajao arko bemanot ocoakana.

Jesaea 26:13

E Probhu, aleren Isor, am chaḍa eṭakʼ Probhuko hõ ale cetanre mạlikiko calaoleda, menkhan ale do eken amgele aṅgocetʼmea.

Jesaea 40:31

menkhan Probhu Isorre okoe asko dohoyetʼ onko do nãwã daṛeko ńama. Pajhaṛ cẽṛẽ leka onko do phạ̃kṛạ̃kʼ hotete coṭteko uḍạukʼa; onko doko dạṛ idiya ar bako laṅgakʼa, taṛamako ar bako nijorokʼa.

Jesaea 63:7

Iń do Probhu Isorakʼ dayań lại jạhira ar uniyakʼ sanamakʼ kạmi reakʼ iń sarhaotaea. Acʼakʼ daya ar asambheṛ dulạṛ iạte uni do Israel jạtrenko lạgitʼ ḍher bhạlại reakʼe kạmi akatʼte uni doń sarhaoea.

Sakariạ 10:12

Ińakʼ daṛete onko do daṛeankoń hoyocokoa ar ińakʼ sana lekageko calakʼa. Iń Probhu Isorge noa katha doń meneda.”

Mathae 6:33

Menkhan pạhilre ape do Isorakʼ raj ar dhorom ńam maṛaṅpe. Enḍekhan ona sanamakʼpe ńama.

Romiko lạgitʼ Pạul Apostolakʼ ciṭhi 1:17

Isor manwako cetʼlekate dhorom menteye ataṅko ona do bhage sombat hotete sodor akana. Etohopʼ khon mucạtʼ hạbicʼ pạtiạu hotetege manwa do eken dhorom menteye ataṅ ocokʼa. Sonot sostorre olakana; “Dhoromicʼ do pạtiạu hotetege jione ńama.”

Romiko lạgitʼ Pạul Apostolakʼ ciṭhi 10:3

Isor do manwako cetʼ lekate dhorom menteye ataṅkoa ona katha luturakʼ baṅkate onko do akoakʼ kurumuṭute dhorom udugokʼko menjoṅkan tahẽkana. Onatege Isor okaṭakʼ ponthate manwa dhorom menteye aṅgoce ona do bako manaoleda.

Romiko lạgitʼ Pạul Apostolakʼ ciṭhi 3:21

Isor do manwako ạn begorte cetʼlekate dhorom menteye ataṅkoa ona do ńitokʼ sodor akana. Moseyakʼ ạnre ar nạbiko hõ ona reaṅ gohako emakada.

Ephesiko lạgitʼ Pạul Apostolakʼ ciṭhi 3:16

Iń doń koejoṅkana jemon Isorakʼ asambheṛ ṭhonok lekate uni do nonkan daṛeye emape, jemon sonot Jiu hotete apeakʼ ontor do daṛeanakʼ hoyokʼtape,

Ephesiko lạgitʼ Pạul Apostolakʼ ciṭhi 6:10

Sarecʼ katha do nõkʼõe, Probhu Isor sãote mitʼakae tahẽkate uni emakʼ maraṅ daṛete daṛeanko hoyokʼpe.

Dosar Biboron 33:25

Mẽṛhẽtʼ ar pitạl reakʼ hurkạṛte uniyakʼ duạr do tol tahentaea. Ar tinạkʼ din jiwetʼe tahen unạkʼ din hoṛmore daṛe tahentaea.”

Philipiko lạgitʼ Pạul apostolakʼ ciṭhi 3:9

Ạn-ạrikoń manaoetʼte dhoromiń hoyakana ona do baṅ, menkhan Mạsire biswạs khạtirte Isor do dhorom menteye ataṅ akadińạ. Noa dhorom do Isor ṭhen khonge hecʼakana ar biswạsre ṭehãḍokʼ kana.

Philipiko lạgitʼ Pạul apostolakʼ ciṭhi 4:13

Ar okoe daṛeye imạńkan uni hotetege iń do jotowakʼiń kạmi daṛeakʼ kana.

2 Thessalonikiko 1:6

Isorakʼ dhorom bicạr do noage, okoe apeko duk ocoyetʼpe uni hõ onkoe duk ocokoa;

2Timothi 2:1

Ado E bachatiń, Mạsi Jisuakʼ dayate am do daṛeanicʼ hoyokʼme.