Sereńko 7:6 - সান্তালী বাইবেল

⁶ E Probhu Isor, edrete ma beretʼme, ińren bạirikoakʼ raṅgao upạrte ti tiạrtam. Iń lạgitʼ ebhenokʼme, ente amakʼ dhorom bicạr reakʼ katham lại jạhir akada.

Sereńko 7:6 Iomraidhean Croise

2 Samuel 17:14

Absalom ar Israelren sanam hoṛko menkeda, “Ahitophelakʼ sopolha khon Erekren Husaiyakʼ sopolhage bhagea.” Ente Absalom cetanre jarkhar ạgui lạgitʼ Probhu Isorge Ahitophelakʼ bhage sopolhae ạuṛiyakʼ ocoytae lạgitʼe ṭhik dohoakatʼ tahẽkana.

Sereńko 103:6

Probhu Isor do lek lekageye kạmikana; uni do julum ocokʼkanko hokʼ reakʼe bicạretʼtakoa.

Sereńko 12:5

Probhu Isore meneda, “Nacarkoakʼ ujạṛokʼ ar reṅgecʼ orecʼkoakʼ rakʼjoṅte iń do ńitgeń beredokʼa, ar bańcao tahen lạgitʼ okoeyakʼ ontorre monejoṅakʼ menakʼ onko doń bańcao dohokoa.”

Sereńko 138:7

Tinre iń do gạr talateń calakʼa unre ińakʼ jiwi do rukhiyại tińme; amakʼ ti tiạrte ińren bạirikoakʼ edre cabaetakome, ar amakʼ jojomtite rukhiyạyińme.

Sereńko 143:3

Bạiri do ińe khudạuedeń kana, uni do otreye tawakʼ bhindạṛ akadińạ; ar ḍher din laharen gocʼ hoṛ leka uni do ńutreye berel ocoakadińạ.

Sereńko 3:7

E Probhu Isor, dela hijukʼme; E ińren Isor, bańcaoiń me. Am do ińren bạiriko jambereyem ghạletʼkoa ar bạṛicʼ hoṛkoakʼ ḍaṭa dom rạputʼ giḍikatako kana.

Sereńko 35:1

E Probhu Isor, okoe doko iń upạrtenkan onko upạrte amhõ teṅgonme; ar iń upạrte okoeko lạṛhạikan onko upạrte amhõ lạṛhạime.

Sereńko 35:23

E ińren Isor, E ińren Probhu, ma beretʼme, ar iń sejokʼme, ar iń secʼ katha roṛme.

Sereńko 44:23

E Probhu Isor, ebhenokʼme, cedakʼem jạpitʼ akada? Ma beretʼme, jaejug hạbicʼ do alom bạgi giḍilea.

Sereńko 44:26

Dela hijukʼme, ar goṛowaleme; amakʼ asambheṛ dayate chaḍaoleme.

Sereńko 59:5

E sanam daṛeanicʼ Probhu, Israelkoren Isor, am do sanam jạtrenko sạjại emako lạgitʼ ma beretʼme; ar phạsiạrako do alom daya akoa. (Sela)

Sereńko 73:20

Jạpitʼ khon ebhenlenre manwa ṭhen cetʼleka kukmũ do ạuṛiyagokʼ, onkage E Probhu Isor, amem ebhenlenre am ṭhen onko do ạuṛiyakʼko hoyokʼa.

Sereńko 74:3

Jaejug reakʼ noa dhaṅdhaseranakʼ secʼ am do taṛam laha hijukʼme; sonot ṭhạ̃ire bạiriko do sanamakʼko jarkhar akada.

Sereńko 78:65

Ona tayom Probhu Isor do jạpitʼ khone ebhenena; uni do darkha rasa reakʼ nisạ kaṭaoen bir lekae jagwarena.

Jesaea 3:13

Probhu Isor do mambla lạgitʼe beretʼ akana; uni do eṭakʼ eṭakʼ jạtrenko bicạrko lạgitʼe teṅgo akana.

Jesaea 33:10

Probhu Isore meneda, “Ńitokʼ doń teṅgokʼa, ńitokʼ doń usul ocokʼa, ńitokʼ do ińakʼ ṭhonok sodorokʼtińa.

Jesaea 37:20

E aleren Probhu Isor, de ńitokʼ Ạsurren rajakʼ ti khon rukhiyạleme, jemon dhạrtiren sanam rajosṭirenko baḍae daṛeakʼ, am eskar kangeam Probhu Isor do.”

Jesaea 51:9

E Probhu Isorakʼ daṛeanakʼ ti, ma ebhenokʼme, beredokʼme ar amakʼ daṛe baṛe sodortam. Cetʼleka sedae khonem tahẽkan, cetʼleka piṛhike piṛhim beretʼlen onkage baṛe beredokʼme. Amge cetʼ Rahab do bam chaka chunledea? Silodam danob do cetʼ amge bam sobokʼ tapʼledea?