Sereńko 69:8 - সান্তালী বাইবেল

⁸ Ińren boehako ṭhen iń do bin opromicʼ iń hoyakana, ar eṅgat lacʼren boehako ṭhen do porjạt lekań hoyakana.

Sereńko 69:8 Iomraidhean Croise

Sereńko 31:11

Bạiriko ṭhen iń do henostageń hoyakana, bạ̃ṛtikaete ińren gateko ṭhen. Ar ńepel oprom hoṛko ṭhen do torasge; kulhireko ńelliń khan onko doko ńir pharakokʼkana.

Sereńko 38:11

Ińakʼ noa dosa ńelte gate peṛako do iń khon pharakreko tahenkana, ar ińren peṛa pạrbhạko hõ iń khonko pharakokʼ kana.

Sereńko 89:51

E Probhu Isor, amren bạirikoge ona doko henosta akada; ar amren ojokʼicʼ hoṛ hõ uniyakʼ sanam taṛam pańjare.

Sereńko 89:52

Jaejugge Probhu Isorakʼ sarhao hoyokʼtae ma! Amen, Amen.

Jesaea 50:6

Okoeko daleńkan onko ṭhen ińakʼ dea doń alae akatʼtińạ ar okoe ińakʼ gocoko racakʼ topakʼ akatʼtiń onko do ińakʼ johageń samaṅ akatʼkoa. Ar tinre ińko opoman arko thoạńkan tahẽkana unre ińakʼ mẽtʼãhã do bạń betʼ esetʼletʼtińạ.

Jesaea 53:3

Hoṛko do uniko hirkhạwadea arko nihạ̃tkedea; uni do duk jom ar harkhet saset bakʼḍayicʼgeye tahẽkana. Uni ńelte hoṛko do mẽtʼãhãko bedokʼkan tahẽkana; onko do uniko hirkhạwae kan tahẽkana ar abo hõ babon manotledea.

Jesaea 53:4

Sạrige, uni do aboakʼ sanam dukkoe ladeana ar aboakʼ sasetko hõe gokʼketʼtabona; menkhan abo do bon bujhạukeda Isorge uni doe ńẽtʼkedea, unigeye gocʼkedea ar duke emadea.

Jirimiạ 15:15

E Probhu Isor, am do jotowakʼgem bujhạu daṛeakʼkana; onate ińakʼ katha disạime ar ińakʼ moneyakʼme. Ińren jor julumko cetanre amge hala hạlime. Onko cetanre amakʼ sombhuri do ḍhergetama, menkhan onko tire do alom marao ocoyińạ; disạime, am iạte cetʼlekan ṭiṭkạriń sahao akada.

Mathae 26:56

Menkhan noa joto do hoyena jemon nạbiko reakʼ olakʼko purạukʼ.” Unre celako do Jisuko ńir bạgiyadea.

Johan 1:11

Uni do acʼrenko ṭhene hecʼlena, menkhan acʼren hoṛge bako ataṅledea.

Johan 7:5

Ar acʼren boehako hõ Jisu do bako pạtiạuae kan tahẽkana.

1 Samuel 17:28

Dạudren maraṅicʼ boeha Eliab do hoṛko sãote uniyakʼ galmaraoe ańjomketʼ khane raṅgaoena. Uni doe metadea, “Nonḍe do cedakʼem hecʼakana? Hahaṅkarre bhiḍiko do okoe jimạrem bạgi oṭoakawatʼkoa? Amakʼ bạḍại ar dusṭami reakʼ katha doń baḍaegea. Am do lạṛhại ńeńelgem hecʼakana?”