Sereńko 7:3 - সান্তালী বাইবেল

³ E Probhu, ińren Isor, nonkanakʼ jãhãnakʼ iń kạmi akatʼ khan, ar bạṛicʼakʼ reakʼ jãhãn dag ińakʼ tire menakʼ khan,

Sereńko 7:3 Iomraidhean Croise

Jobakʼ 11:14

amre oka kại menakʼ onam sạṅgiń lekhan, ar bedhorom amakʼ oṛakʼre bam tahẽ ocowakʼ khan,

Sereńko 22:12

Iń beṛhaete sanḍ ḍaṅgra menakʼkoa; onko do Bashan disạmren daṛean bayarko lekako esetʼ ạcur akadińạ.

Sereńko 22:20

Tarwaṛe khon ińakʼ jiwi baṛe rukhiyại tińme, onko setakoakʼ capoṭ khon ińakʼ jiwi rukhiyại tińme.

Sereńko 59:3

Onko do iń lạgitʼko tãṛãkʼ akana, ar daṛean hoṛko do iń hạneń lạgitʼko jarwa akana; E Probhu Isor, ona do ińakʼ jãhãn bedhorom se kại lạgitʼ do baṅ hoyakana.

Sereńko 66:18

Ińakʼ ontorre bedhoromiń dohokakʼ khan Probhu do ińakʼ katha ohoe ańjomlea.

Josuạ 22:22

“Sanam daṛeanicʼ Probhu Isor! Sanam daṛeanicʼ Probhu Isor! Uni mae baḍaege ar Israelko hõko baḍaema. Probhu Isor upạrte jãhãn hul se bebatao reakʼ kạmi hoyakan khan enḍekhan teheń alope rehaelea.

1 Samuel 20:8

Onate aben do ńitokʼ ạlińre dayakʼben, ente Probhu Isor samaṅre aben do mitʼṭecʼ bondobos ben dohoakada. Ar ạliń liń dos akatʼ khan tobe do abenge gocʼliń ben, abenren babawakʼ tire jimạliń reakʼ cetʼ jãhãn jạruṛ menakʼa.?”

1 Samuel 22:13

Sạul do uniye metadea, “Am ar Jisạiren hopon aben do iń upạrte cedakʼ ben soṛojontrokeda? Iń upạrte tãṛãkʼkate jemone hul daṛeakʼ onate am do piṭhạ ar tarwaṛem emadea ar unire Isorakʼ sana do cetʼ kana mente ona hõm kuliyana.”

1 Samuel 22:8

Ape do iń upạrtepe soṛojontro akada ar Jisạiren hopon sãote ińren hopon okae bondobos akatʼ ona do okoehõ bape baḍae ocoakadińa. Ińren hopon do teheń ińren guti iń upạrte tãṛãgokʼ lạgitʼe uskurkedea ar ona katha hõ bape baḍae ocoakadińa se iń lạgitʼ okoe hõ duk do bạnukʼtapea.”

1 Samuel 24:11

E ạlińren ạpuń, nõkʼõe ńelben, ạlińakʼ tire abenakʼ aṅgrop reakʼ ańcar kuṭrạ. Ạlińge abenakʼ aṅgrop khon ańcar liń getʼ kuṭrạ akatʼa menkhan aben do bạliń gocʼletʼ bena. Enḍekhan aben do ńitokʼ ben bujhạu daṛeakʼ kana je, aben cetanre ạlińakʼ jãhãn behokakʼ se hulteakʼ do bạnukʼa. Ar aben upạrte kại hõ bạliń kại akada, menkhan enhõ aben do ạliń gocʼliń lạgitʼ ben sendra baṛayetʼlińạ.

1 Samuel 24:9

Ar ona tayom do Sạule metadea, “Cedakʼ hoṛkoakʼ kathate ben pạtiạukʼ kana ạliń do abenakʼ loksan taben lạgitʼ liń kurumuṭu kana mente.