Sereńko 7:5 - সান্তালী বাইবেল

⁵ Enḍekhan bạiriko do ińko laga sabeńma; onko do otreko tawagińma arko lebetʼ gańjaoiń ma. Ar ińakʼ manot do dhuṛireko mesao giḍikakʼma. (Sela)

Sereńko 7:5 Iomraidhean Croise

Jobakʼ 16:15

Ińakʼ harta cetanre gõṛẽ kicricʼ iń horokʼakada; ar ińakʼ bạḍại do dhuṛireń laplonḍe akatʼtińạ.

Sereńko 3:2

Ḍher hoṛge iń reakʼko roṛeda, “Isor do uni bae rukhiyạyea.” (Sela)

Sereńko 44:5

Aleren bạiriko do amakʼ daṛetegele teṅgo daramkoa; ar okoe ale upạrteko teṅgokʼ onko do amakʼ jortegele lebetʼ gańjaokoa.

Sereńko 49:12

Menkhan manwa do kisạ̃ṛ ar ạkilanko hoylenre hõ jaejug do bako tahena; uni do janwarko lekageye marao utạrokʼa.

Sereńko 60:12

Isorakʼ goṛote ale dole jitạukʼa; ar aleren bạiriko uni doe lebetʼ gańjaokotalea.

Jesaea 10:6

Uni do Isor baṅ botorae kan mitʼ jạtrenko upạrteń kolekana ar okoe ińko khĩs ocoakadiń onko upạrteń kolekana jemon uni do luṭ are recʼko ar hor reakʼ losotʼ lekae lebetʼ gańjao daṛeako.

Jesaea 63:3

“Iń eskarge darkha jo doń lelenkana; jạt jạtrenko mod khon okoe hõ iń soṅgete do bako tahẽkana. Iń do edreteń lebetʼketʼkoa ar raṅgaote jaṅgateń lebetʼ gańjaoketʼkoa; ar onkoakʼ mãyãmge ińakʼ kicricʼre irciyena ar ińakʼ sanam kicricʼko do gabao cabayentińạ.

Jirimiạ 17:13

E Probhu, Israelkoakʼ as, okoe amko bạgi akatʼme onko sanam do lajaoreko paṛao ocokʼa. Am ṭhen khon okoeko ruạṛ senakan onkoakʼ ńutum do dhuṛire olokʼtakoa, ente onko do jiwetʼ dakʼren jharna Probhuko bạgi akadea.

Habakkuk 3:13

Amren hoṛko bańcaoko lạgitʼ ar amren ojokʼicʼ hoṛ rukhiyạye lạgitʼ am dom oḍok hecʼena. Am do dusṭạmi disạmren mukhiyạm ghạlkedea, ar uniyakʼ disạm do purạtem marao utạrketʼtaea. [Sela]

Sakariạ 10:5

Unre Jihudạren hoṛ do nonkan daṛean hoṛ lekako hoyokʼa onko do lạṛhạire ḍahar reakʼ losotʼ leka bạiriko lebetʼ khadbadaokoa. Ar iń do onko sãoteń tahente lạṛhạire aswarikoko bhagaokoa.

Malaki 4:3

Ona tayom do dusṭạmikope lebetʼ gańjaokoa, ente oka hilokʼ onakoń kạmiya enhilokʼ onko do apeakʼ jaṅga latarre ńur akan torocʼ baraggeń hoyocokoa. Iń phạdkoren Probhu Isorge noa katha doń meneda.

1 Samuel 24:11

E ạlińren ạpuń, nõkʼõe ńelben, ạlińakʼ tire abenakʼ aṅgrop reakʼ ańcar kuṭrạ. Ạlińge abenakʼ aṅgrop khon ańcar liń getʼ kuṭrạ akatʼa menkhan aben do bạliń gocʼletʼ bena. Enḍekhan aben do ńitokʼ ben bujhạu daṛeakʼ kana je, aben cetanre ạlińakʼ jãhãn behokakʼ se hulteakʼ do bạnukʼa. Ar aben upạrte kại hõ bạliń kại akada, menkhan enhõ aben do ạliń gocʼliń lạgitʼ ben sendra baṛayetʼlińạ.

1 Samuel 24:18

Ạliń lạgitʼ bhageakʼ ben kạmikan ona do teheń ben baḍae ocoketʼ lińạ. Probhu Isor do abenakʼ tireye soprotletʼ lińre hõ baben gocʼletʼ lińạ.

1 Samuel 24:20

Ńitokʼ do liń baḍae daṛeakʼ kana, aben do khạṭige raj ben hoyokʼa ar aben hotetege Israelakʼ rajosṭi do teṅgo ṭarhaokʼa.