Sereńko 7:2 - সান্তালী বাইবেল

² Ar baṅkhan onko do dhạcri kul leka jiwiko cirạitińạ; arko kaṭra kuṭrạ cabayińạ, ar iń bańcaoiń lạgitʼ do celege bako tahena.

Sereńko 7:2 Iomraidhean Croise

2 Samuel 14:6

Iń amren kạ̃ṛmĩren do barea koṛakin tahẽkantińa. Mitʼdin unkin do ṭạnḍire jhogṛakʼ kin ehopʼena ar onḍe unkin chaḍaokin leka do celege bako tahẽkana. Onate unkin modre mitʼṭen do dosaricʼe gocʼkedea.

Jobakʼ 10:7

Baḍaegeam dusi doń baṅ kana ar amakʼ ti khon okoehõ bako rukhiyạ daṛeạńạ.

Sereńko 10:9

Uni do danaṅre tahẽkate dhạcri kul lekae tãṛãkʼ akana; nacaricʼ sabe lạgitʼgeye onkayeda, ar jhạli oḍaokateye sabe kana.

Sereńko 11:1

Iń do Probhu Isorrege asrayiń hatao akada. Cedakʼpe meneda, “Cẽṛẽ leka uḍạukʼte apeakʼ burute dạṛjoṅpe?”

Sereńko 16:1

E Isor, rukhiyạyińme, ente iń do amreń hirlạ akana.

Sereńko 17:12

Onko do dhạcri kul leka cirạ gocʼle lạgitʼko pagla akana, onko do dhạcri kul leka danaṅreko tãṛãkʼ akana.

Sereńko 22:13

Dhạcri kul cetʼ leka gocʼ jomko lạgitʼe hạnḍrạukʼ, onkage onko do iń upạrte mocako cahapʼ akatʼtakoa.

Sereńko 31:2

Iń secʼ amakʼ lutur oḍaotam; ar bańcaoiń lạgitʼ usạrate hijukʼme. Iń rukhiyạyiń lạgitʼ asray cạṭạnige hoyokʼme ar ińakʼ aotan gaṛ hõ hoyokʼme.

Sereńko 35:15

Menkhan tinreń tohotʼena unre onko do kusiteko mitʼena. Ar iń sasetińko do iń ạuriń baḍaerege iń upạrteko mitʼ akana. Onko do jao ghạṛicʼko roṛ dogeń kana.

Sereńko 50:22

“Okoe Isorpe hiṛiń akade ape do hudisokʼpe; ar baṅkhan iń doń or cirạpea, ar ape bańcaope lạgitʼ do cele hõ bako tahena.

Sereńko 59:2

Okoe bạṛicʼakʼko kạmiyetʼ kan onkoakʼ ti khon bańcaoińme; ar khuniạhikoakʼ ti khon rukhiyạyińme.

Kạhtukko 19:12

Rajakʼ raṅgao do gondraokʼkan dhạcri kul leka, menkhan uniyakʼ daya do ghãsre ńur akan sisir dakʼ leka.

Jesaea 38:13

Ạuri setagokʼ hạbicʼ goṛo ńam lạgitʼ iń doń rakʼkeda. Dhạcri kul leka ińakʼ jaṅkom rạputʼketʼtińạ; ar mitʼ dinrege iń dom ses utạrińạ.

Dosar Biboron 33:20

Gad reaṅ uni doe menkeda, “Bhạgangea uni do, okoe do Gad rajosṭi reakʼ simạnae baṛhaoetʼ. Uni do dhạcri kul lekae tahena ar bạirikoakʼ ti ar coṭ bohokʼ hạbicʼe cirạitakoa.

2Timothi 4:17

Menkhan Probhu Isor do iń sãoteye tahẽkana ar daṛeye dan ạdiń tahẽkana. Onate iń do purạte bhage sombatiń porcar daṛeakʼ tahẽkana ar sanam boṅgan hoṛ jạtrenkoko ańjomleda. Isor do dhạcri kulakʼ moca khone rukhiyạledińạ.

1 Patras 5:8

Apnar sambṛaokʼpe ar sontor akae tahenpe, ente aperen bạiri Soetan do hạnḍrạukʼkan dhạcri kul lekae dhãoṛa dhạ̃uṛi baṛaekana jãhãegeye utʼgotʼkaea mente.

Bikʼcạrko 18:28

Unre Layisrenko rukhiyạko lạgitʼ nonkan cele hoṛge bako tahẽkana, ente onkoakʼ nagraha do Sidon khon ḍher sạṅgińre tahẽkana ar eṭakʼ jãhãe hoṛko sãote hõ onko do jãhãn helmelge baṅ tahẽkantakoa. Onkoakʼ nagraha do Beth-Rahab nagraha ṭhenakʼ mitʼṭecʼ tapol otre tahẽkana. Dan gusṭiren hoṛko do arhõ nagrahako benaoketʼte onḍe girobasokʼko ehopʼena.